toggle_night_mode
Ҳужжат 23.05.2020 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Аҳолини ижтимоий ҳимоя қилиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида
Ўзбекистон Республикаси Президентининг «Давлат хизматлари кўрсатиш миллий тизимини жадал ривожлантириш бўйича қўшимча чора-тадбирлар тўғрисида» 2020 йил 31 январдаги ПФ-5930-сон фармонига мувофиқ ҳамда аҳолини ижтимоий ҳимоя қилиш соҳасида давлат хизматлари кўрсатиш тизимини янада такомиллаштириш мақсадида Вазирлар Маҳкамаси қарор қилади:
1. Қуйидагилар:
Фарзанд туғилганда бериладиган бир марталик нафақани тайинлаш бўйича давлат хизматлари кўрсатишнинг маъмурий регламенти 1-иловага мувофиқ.
Дафн маросими учун нафақа тайинлаш бўйича давлат хизматлари кўрсатишнинг маъмурий регламенти 2-иловага мувофиқ;
Кейинги таҳрирга қаранг.
Пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизматлари кўрсатишнинг маъмурий регламенти 3-иловага мувофиқ;
Кейинги таҳрирга қаранг.
Пенсия ва нафақа миқдори тўғрисида маълумотнома бериш бўйича давлат хизматлари кўрсатишнинг маъмурий регламенти 4-иловага мувофиқ тасдиқлансин.
Кейинги таҳрирга қаранг.
2. Ўзбекистон Республикаси Адлия вазирлиги давлат хизматлари кўрсатиш учун зарур ҳужжатлар ва бошқа ҳужжатларнинг намунавий шакллари, бланкалари ишлаб чиқилиши ҳамда тасдиқланишини, Давлат хизматлари марказларининг ходимлари иштирокида ушбу қарор билан тасдиқланган маъмурий регламентларни амалда қўллашнинг самарадорлиги ва натижадорлиги даражасини оширишга йўналтирилган ўқув семинарлари ташкил этилиши ва ўтказилишини таъминласин.
3. Ўзбекистон Республикаси Ахборот технологиялари ва коммуникацияларини ривожлантириш вазирлиги, Молия вазирлиги ҳузуридаги бюджетдан ташқари Пенсия жамғармаси ҳамда Ўзбекистон Республикаси Адлия вазирлиги ҳузуридаги Давлат хизматлари агентлиги билан биргаликда 2020 йил 1 июнга қадар:
ушбу қарор билан тасдиқланаётган маъмурий регламентлар бўйича давлат хизматлари Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали жорий этилишини таъминласин;
ЯИДХПда давлат хизматлари кўрсатилишининг ҳар бир босқичида мурожаатлар кўриб чиқилишини кузатиб бориш тартибини жорий этсин;
фарзанд туғилганда бериладиган бир марталик нафақа ва дафн маросими учун бериладиган нафақаларни тайинлаш юзасидан мурожаатлар бўйича давлат хизматлари кўрсатиш жараёни тўлиқ автоматлаштирилишини таъминлаш мақсадида бюджетдан ташқари Пенсия жамғармасининг маълумотлар базаси «ФҲДЁнинг ягона электрон архиви» ахборот тизими билан интеграция қилинишини таъминласин;
фуқароларнинг пенсия ва нафақа олувчилар рўйхатида мавжудлиги ҳақида ва пенсионерларнинг пенсия ва нафақа миқдори тўғрисидаги маълумотномаларни бериш бўйича давлат хизматлари кўрсатиш жараёни тўлиқ автоматлаштирилишини таъминласин.
4. Ўзбекистон Республикаси Адлия вазирлиги ҳузуридаги Давлат хизматлари агентлиги:
ушбу қарор билан тасдиқланаётган маъмурий регламентлар бўйича давлат хизматлари кўрсатишнинг белгиланган тартибини амалга ошириш юзасидан, шу жумладан, ЯИДХП орқали доимий назорат ўрнатсин;
ушбу қарор билан тасдиқланган Маъмурий регламент талаблари бузилганлиги учун давлат хизматлари кўрсатишда иштирок этувчи ташкилотларнинг мансабдор шахсларига нисбатан маъмурий жазо чораларини белгиланган тартибда қўлласин.
5. Вазирлар Маҳкамасининг 2011 йил 14 июндаги 174-сон қарори (Ўзбекистон Республикаси ҚХТ, 2011 й., 24-сон, 249-модда) билан тасдиқланган Дафн этишга нафақа тайинлаш ва тўлаш тартиби тўғрисидаги низомга 5-иловага мувофиқ ўзгартиришлар киритилсин.
Кейинги таҳрирга қаранг.
6. Ўзбекистон Республикаси Адлия вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — Ўзбекистон Республикаси иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси адлия вазири Р.Қ. Давлетов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 23 май,
327-сон
Вазирлар Маҳкамасининг 2020 йил 23 майдаги 327-сон қарорига
1-ИЛОВА
Фарзанд туғилганда бериладиган бир марталик нафақани тайинлаш бўйича давлат хизматлари кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Ушбу Регламент туғилган боланинг ота-онаси ёки уларнинг ўрнини босувчи шахсларга (кейинги ўринларда — ариза берувчилар) Давлат хизматлари марказлари орқали бола туғилганда бериладиган бир марталик нафақа пулини (кейинги ўринларда — нафақа) тайинлаш юзасидан мурожаат қилиш бўйича давлат хизматлари (кейинги ўринларда — давлат хизматлари) кўрсатиш тартибини белгилайди.
