toggle_night_mode
Ҳужжат кучини йўқотган 12.08.2022
Ҳужжат 13.12.2019 санаси ҳолатига
Амалдаги версияга ўтиш
Ўзбекистон Республикаси Адлия вазирининг
буйруғи
Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш қоидаларини тасдиқлаш ҳақида
[Ўзбекистон Республикаси Адлия вазирлиги томонидан 2019 йил 13 декабрда рўйхатдан ўтказилди, рўйхат рақами 3203]
 LexUZ шарҳи
Мазкур буйруқ Ўзбекистон Республикаси адлия вазирининг 2022 йил 12 августдаги 18-мҳ-сонли ««Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш қоидаларини тасдиқлаш ҳақида»ги буйруқ, шунингдек унга ўзгартириш ва қўшимчаларни ўз кучини йўқотган деб топиш тўғрисида»ги буйруғига (рўйхат рақами 3203-2, 12.08.2022 й.) асосан ўз кучини йўқотган.
Ўзбекистон Республикаси Вазирлар Маҳкамасининг 2019 йил 21 октябрдаги 887-сон «Патент вакиллари тўғрисидаги низомга ўзгартириш ва қўшимчалар киритиш тўғрисида»ги қарорига мувофиқ, буюраман:
1. Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш қоидалари 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Мазкур буйруқ давлат рўйхатидан ўтказилсин ва бу ҳақда Ҳукумат баённома қарорлари ва идоравий норматив ҳужжатларни ҳуқуқий экспертизадан ўтказиш бошқармаси Идоравий норматив-ҳуқуқий ҳужжатларнинг давлат реестрига тегишли ёзув киритсин.
4. Адлия вазирлиги ҳузуридаги Интеллектуал мулк агентлиги ҳамда Қонун ҳужжатларини таҳлил қилиш ва туркумлаш бошқармаси ушбу идоравий норматив-ҳуқуқий ҳужжатни барча манфаатдор шахсларга етказилишини, «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.
5. Мазкур буйруқ расмий эълон қилинган кундан эътиборан кучга киради.
6. Мазкур буйруқнинг ижросини назорат қилиш вазир ўринбосари Т. Абдусаттаров зиммасига юклансин.
Вазир Р. ДАВЛЕТОВ
Тошкент ш.,
2019 йил 13 декабрь,
538-мҳ-сон

Ўзбекистон Республикаси адлия вазирининг 2019 йил 13 декабрдаги 538-мҳ-сон буйруғига

