|
Ҳужжат кучини йўқотган 22.02.2021
|
Ўзбекистон Республикаси Президенти ҳузуридаги Вазирлар Маҳкамасининг
қарори
ПИЛЛАГА ДАВЛАТ БУЮРТМАСИНИ КАМАЙТИРИШ ТЎFРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Республика жамоа ва давлат хўжаликларини рағбатлантириш ва пиллачиликни ривожлантириш мақсадида Вазирлар Маҳкамаси қарор қилади:
1. Ўзбекистоннинг тараққиёт истиқболини белгилаш қўмитаси, Ўзбекистон Республикаси Молия вазирлиги ва Қишлоқ хўжалиги вазирлигининг республика фондига пилла етказиб бериш юзасидан давлат буюртмасини белгиланган топшириқнинг 75 фоизигача камайтириш тўғрисидаги таклифи қабул қилинсин.
Давлат буюртмасидан ортиқча олинган пилланинг қолган қисми жамоа ва давлат хўжаликларининг ихтиёрига кўра шартномавий (эркин) нархларда сотилади.
2. Вазирлар Маҳкамасининг 1992 йил 21 январдаги 23-сон қарорнинг 1-иловасига ва кўрсатилган қарорнинг 2-бандига тегишли ўзгартишлар киритилсин.
Вазирлар Маҳкамасининг Раиси И. КАРИМОВ
Тошкент ш.,
1992 йил 23 май,
242-сон