2. Давлат хизматлари Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали бола туғилган кундан бошлаб 6 ой муддат ичида мурожаат қилинган тақдирда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси (кейинги ўринларда — ваколатли орган) томонидан кўрсатилади ва нафақа пули нафақа етказиб бериш (топшириш) юкланган ташкилот томонидан тўланади.
Кейинги таҳрирга қаранг.
3. Давлат хизматлари марказлари ва ваколатли орган ўртасидаги идоралараро электрон ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.
4. Фарзанд туғилганда бериладиган бир марталик нафақани тайинлаш бўйича давлат хизматлари кўрсатиш ушбу Регламентга 1-иловага мувофиқ схема бўйича амалга оширилади.
2-боб. Давлат хизматлари кўрсатиш тартиби
5. Ариза берувчи давлат хизматларидан фойдаланиш учун Давлат хизматлари марказларига ўзи келиб мурожаат қилади ёки давлат хизматларидан электрон тарзда фойдаланиш учун ЯИДХПда рўйхатдан ўтади.
6. Ариза берувчи ўзи келиб мурожаат қилган тақдирда Давлат хизматлари маркази ходими ариза берувчининг номидан, ЯИДХП орқали мурожаат этган тақдирда мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.
7. Сўровнома тўлдирилгандан сўнг ариза берувчи маълумотларнинг тўғрилигини текшириб, сўровномани ўз ЭРИси билан тасдиқлайди.
Давлат хизматлари марказлари ариза берувчилар ЭРИсини шу жойнинг ўзида олишлари учун барча зарур шароитларни таъминлашга мажбур.
Ўзи келиб мурожаат этган тақдирда сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
Кейинги таҳрирга қаранг.
8. Давлат хизматлари кўрсатилгани учун йиғим ундирилмайди.
9. Ариза берувчилар томонидан сўровномада нотўғри маълумотларнинг кўрсатилиши ёки уни тасдиқлаш рад этилиши давлат хизматлари кўрсатишни рад этиш учун асос ҳисобланади.
Давлат хизматлари кўрсатишни бошқа асослар бўйича рад этиш тақиқланади.
10. Ариза берувчилар давлат хизматлардан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда унинг сўровномаси кўриб чиқилмасдан қолдирилади.
11. Ариза берувчи Давлат хизматлари марказига келиб мурожаат этган тақдирда унинг сўровномаси Давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг 5 дақиқа мобайнида, ЯИДХП орқали мурожаат қилинганда автоматик тарзда ваколатли органга электрон шаклда юборилади.
12. Ваколатли орган томонидан сўровнома олинганидан сўнг 5 дақиқа мобайнида нафақа пули тайинланади ёки рад этилади ҳамда бу ҳақидаги маълумот тегишли Давлат хизматлари марказига ёки ЯИДХПга электрон тарзда юборилади. Нафақа тайинлаш рад этилган тақдирда маълумотда рад этиш сабаблари кўрсатилади.
13. Ваколатли орган нафақа пулини тайинлаган тақдирда тўлов қайдномаларини шакллантиради ва нафақани қачон ва қаердан олиши мумкинлиги тўғрисидаги маълумотни (ўзи келиб мурожаат этган тақдирда) Давлат хизматлари марказига ёки (электрон тарзда мурожаат этган тақдирда) ариза берувчига ЯИДХП орқали электрон тарзда юборади. Шакллантирилган тўлов қайдномалари ҳар ой ҳисобот ойидан кейинги ойнинг бешинчи кунигача сўровномада келтирилган нафақани етказиб бериш (топшириш) юкланган ташкилотга юборилади.
14. Давлат хизматлари маркази маълумот олинганидан сўнг 5 дақиқа мобайнида ариза берувчини хабардор қилади.
3-боб. Якунловчи қоидалар
15. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.
16. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолиятини доимий назорат қилади ва мониторинг олиб боради.
17. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонун ҳужжатларида белгиланган тартибда шикоят қилишлари мумкин.
Кейинги таҳрирга қаранг.
18. Ушбу Регламент талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.
Кейинги таҳрирга қаранг.
Фарзанд туғилганда бериладиган бир марталик нафақани тайинлаш бўйича давлат хизматлари кўрсатишнинг Маъмурий регламентига
1-ИЛОВА
Фарзанд туғилганда бериладиган нафақани тайинлаш юзасидан мурожаат қилиш бўйича давлат хизматлари кўрсатиш
СХЕМАСИ
Кейинги таҳрирга қаранг.
Фарзанд туғилганда бериладиган бир марталик нафақани тайинлаш бўйича давлат хизматлари кўрсатишнинг Маъмурий регламентига
2-ИЛОВА