1-ИЛОВА

Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш
ҚОИДАЛАРИ
Мазкур Қоидалар Ўзбекистон Республикаси Вазирлар Маҳкамасининг 2003 йил 1 июлдаги 298-сон қарори билан тасдиқланган Патент вакиллари тўғрисидаги низомга (бундан буён матнда Низом деб юритирилади) мувофиқ Ўзбекистон Республикаси Адлия вазирлиги ҳузуридаги Интеллектуал мулк агентлигида патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш тартибини белгилайди.
1-боб. Умумий қоидалар
1. Ушбу Қоидаларда қуйидаги асосий тушунчалардан фойдаланилади:
Агентлик — Ўзбекистон Республикаси Адлия вазирлиги ҳузуридаги Интеллектуал мулк агентлиги;
патент вакиллигига номзод (бундан буён матнда номзод деб юритилади) — патент вакили сифатида фаолиятни амалга ошириш истагини билдирган жисмоний шахс;
патент вакили — ушбу Қоидалар талабларига мувофиқ юридик ёки жисмоний шахслар номидан Агентлик ҳамда бошқа ташкилотлар олдида интеллектуал мулк объектларига ҳуқуқий муҳофаза олиш ва уни амалга ошириш масалалари бўйича вакиллик қилиш ҳуқуқи берилган жисмоний шахс;
реестр — Ўзбекистон Республикаси патент вакиллари давлат реестри.
2-боб. Малака ва апелляция комиссияларининг фаолиятини ташкил этиш
2. Номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш Агентлик томонидан амалга оширилади.
Номзодларни аттестациядан ўтказиш тақдим этилган ҳужжатларни текшириш ва профессионал фаолиятни бажаришга тайёрлик даражасини аниқлаш учун улар аризада кўрсатган ихтисосликни инобатга олган ҳолда малака имтиҳони ўтказиш йўли билан амалга оширилади.
3. Номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш учун Агентлик томонидан малака ва апелляция комиссиялари тузилади, уларнинг фаолияти мазкур Қоидаларга мувофиқ амалга оширилади.
4. Патент вакили аттестацияси патент вакилларининг касбий малака даражасини холисона баҳолаш мақсадида ўтказилади.
Патент вакиллари аттестацияси ҳар беш йилда камида бир марта ўтказилади.
5. Малака комиссияси:
а) малака имтиҳони ўтказиш тартибларини белгилайди;
б) имтиҳон топшириқларини тасдиқлайди;
в) имтиҳон олувчиларни тайинлайди ва имтиҳонни ташкил этади;
г) номзоднинг ёки патент вакилининг малака имтиҳонига қўйилиши тўғрисида қарор қабул қилади;
д) номзоднинг ёки патент вакилининг аттестациядан ўтишига рухсат берилиши ёхуд аттестациядан ўтиши рад этилиши ҳақида қарор қабул қилади.
Кейинги таҳрирга қаранг.
6. Малака комиссияси Агентлик директори буйруғи билан Агентликнинг энг малакали ва тажрибали ходимлари, шунингдек, интеллектуал мулк объектларини муҳофаза қилиш соҳасида фаолият юритувчи мустақил олимлар ва мутахассислар иштирокида шакллантирилади.
7. Малака комиссияси ишини Агентлик директори буйруғи билан тайинланган малака комиссияси раиси бошқаради.
8. Малака комиссияси раиси бўлмаганда, унинг вазифалари вақтинчалик малака комиссияси раиси ўринбосари зиммасига юклатилади.
9. Малака комиссияси мажлисида баённома юритилади ва малака комиссиясининг барча аъзолари томонидан имзоланади.
Кейинги таҳрирга қаранг.
10. Малака комиссияси қарорлари мажлисда қатнашаётган барча аъзоларнинг кўпчилик овози билан қабул қилинади. Овозлар нисбати тенг бўлганда раиснинг овози ҳал қилувчи аҳамиятга эгадир.
11. Малака комиссияси қарорлари ёзма равишда тузилади ва малака комиссияси раиси ҳамда аъзолари томонидан имзоланади.
12. Малака комиссияси қарорига қўшилмаган комиссия аъзоси ўз нуқтаи назарини баён қилишга ҳақлидир.
13. Малака комиссияси қарорлари юзасидан апелляция комиссиясига шикоят киритилиши мумкин.
14. Апелляция комиссияси номзодлар ёки патент вакилларининг малака комиссияси қарори юзасидан шикоятларини, шунингдек, юридик ва жисмоний шахсларнинг патент вакилларининг ноқонуний хатти-ҳаракатлари ёки Патент вакиллари тўғрисидаги низом талабларини бузадиган хатти-ҳаракатлари юзасидан шикоятларини кўриб чиқади.
15. Апелляция комиссияси ҳам малака комиссияси шакллантирилган тартибда шакллантирилади.
