Аҳоли турар жойларида, ижтимоий-иқтисодий соҳа объектларида, маданий-тарихий обидаларда, стратегик аҳамиятга эга бўлган бино ва иншоотларда ҳамда республиканинг барча ҳудудларида термитларнинг тарқалишига қарши курашиш ишларини такомиллаштириш, улар етказадиган зарарнинг ва фавқулодда ҳолатларнинг олдини олиш мақсадида Вазирлар Маҳкамаси қарор қилади:

1. Вазирлар Маҳкамасининг «Республикада термитларга қарши курашиш ишларини жадаллаштириш ва уларнинг зарарини бартараф қилиш тўғрисида» 2012 йил 2 февралдаги 27-сон қарорига (Ўзбекистон Республикаси ҚҲТ, 2012 й., 6-сон, 58-модда) иловага мувофиқ ўзгартиришлар ва қўшимча киритилсин.

2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов зиммасига ва Вазирлар Маҳкамасининг Телекоммуникациялар, IТ-технологиялар ва инновацион фаолиятни ривожлантириш, ахборот хавфсизлигини таъминлаш масалалари котибиятига юклансин.

1. 2-бандда:

а) тўртинчи хатбошидаги «Қорақалпоғистон Республикаси ва вилоятлар ўсимликларни ҳимоя қилиш марказлари» сўзлари «Ўзагрокимёҳимоя» АЖнинг Қорақалпоғистон Республикаси ва вилоятлар «Агрокимёҳимоя» ҳудудий акциядорлик жамиятлари» сўзлари билан алмаштирилсин;

б) қуйидаги мазмундаги бешинчи хатбоши қўшилсин:

«жисмоний ва юридик шахслар билан шартнома асосида термитларга қарши курашиш ишларини амалга ошириш»;

в) бешинчи ва олтинчи хатбошилар тегишлича олтинчи ва еттинчи хатбошилар деб ҳисоблансин;

г) олтинчи хатбошидаги «Қорақалпоғистон Республикаси ва вилоятлар ўсимликларни ҳимоя қилиш марказларига» сўзлари «Ўзагрокимёҳимоя» АЖнинг Қорақалпоғистон Республикаси ва вилоятлар «Агрокимёҳимоя» ҳудудий акциядорлик жамиятларига» сўзлари билан алмаштирилсин.

2. 5-бандда:

а) иккинчи хатбошидаги «Қорақалпоғистон Республикаси ва вилоятлар ўсимликларни ҳимоя қилиш марказлари» сўзлари «Ўзагрокимёҳимоя» АЖнинг Қорақалпоғистон Республикаси ва вилоятлар «Агрокимёҳимоя» ҳудудий акциядорлик жамиятлари» сўзлари билан алмаштирилсин;

б) тўртинчи хатбошидаги «ўсимликларни ҳимоя қилиш марказлари» сўзлари «Ўзагрокимёҳимоя» АЖнинг Қорақалпоғистон Республикаси ва вилоятлар «Агрокимёҳимоя» ҳудудий акциядорлик жамиятлари» сўзлари билан алмаштирилсин.

3. 6-банддаги «Ўзбекистон Республикаси Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси» сўзлари «Ўзбекистон Республикаси Инновацион ривожланиш вазирлиги» сўзлари билан алмаштирилсин.

4. 7-банд қуйидаги таҳрирда баён қилинсин:

«7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

Марказ томонидан термитларнинг табиий ўчоқлари бўлган ва қурилиш учун хавфли деб белгиланган ҳудудларда термитлар бартараф этилмагунга қадар қурилиш учун ер майдонлари ажратилишини тақиқласинлар;

тегишли ҳудудда термитлар тарқалишининг олдини олиш ва уларга қарши курашиш тадбирлари тегишлича Қорақалпоғистон Республикаси бюджети, вилоятлар ва Тошкент шаҳар ҳокимликларининг маҳаллий бюджетлари маблағлари доирасида молиялаштирилишини таъминласинлар».