______________________

(сана)

______________________

(рақами)

Фарзанд туғилганда бериладиган нафақани олиш учун

СЎРОВНОМА

I. Ариза берувчи тўғрисидаги маълумотлар:

1. Фамилияси:

2. Исми:

3. Отасининг исми:

4. Туғилган санаси:

5. Паспорт серияси ва рақами:

6. Жисмоний шахснинг шахсий идентификация рақами:

7. Нафақани етказиб бериш (топшириш) юкланган ташкилот:

8. Боланинг туғилган санаси:

9. Туғилганлик ҳақидаги гувоҳноманинг серияси ва рақами:

10. Далолатнома ёзуви қайд рақами:

11. Болага алоқадорлиги:

12. Телефон рақами:

13. Электрон почта манзили:

Вазирлар Маҳкамасининг 2020 йил 23 майдаги 327-сон қарорига
2-ИЛОВА
Дафн маросими учун нафақа тайинлаш бўйича давлат хизматлари кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Ушбу Регламент дафн этиш мажбуриятини зиммасига олган шахсларни (кейинги ўринларда — ариза берувчилар) Давлат хизматлари марказлари орқали дафн маросимларини ўтказиш учун бериладиган нафақа пулини (кейинги ўринларда — нафақа) тайинлаш юзасидан мурожаат этиш бўйича давлат хизматларини (кейинги ўринларда — давлат хизматлари) кўрсатиш тартибини белгилайди.
2. Давлат хизматлари Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси (кейинги ўринларда — ваколатли орган) томонидан кўрсатилади ва нафақа пули нафақани етказиб бериш (топшириш) юкланган ташкилот томонидан тўланади.
3. Давлат хизматлари марказлари ва ваколатли орган ўртасидаги идоралараро электрон ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.
4. Дафн маросими учун нафақа тайинлаш бўйича давлат хизматлари кўрсатиш мазкур Регламентга 1-иловага мувофиқ схема бўйича амалга оширилади.
2-боб. Давлат хизматлари кўрсатиш тартиби
5. Ариза берувчи давлат хизматларидан фойдаланиш учун Давлат хизматлари марказларига ўзи келиб мурожаат этади ёки давлат хизматларидан электрон тарзда фойдаланиш учун ЯИДХПда рўйхатдан ўтади.
6. Ариза берувчи ўзи келиб мурожаат этган тақдирда Давлат хизматлари маркази ходими ариза берувчи номидан, ЯИДХП орқали мурожаат этган тақдирда мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.
7. Сўровнома тўлдирилгандан сўнг ариза берувчи маълумотларнинг тўғрилигини текшириб, сўровномани ўз ЭРИси билан тасдиқлайди.
Давлат хизматлари марказлари ариза берувчилар ЭРИсини шу жойнинг ўзида олишлари учун барча зарур шароитларни таъминлашга мажбур.
Ўзи келиб мурожаат этган тақдирда сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
8. Давлат хизматлари кўрсатилгани учун йиғим ундирилмайди.
9. Ариза берувчилар томонидан сўровномада нотўғри маълумотларнинг кўрсатилиши ёки уни тасдиқлаш рад этилиши давлат хизматлари кўрсатишни рад этиш учун асос ҳисобланади.