16. Апелляция комиссияси қарорлари йиғилишда қатнашаётган барча аъзоларнинг кўпчилик овози билан қабул қилинади. Овозлар нисбати тенг бўлганда раиснинг овози ҳал қилувчи аҳамиятга эгадир.
17. Апелляция комиссияси қарорлари ёзма равишда тузилади ва апелляция комиссияси раиси ва аъзолари томонидан имзоланади.
18. Апелляция комиссияси қарорига қўшилмаган комиссия аъзоси ўз нуқтаи назарини баён қилишга ҳақлидир.
19. Апелляция комиссияси қарорлари юзасидан шикоятлар суд тартибида кўриб чиқилади.
3-боб. Ҳужжатларни қабул қилиш
20. Номзод мазкур Қоидаларнинг 1-иловасида келтирилган шаклдаги ўзини патент вакили сифатида аттестациядан ўтказиш тўғрисидаги аризани малака комиссиясига топширади.
Кейинги таҳрирга қаранг.
21. Ариза давлат тилида ёки рус тилида тақдим этилади.
22. Аризага қуйидаги ҳужжатлар илова қилинади:
а) олий маълумот тўғрисидаги диплом нусхаси;
б) номзоднинг интеллектуал мулк объектини муҳофаза қилиш соҳасида ёки интеллектуал мулк объектларига ҳуқуқларни ҳимоя қилиш соҳасида адвокат сифатида зарур иш стажига эга эканини тасдиқловчи ҳужжатлар (меҳнат дафтарчаси ёки индивидуал меҳнат шартномасининг нусхаси ёхуд ишга қабул қилингани ва бўшатилгани ҳақида буйруқлардан кўчирмалар ва интеллектуал мулк объектларига ҳуқуқларни ҳимоя қилиш билан боғлиқ низоларда қатнашганлик тўғрисидаги ҳужжатлар);
Кейинги таҳрирга қаранг.
в) аттестациядан ўтказиш учун белгиланган тўлов тўланганлиги ҳақидаги ҳужжат;
г) номзоднинг истагига кўра унинг малакасини тавсифловчи бошқа ҳужжатлар.
23. Патент вакили мазкур Қоидаларнинг 2-иловасида келтирилган шаклдаги аттестациядан ўтказиш тўғрисидаги аризани малака комиссиясига топширади.
Аризага малака ошириш курсларида ўқиганлик тўғрисида сертификат нусхаси ва аттестациядан ўтказиш учун белгиланган тўлов тўланганлиги ҳақидаги ҳужжат илова қилинади.
Кейинги таҳрирга қаранг.
Кейинги таҳрирга қаранг.
24. Номзод ёки патент вакили Ўзбекистон Республикаси фуқароси бўлмаганда ёхуд Агентлик ва унинг тизимидаги ташкилотлар ходими бўлганда, шунингдек, мазкур Қоидалар 22-бандининг «а» — «в» кичик бандлари ва 23-бандда белгиланган ҳужжатлар мавжуд бўлмаганда аттестациядан ўтказиш рад этилиши мумкин. Бошқа асослар бўйича рад этилишига йўл қўйилмайди.
Кейинги таҳрирга қаранг.
25. Ариза ва унга илова қилинган ҳужжатлар қабул қилинган санадан бошлаб, ўн иш куни мобайнида номзод ёки патент вакилига аттестациядан ўтишга рухсат берилгани ёки аттестациядан ўтказиш рад этилгани ҳақида ёзма равишда билдиришнома йўлланади.
Кейинги таҳрирга қаранг.
4-боб. Номзод ёки патент вакилини аттестациядан ўтказиш
26. Малака имтиҳони номзод ёки патент вакилини аттестациядан ўтказишга рухсат берилгани ҳақидаги билдиришнома йўлланган санадан эътиборан 2 ойдан ошмаган муддатда ўтказилади.
Кейинги таҳрирга қаранг.
27. Номзод ёки патент вакилига малака имтиҳони ўтиш жойи, санаси ва вақти ҳақида имтиҳон ўтадиган санадан 10 календарь кунидан кам бўлмаган муддат аввал хабар берилади.
Кейинги таҳрирга қаранг.
28. Номзодлар ёки патент вакиллари имтиҳон топширишда паспорт ёки шахсини тасдиқловчи бошқа ҳужжатни тақдим этади.
29. Номзод ёки патент вакили имтиҳон давомида интеллектуал мулк объектларига ҳуқуқларни ҳимоя ва муҳофаза қилиш бўйича фаолиятни амалга ошириш учун Агентлик томонидан тасдиқланган дастурга мос равишда зарур назарий ва амалий кўникмаларга эга эканини кўрсатиши лозим. Имтиҳон топшириқлари номзод аризасида келгусидаги фаолияти учун кўрсатилган ихтисосликни инобатга олган ҳолда тузилади.
Кейинги таҳрирга қаранг.
Кейинги таҳрирга қаранг.
30. Малака комиссияси имтиҳон олувчилар қўйган баҳолар асосида малака имтиҳони натижасининг қониқарли ёки қониқарсизлиги тўғрисида ҳамда номзод ёки патент вакилини аттестациядан ўтказиш ёхуд аттестациядан ўтказишни рад этиш тўғрисида қарор қабул қилади.
Кейинги таҳрирга қаранг.
31. Малака комиссияси қарори икки нусхада тузилади, бир нусхаси аттестациядан ўтказишга оид ҳужжатлар йиғма жилдига тикилади, иккинчиси — номзод ёки патент вакилига топширилади.
