Вазирлар Маҳкамасининг «Ўзбекистон Республикаси Президенти Администрацияси ҳузуридаги Тиббиёт бош бошқармаси фаолиятини ташкил этиш тўғрисида» 2019 йил 29 апрелдаги 366-сон қарорига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Ўзбекистон Республикаси Президенти Администрацияси ҳузуридаги Тиббиёт бош бошқармаси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Ўзбекистон Республикаси Президенти Администрацияси ҳузуридаги Тиббиёт бош бошқармаси бошлиғи А.А. Худаяров зиммасига юклансин.

1. Вазирлар Маҳкамасининг «Жаҳон иқтисодиёти ва дипломатия Университети фаолиятини ташкил этиш чора-тадбирлари тўғрисида» 1992 йил 24 октябрдаги 491-сон қарори 19-банди қуйидаги таҳрирда баён этилсин:

«19. Университет ректорига Вазирлар Маҳкамасининг котибият мудирига, ректор ўринбосарларига ва тузилма асосий бўлинмаларининг раҳбарларига — котибият мудири ўринбосари учун белгиланган маиший таъминот шароитлари жорий қилинсин.

Ўзбекистон Республикаси Президенти Администрацияси ҳузуридаги Тиббиёт бош бошқармаси Университет ректори ўринбосарларини ва тузилма асосий бўлинмаларининг раҳбарларини, ўқув бўлинмалари раҳбарларини, профессор-ўқитувчилар таркибини, ходимлари ва уларнинг оила аъзоларини шартнома асосида тиббий хизмат кўрсатишга қабул қилсин».

2. Вазирлар Маҳкамасининг «Ўзбекистон Республикаси Конституциявий суди фаолиятининг таъминоти тўғpисида» 1996 йил 19 февралдаги 64-сон қарорининг учинчи хатбошисидаги «ва тиббий хизмат кўpсатиш» сўзлари чиқариб ташлансин.

3. Вазирлар Маҳкамасининг 1996 йил 7 ноябрдаги 382-сон қарори билан тасдиқланган Ўзбекистон Республикаси Вазирлар Маҳкамаси ҳузуридаги Наркотик моддаларни назорат қилиш миллий ахборот-таҳлил маркази тўғрисидаги низомнинг 3-бўлими иккинчи хатбошисига «мақомига кўра» сўзларидан кейин «тиббий хизмат кўрсатиш шарт-шароитларидан ташқари» сўзлари қўшилсин.

4. Вазирлар Маҳкамасининг «Ўзбекистон Республикаси «Тасвирий ойина» ижодий уюшмасини қўллаб-қувватлаш тўғрисида» 1997 йил 12 сентябрдаги 436-сон қарорининг 13-бандидаги «тиббий» сўзи чиқариб ташлансин.

6. Вазирлар Маҳкамасининг 2017 йил 1 декабрдаги 957-сон қарори билан тасдиқланган Ўзбекистон Бадиий академиясининг уставининг 22-бандидаги «маиший, транспорт ва тиббий хизмат кўрсатиш» сўзлари «маиший ва транспорт хизмат кўрсатиш» сўзлари билан алмаштирилсин.

7. Вазирлар Маҳкамасининг 2018 йил 20 февралдаги 130-сон қарори билан тасдиқланган Ўзбекистон Республикаси Вазирлар Маҳкамаси ҳузуридаги Давлат тест маркази тўғрисидаги низомнинг 19-банди иккинчи хатбошисидаги «мақомига кўра» сўзларидан кейин «тиббий хизмат кўрсатиш шарт-шароитларидан ташқари» сўзлари қўшилсин.

8. Вазирлар Маҳкамасининг 2019 йил 29 апрелдаги 366-сон қарори билан тасдиқланган Ўзбекистон Республикаси Президенти Администрацияси ҳузуридаги Тиббиёт бош бошқармасига бириктирилган контингентга кафолатланган тиббий ва санатор — соғломлаштириш ёрдамини кўрсатиш тартиби ва ҳажми тўғрисидаги низомда:

а) 5-бандга қуйидаги мазмундаги хатбоши қўшилсин:

«Контингентни ҳисобга олиш ва ҳисобдан чиқариш Ўзбекистон Республикаси Президенти Администрацияси ҳузуридаги Тиббиёт бош бошқармасининг Бириктирилган контингент ишлари бўйича республика комиссияси қарори асосида ҳам амалга оширилиши мумкин»;

б) иловада:

1-бўлим 14-позициясининг «Лавозимлар номи» устунига «Раис, раиснинг ўринбосарлари» сўзларидан кейин «шуъба мудири, барча номдаги инспекторлар» сўзлари қўшилсин;

2-бўлим 18-позицияси чиқариб ташлансин.