Давлат хизматлари кўрсатишни бошқа асослар бўйича рад этиш тақиқланади.
10. Ариза берувчилар давлат хизматларидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда унинг сўровномаси кўрмасдан қолдирилади.
11. Ариза берувчи Давлат хизматлари марказига келиб мурожаат этган тақдирда унинг сўровномаси Давлат хизматлари маркази ходими томонидан тўлдирилиб, ариза берувчи томонидан тасдиқлангандан сўнг 5 дақиқа мобайнида, ЯИДХП орқали мурожаат қилинганда автоматик тарзда ваколатли органга электрон шаклда юборилади.
12. Ваколатли орган томонидан сўровнома олингандан сўнг 5 дақиқа мобайнида нафақа пули тайинланади ёки рад этилади ҳамда бу ҳақидаги маълумот тегишли Давлат хизматлари марказига ёки ЯИДХПга электрон тарзда юборилади. Нафақа тайинлаш рад этилган тақдирда маълумотда рад этиш сабаблари кўрсатилади.
13. Ваколатли орган нафақа пулини тайинлаган тақдирда тўлов қайдномаларини шакллантириб, сўровномада келтирилган нафақани етказиб бериш (топшириш) юкланган ташкилотга юборади. Шу билан бирга нафақани қачон ва қаердан олиш мумкинлиги тўғрисидаги маълумотни (ўзи келиб мурожаат этган тақдирда) Давлат хизматлари марказига ёки (электрон мурожаат этган тақдирда) ариза берувчига ЯИДХП орқали электрон тарзда юборади.
14. Давлат хизматлари маркази маълумот олингандан сўнг 5 дақиқа мобайнида ариза берувчини хабардор қилади.
3-боб. Якунловчи қоидалар
15. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.
16. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолиятини доимий назорат қилади ва мониторинг олиб боради.
17. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонун ҳужжатларида белгиланган тартибда шикоят қилишлари мумкин.
18. Ушбу Регламент талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.
Дафн маросими учун нафақа тайинлаш бўйича давлат хизматлари кўрсатишнинг Маъмурий регламентига
1-ИЛОВА
Дафн маросими учун нафақа тайинлаш бўйича давлат хизматлари кўрсатиш
СХЕМАСИ
Дафн маросими учун нафақа тайинлаш бўйича давлат хизматлари кўрсатишнинг Маъмурий регламентига
2-ИЛОВА

______________________

(сана)

______________________

(рақами)

Дафн маросими учун нафақани тайинлаш юзасидан мурожаатлар бўйича

СЎРОВНОМА

I. Ариза берувчи тўғрисидаги маълумотлар:

1. Фамилияси:

2. Исми:

3. Отасининг исми:

4. Туғилган йили ва санаси:

5. Марҳумнинг вафот этган йили ва санаси:

6. Паспорт серияси ва рақами:

7. Жисмоний шахснинг шахсий идентификация рақами:

8. Ўлим ҳақидаги гувоҳноманинг серияси ва рақами:

9. Далолатнома ёзуви қайд рақами:

10. Марҳумга алоқадорлиги:

11. Нафақаем етказиб бериш (топшириш) юкланган ташкилот:

12. Телефон рақами:

13. Электрон почта манзили (мавжуд бўлса):

Кейинги таҳрирга қаранг.
Вазирлар Маҳкамасининг 2020 йил 23 майдаги 327-сон қарорига
3-ИЛОВА
Пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизматлари кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Ушбу Регламент фуқароларга (кейинги ўринларда — ариза берувчилар) Давлат хизматлари марказлари орқали фуқаро пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизматлари (кейинги ўринларда — давлат хизматлари) кўрсатиш тартибини белгилайди.
2. Давлат хизматлари Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси (кейинги ўринларда — ваколатли орган) томонидан кўрсатилади.
3. Давлат хизматлари марказлари ва ваколатли орган ўртасидаги идоралараро электрон ахборот алмашинуви электрон рақамли имзони (кейинги ўринларда ЭРИ деб аталади) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.
4. Пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизматлари кўрсатиш ушбу Регламентга 1-иловага мувофиқ схема бўйича амалга оширилади.
2-боб. Давлат хизматлари кўрсатиш тартиби
5. Ариза берувчи давлат хизматларидан фойдаланиш учун Давлат хизматлари марказларига ўзи келиб мурожаат этади ёки давлат хизматларидан электрон тарзда фойдаланиш учун ЯИДХПда рўйхатдан ўтади.
6. Ариза берувчи ўзи келиб мурожаат этган тақдирда Давлат хизматлари маркази ходими ариза берувчи номидан, ЯИДХП орқали мурожаат этган тақдирда мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.
7. Сўровнома тўлдирилгандан сўнг ариза берувчи маълумотларнинг тўғрилигини текшириб, сўровномани ўз ЭРИси билан тасдиқлайди.
Ўзи келиб мурожаат этган тақдирда сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
Кейинги таҳрирга қаранг.
8. Давлат хизматлари кўрсатилгани учун йиғим ундирилмайди.
9. Ариза берувчилар томонидан сўровномада нотўғри маълумотларнинг кўрсатилиши ёки уни тасдиқлаш рад этилиши давлат хизматлари кўрсатишни рад этиш учун асос ҳисобланади.
Давлат хизматлари кўрсатишни бошқа асослар бўйича рад этиш тақиқланади.
10. Ариза берувчилар давлат хизматларидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматидан фойдаланишдан бош тортганда унинг сўровномаси кўриб чиқилмасдан қолдирилади.
11. Ариза берувчи Давлат хизматлари марказига келиб мурожаат этган тақдирда унинг сўровномаси Давлат хизматлари маркази ходими томонидан тўлдирилиб, ариза берувчи томонидан тасдиқангандан сўнг 5 дақиқа мобайнида, ЯИДХП орқали мурожаат этганда тақдирда автоматик тарзда ваколатли органга электрон шаклда юборилади.
12. Ваколатли орган сўровнома олингандан сўнг 5 дақиқа мобайнида QR-кодли (матрик штрихли код) маълумотномани шакллантиради ҳамда (ўзи келиб мурожаат этган тақдирда) тегишли Давлат хизматлари марказига ёки (электрон тарзда мурожаат этган тақдирда) ЯИДХП орқали электрон тарзда юборилади.
13. Давлат хизматлари маркази маълумотнома олингандан сўнг 5 дақиқа мобайнида ариза берувчига маълумотномани электрон ёки қоғоз шаклида бериши шарт.
3-боб. Якунловчи қоидалар
14. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.
15. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолиятини доимий назорат қилади ва мониторинг олиб боради.
16. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонун ҳужжатларида белгиланган тартибда шикоят қилишлари мумкин.
Кейинги таҳрирга қаранг.
17. Ушбу Регламент талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.
Кейинги таҳрирга қаранг.
Пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизматлари кўрсатишнинг Маъмурий регламентига
1-ИЛОВА
Пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизматлари кўрсатиш
СХЕМАСИ
Пенсия ва нафақа олувчилар рўйхатида мавжудлиги ҳақида маълумотнома бериш бўйича давлат хизмати кўрсатишнинг Маъмурий регламентига
2-ИЛОВА