Кейинги таҳрирга қаранг.
32. Номзод ёки патент вакили аттестациядан ўтказишнинг, шу жумладан малака имтиҳонига қўйишнинг рад этилгани юзасидан у аттестациядан ўтказиш рад этилгани тўғрисидаги қарорни олган санадан бошлаб 3 ой муддатда апелляция комиссиясига шикоят қилиши мумкин.
Апелляция комиссияси шикоят бўйича у олинган санадан бошлаб 1 ой муддатда қарор қабул қилади.
Кейинги таҳрирга қаранг.
5-боб. Патент вакилини рўйхатдан ўтказиш
33. Патент вакилини рўйхатдан ўтказиш ва уни реестрга киритиш қуйидаги ҳужжатлар тақдим этилганда амалга оширилади:
Кейинги таҳрирга қаранг.
а) мазкур Қоидаларнинг 3-иловасида келтирилган шаклдаги патент вакили сифатида рўйхатдан ўтказиш ҳақида ариза;
б) аттестациядан ўтказиш тўғрисидаги қарор нусхаси;
Кейинги таҳрирга қаранг.
в) рўйхатдан ўтказилганлик учун, рўйхатдан ўтказилганлиги тўғрисидаги маълумотлар эълон қилинганлиги ва патент вакили гувоҳномаси берилганлиги учун белгиланган тўлов тўлангани тўғрисидаги тўлов ҳужжати нусхаси.
34. Рўйхатдан ўтказиш тўғрисида ариза берилган санадан бошлаб, 3 иш куни мобайнида патент вакили Агентлик томонидан реестрда рўйхатдан ўтказилади, реестрда рўйхатдан ўтказилган санадан бошлаб 10 кун мобайнида мазкур Қоидаларнинг 4-иловасида келтирилган шаклда патент вакилига гувоҳнома берилади ва рўйхатдан ўтказилганлик тўғрисидаги маълумотлар Агентликнинг расмий ахборотномасида эълон қилинади.
Кейинги таҳрирга қаранг.
Агентлик аттестациядан ўтмаган шахс томонидан рўйхатдан ўтказиш тўғрисида ариза берилган, рўйхатдан ўтказиш учун белгиланган тўлов тўланмаган, шунингдек, Низомнинг 3 — 5-бандларига мувофиқ патент вакилини рўйхатдан ўтказишга тўсқинлик қилувчи ҳолатлар пайдо бўлган ҳолларда рўйхатдан ўтказишни рад этади.
35. Реестрдаги қайд қуйидаги маълумотларни ўз ичига олади:
а) рўйхат рақами, ушбу рақам гувоҳномага ҳам қўйилади;
б) патент вакилининг фамилияси, исми, отасининг исми;
в) патент вакилининг доимий турар жойи;
г) малака комиссияси қарори рақами ва санаси;
д) патент вакили томонидан кўрсатилган фаолият ихтисослиги;
е) патент вакилининг ёлланиш бўйича иши тўғрисида маълумотлар;
ж) ёзишма учун манзил (Ўзбекистон Республикаси ҳудудида), шунингдек, телефон ва факс рақамлари ҳамда электрон почта манзили;
Кейинги таҳрирга қаранг.
з) патент вакили рўйхатдан ўтказилган сана;
и) гувоҳнома берилган ёки жўнатилгани тўғрисида маълумотлар. Реестрга бошқа маълумотлар ҳам киритилиши мумкин.
36. Патент вакили сифатида рўйхатдан ўтмаган ёхуд реестрдан ўчирилган шахснинг ўз фаолиятида «патент вакили» мақомидан фойдаланиши мумкин эмас.
37. Гувоҳнома патент вакилига шахсан топширилади ёки буюртма почта йўлланмаси тарзида жўнатилади.
6-боб. Патент вакиллари тўғрисида маълумотларни эълон қилиш
38. Патент вакилининг рўйхатдан ўтказилгани тўғрисидаги маълумотлар у реестрда рўйхатдан ўтказилган тақдирдагина эълон қилиниши мумкин.
39. Агентликнинг расмий ахборотномасида патент вакили тўғрисида қуйидаги маълумотлар эълон қилинади:
Кейинги таҳрирга қаранг.
а) фамилияси, исми, отасининг исми;
б) гувоҳнома рўйхат рақами;
в) иш жойи ва лавозими;
Кейинги таҳрирга қаранг.
г) ёзишма учун манзили;
д) кўрсатилган фаолият ихтисослиги;
е) ёлланиш бўйича иши тўғрисида маълумотлар.
Кейинги таҳрирга қаранг.
40. Агентлик расмий ахборотномада, шунингдек, патент вакилларини рўйхатдан ўтказишга доир ўзгаришлар тўғрисидаги маълумотларни, шу жумладан, патент вакиллари фаолиятида аниқланган камчиликларни тузатишга қаратилган чора-тадбирлар, патент вакили реестрдан ўчирилгани ҳақидаги ва бошқа маълумотларни эълон қилади.
Кейинги таҳрирга қаранг.
41. Реестр маълумотлари билан ҳар қандай шахс танишиши мумкин.
Кейинги таҳрирга қаранг.
7-боб. Якуний қоида
42. Мазкур Қоидаларни бузилишида айбдор бўлган шахслар қонун ҳужжатларида белгиланган тартибда жавобгар бўладилар.
Кейинги таҳрирга қаранг.

Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш қоидаларига

1-ИЛОВА

Ўзбекистон Республикаси
‎Адлия вазирлиги ҳузуридаги
‎Интеллектуал мулк агентлиги
‎директорига

АРИЗА
‎номзоднинг патент вакили сифатида
‎аттестациядан ўтказиш тўғрисида
‎

___________________________________________________________________________________________ (номзоднинг фамилияси, исми, отасининг исми, фуқаролиги)

___________________________________________________________________________________________

______________________________________ патент вакили сифатида аттестациядан ўтказишингизни сўрайман.

___________________________________________________________________________________________ (номзоднинг доимий турар жойи, почта индекси)

‎___________________________________________________________________________________________ (қайси олий таълим муассасасини қачон тамомлаган)

Номзоднинг интеллектуал мулкни ҳуқуқий муҳофаза қилиш соҳасидаги ёки профессионал ҳуқуқий вакиллик борасидаги амалиёт тажрибаси:

Иш даври‎

Ишнинг мазмуни (корхона, ташкилот, муассаса ва у жойлашган манзил кўрсатилади)

Иш тажрибаси мавжудлигини тасдиқловчи ҳужжатлар ‎‏‎‏

бошланиши

якуни‎

‎ ‎ ‎‎ ‎‎

‎‎(заруратга кўра давоми алоҳида варақда келтирилади)

‎‎___________________________________________________________________________________________ (патент вакили сифатида келгуси фаолият ихтисослиги)

___________________________________________________________________________________________ (иш жойи ва лавозими)

___________________________________________________________________________________________ (ёзишма учун манзил)

‎‎___________________________________________________________________________________________ (телефон рақами, факс, эл. манзил)

___________________________________________________________________________________________ (номзоднинг паспорт маълумотлари)‎

‎‎___________________________________________________________________________________________

‎‎Илова қилинаётган ҳужжатлар рўйхати:
‎1. Олий маълумот тўғрисидаги диплом нусхаси ____в.
‎2. Зарур иш стажига эга эканини тасдиқловчи ҳужжатлар ___в.
‎3. Аттестациядан ўтказиш учун тўлов тўланганини тасдиқловчи ҳужжат.
‎4. Малакани тавсифловчи бошқа ҳужжатлар ___в.

‎‎номзод Ф.И.О. _______________________________________________________________________________

‎‎(имзо)_______________________
Кейинги таҳрирга қаранг.

Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш қоидаларига

2-ИЛОВА

Ўзбекистон Республикаси
‎Адлия вазирлиги ҳузуридаги
‎Интеллектуал мулк агентлиги
‎директорига

АРИЗА
патент вакили сифатида
‎аттестациядан ўтказиш тўғрисида
‎

___________________________________________________________________________________________ (патент вакилининг фамилияси, исми, отасининг исми, фуқаролиги)

___________________________________________________________________________________________

______________________________________ патент вакили сифатида аттестациядан ўтказишингизни сўрайман.

___________________________________________________________________________________________ (патент вакилининг доимий турар жойи, почта индекси)

‎___________________________________________________________________________________________ (иш жойи ва лавозими)

___________________________________________________________________________________________ (ёзишма учун манзил)

‎‎___________________________________________________________________________________________ (телефон рақами, факс, эл. манзил)

___________________________________________________________________________________________ (патент вакилинингпаспорт маълумотлари)‎

‎‎___________________________________________________________________________________________

Илова қилинаётган ҳужжатлар рўйхати:
‎1. Малака ошириш курсларида ўқиганлик тўғрисида сертификат нусхаси ___в.
‎2. Аттестациядан ўтказиш учун тўлов тўланганини тасдиқловчи ҳужжат.