______________________

(сана)

______________________

(рақами)

Пенсия ва нафақа олувчилар рўйхатида мавжудлиги ҳақидамаълумотнома олиш учун

СЎРОВНОМА

I. Ариза берувчи тўғрисидаги маълумотлар:

1. Фамилияси:

2. Исми:

3. Отасининг исми:

4. Туғилган йили ва санаси:

5. Паспорт серияси ва рақами:

6. Жисмоний шахснинг шахсий идентификация рақами:

7. Маълумотнома тили (ўзбек/рус):

8. Телефон рақами:

9. Электрон почта манзили (мавжуд бўлса):

Кейинги таҳрирга қаранг.
Вазирлар Маҳкамасининг 2020 йил 23 майдаги 327-сон қарорига
4-ИЛОВА
Пенсия ва нафақа миқдори тўғрисида маълумотнома бериш бўйича давлат хизматлари кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Ушбу Регламент пенсия ва нафақа олувчиларга (кейинги ўринларда — ариза берувчилар) Давлат хизматлари марказлари орқали Пенсия ва нафақа олувчиларнинг пенсия ва нафақа миқдорлари тўғрисидаги маълумотнома бериш бўйича давлат хизматлари (кейинги ўринларда — давлат хизматлари) кўрсатиш тартибини белгилайди.
2. Давлат хизматлари Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси (кейинги ўринларда — ваколатли орган) томонидан кўрсатилади.
3. Давлат хизматлари марказлари ва ваколатли орган ўртасидаги идоралараро электрон ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.
4. Пенсия ва нафақа миқдори тўғрисида маълумотнома бериш бўйича давлат хизматлари кўрсатиш ушбу Регламентга 1-иловага мувофиқ схема бўйича амалга оширилади.
2-боб. Давлат хизматлари кўрсатиш тартиби
5. Ариза берувчи давлат хизматларидан фойдаланиш учун Давлат хизматлари марказларига ўзи келиб мурожаат этади ёки давлат хизматларидан электрон тарзда фойдаланиш учун ЯИДХПда рўйхатдан ўтади.
6. Ариза берувчи ўзи келиб мурожаат этган тақдирда Давлат хизматлари маркази ходими ариза берувчи номидан, ЯИДХП орқали мурожаат этган тақдирда мустақил равишда ушбу Регламентга 2-иловага мувофиқ шаклдаги сўровномани электрон тарзда тўлдиради.
7. Сўровнома тўлдирилгандан сўнг ариза берувчи маълумотларнинг тўғрилигини текшириб, сўровномани ўз ЭРИси билан тасдиқлайди.
Ўзи келиб мурожаат этган тақдирда сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
Кейинги таҳрирга қаранг.
8. Давлат хизматлари кўрсатилгани учун йиғим ундирилмайди.
9. Ариза берувчилар томонидан сўровномада нотўғри маълумотларнинг кўрсатилиши ёки уни тасдиқлаш рад этилиши давлат хизмати кўрсатишни рад этиш учун асос ҳисобланади.
Давлат хизматлари кўрсатишни бошқа асослар бўйича рад этиш тақиқланади.
10. Ариза берувчилар давлат хизматларидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Ариза берувчи давлат хизматларидан фойдаланишдан бош тортганда унинг сўровномаси кўриб чиқилмасдан қолдирилади.
11. Ариза берувчи Давлат хизматлари марказига келиб мурожаат этган тақдирда унинг сўровномаси Давлат хизматлари маркази ходими томонидан тўлдирилиб, ариза берувчи томонидан тасдиқланганидан сўнг 5 дақиқа мобайнида, ЯИДХП орқали мурожаат этган тақдирда автоматик тарзда ваколатли органга электрон шаклда юборилади.
12. Ваколатли орган сўровнома олинганидан сўнг 5 дақиқа мобайнида QR-кодли (матрик штрихли код) маълумотномани шакллантиради ҳамда (ўзи келиб мурожаат этган тақдирда) тегишли Давлат хизматлари марказига ёки (электрон тарзда мурожаат этган тақдирда) ЯИДХП орқали электрон тарзда юборади.
13. Давлат хизматлари маркази маълумотнома олинганидан сўнг 5 дақиқа мобайнида ариза берувчига маълумотномани электрон ёки қоғоз шаклида бериши шарт.
3-боб. Якунловчи қоидалар
14. Давлат хизматлари марказлари ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.
15. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Давлат хизматлари марказлари ушбу Регламент талаблари ижроси бўйича давлат органлари ва бошқа ташкилотларнинг фаолиятини доимий назорат қилади ва мониторинг олиб боради.
16. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонун ҳужжатларида белгиланган тартибда шикоят қилишлари мумкин.
Кейинги таҳрирга қаранг.
17. Ушбу Регламент талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.
Кейинги таҳрирга қаранг.
Пенсия ва нафақа миқдори тўғрисида маълумотнома бериш бўйича давлат хизматлари кўрсатишнинг Маъмурий регламентига
1-ИЛОВА
Пенсия ва нафақа миқдори тўғрисида маълумотнома бериш бўйича давлат хизматлари кўрсатиш
СХЕМАСИ
Пенсия ва нафақа миқдори тўғрисида маълумотнома бериш бўйича давлат хизмати кўрсатишнинг Маъмурий регламентига
2-ИЛОВА