патент вакили Ф.И.О. __________________________________________________________________________
‎‎(имзо)_______________________
Кейинги таҳрирга қаранг.

Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш қоидаларига

3-ИЛОВА

Ўзбекистон Республикаси
‎Адлия вазирлиги ҳузуридаги
‎Интеллектуал мулк агентлиги
‎директорига

АРИЗА
патент вакили сифатида
рўйхатдан ўтказиш тўғрисида
‎

___________________________________________________________________________________________ (патент вакилининг фамилияси, исми, отасининг исми, фуқаролиги)

___________________________________________________________________________________________

_________________________________________ патент вакили сифатида рўйхатдан ўтказишингизни сўрайман.

___________________________________________________________________________________________ (патент вакилининг доимий турар жойи, почта индекси)

‎___________________________________________________________________________________________ (иш жойи ва лавозими)

___________________________________________________________________________________________ (ёзишма учун манзил)

‎‎___________________________________________________________________________________________ (телефон рақами, факс, эл. манзил)

___________________________________________________________________________________________ (патент вакилинингпаспорт маълумотлари)‎

‎‎___________________________________________________________________________________________

Илова қилинаётган ҳужжатлар рўйхати:
1. Рўйхатдан ўтказиш, маълумотларни эълон қилиш, гувоҳномани бериш учун тўлов тўланганини тасдиқловчи ҳужжат.
‎2. Аттестация ҳақидаги қарор нусхаси

патент вакили Ф.И.О. __________________________________________________________________________
‎‎(имзо)_______________________
Кейинги таҳрирга қаранг.

Патент вакиллигига номзодларни аттестациядан ва рўйхатдан ўтказиш ҳамда патент вакилларини аттестациядан ўтказиш қоидаларига

4-ИЛОВА

(Oʻzbekiston Respublikasi Davlat gerbi tasviri)

OʻZBEKISTON RESPUBLIKASI
‎ADLIYA VAZIRLIGI НUZURIDAGI
‎INTELLEKTUAL MULK AGENTLIGI ‎

GUVOНNOMA
‎

Ushbu bilan _________________________________________________________________________________

________________________________________________________________________________________ning

malaka komissiyasining qaroriga asosan

‎___________________________________________________________________________________________

___________________________________________________________________________________________

‎‎___________________________________________________________________________________________

ixtisosligi boʻyicha

PATENT VAKILI

sifatida roʻyxatdan oʻtkazilganligi tasdiqlanadi.

Patent vakillari davlat reyestriga 20_____ yil «_____» ___________________

________________________ son bilan tegishli yozuv kiritilgan.

Agentlik direktori

‎‏Muhr o'rni

‎‎______________________________________

‎‎Malaka komissiyasi raisi

______________________________________

Кейинги таҳрирга қаранг.

Ўзбекистон Республикаси адлия вазирининг 2019 йил 13 декабрдаги 538-мҳ-сон буйруғига

2-ИЛОВА

Ўз кучини йўқотган деб топилаётган идоравий норматив-ҳуқуқий ҳужжатлар
РЎЙХАТИ
1. Ўзбекистон Республикаси Давлат патент идораси директорининг 2003 йил 11 ноябрдаги 66-сон «Патент вакилларини аттестациядан ва рўйхатдан ўтказиш қоидаларини тасдиқлаш тўғрисида»ги буйруғи (рўйхат рақами 1294, 2003 йил 24 декабрь).
2. Ўзбекистон Республикаси Интеллектуал мулк агентлиги бош директорининг 2011 йил 26 августдаги 31-сон «Патент вакилларини аттестациядан ва рўйхатдан ўтказиш қоидаларини тасдиқлаш тўғрисида»ги буйруққа ўзгартиришлар киритиш ҳақида»ги буйруғи (рўйхат рақами 1294-1, 2011 йил 30 сентябрь).
(Қонун ҳужжатлари маълумотлари миллий базаси, 13.12.2019 й., 10/19/3203/4155-сон; 29.03.2021 й., 10/21/3203-1/0253-сон, 28.07.2021 й., 10/21/3313/0724-сон)