______________________

(сана)

______________________

(рақами)

Пенсия ва нафақа миқдори тўғрисида маълумотнома олиш учун

СЎРОВНОМА

I. Ариза берувчи тўғрисидаги маълумотлар:

1. Фамилияси:

2. Исми:

3. Отасининг исми (мавжуд бўлганда):

4. Туғилган йили ва санаси:

5. Паспорт серияси ва рақами:

6. Жисмоний шахснинг шахсий идентификация рақами:

7. Маълумотнома тили (ўзбек/рус):

8. Бошланғич давр:

9. Якуний давр:

10. Телефон рақами:

11. Электрон почта манзили (мавжуд бўлса):

Кейинги таҳрирга қаранг.
Вазирлар Маҳкамасининг 2020 йил 23 майдаги 327-сон қарорига
5-ИЛОВА
Вазирлар Маҳкамасининг 2011 йил 14 июндаги 174-сон қарори билан тасдиқланган Дафн этишга нафақа тайинлаш ва тўлаш тартиби тўғрисида низомга киритилаётган ўзгартиришлар
1. 6-банд қуйидаги таҳрирда баён этилсин:
«6. Ушбу Низом 5-бандининг «а», «б», «г», «д» ва «е» кичик бандларида кўрсатилган шахслар вафот этган тақдирда нафақа Давлат хизматлари марказлари (кейинги ўринларда — Марказ) ёки Ўзбекистон Республикаси Ягона интерактив давлат хизматлари порталига (кейинги ўринларда — ЯИДХП) мурожаат қилиш орқали Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлимлари (кейинги ўринларда — Пенсия жамғармаси) томонидан тайинланади.
Ушбу Низом 5-бандининг «в» кичик бандида кўрсатилган шахс вафот этганда нафақа корхона, муассаса ёки ташкилот (кейинги ўринларда — ташкилот) томонидан мазкур Низомда назарда тутилган тартибда тайинланиши мумкин».
2. 22-банддаги «Пенсия жамғармаси бўлимининг юқори органига» деган сўзлар «бўйсунув тартибида юқори турувчи органга» деган сўзлар билан алмаштирилсин.
3. 35-банддаги «Пенсия жамғармасининг ҳудудий бўлимига ёхуд, мавжуд бўлса, юқори органига» деган сўзлар «бўйсунув тартибида юқори турувчи органга» деган сўзлар билан алмаштирилсин.
Кейинги таҳрирга қаранг.
(Қонун ҳужжатлари маълумотлари миллий базаси, 23.05.2020 й., 09/20/327/0651-сон; Қонунчилик маълумотлари миллий базаси, 25.02.2022 й., 09/22/89/0164-сон; 05.04.2022 й., 09/22/153/0266-сон; 29.09.2022 й., 09/22/541/0859-сон; 22.11.2023 й., 09/23/612/0874-сон; 05.03.2024 й., 09/24/110/0184-сон)