|
Ҳужжат 02.11.2000 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ҚИШЛОҚНИ ЛИЗИНГ ШАРТЛАРИДА ҚИШЛОҚ ХЎЖАЛИГИ ТЕХНИКАСИ БИЛАН ТАЪМИНЛАШ ЧОРА-ТАДБИРЛАРИ ТЎҒРИСИДА
[Кўчирма]
Қишлоқ хўжалигини юқори самарали замонавий қишлоқ хўжалиги техникаси билан жиҳозлашни рағбатлантириш, қишлоқ хўжалиги машинасозлигини, шу жумладан етакчи хорижий компаниялар иштирокида ривожлантириш учун зарур шарт-шароитларни шакллантириш, қишлоққа етказиб берилаётган тракторлар ва ўрим-йиғим техникаси учун ҳисоб-китоб қилиш механизмини такомиллаштириш мақсадида Вазирлар Маҳкамаси қарор қилади:
1. Белгилансинки, 2001—2007 йиллар мобайнида, эксперимент тариқасида, «Ўзқишлоқхўжаликмаш-холдинг» холдинг компанияси корхоналари томонидан, шу жумладан етакчи хорижий компаниялар иштирокида ишлаб чиқарилаётган замонавий қишлоқ хўжалиги техникаси (тракторлар ва ўрим-йиғим техникаси) машина-трактор паркларига, қишлоқ хўжалиги кооперативлари (ширкатлар)га ва фермер хўжаликларига уларни қуйидаги шартларда 7 йил муддатга лизингга бериш йўли билан етказиб берилади:
тракторлар ва ўрим-йиғим техникаси қийматининг 15 фоизи аванс сифатида машина-трактор паркларининг ҳудудий бирлашмалари, муқобил машина-трактор парклари, қишлоқ хўжалиги кооперативлари ва фермер хўжаликлари томонидан ўз маблағлари ҳисобига тўланади;
тракторлар ва ўрим-йиғим техникаси қийматининг 85 фоизи «Ўзқишлоқхўжаликмашлизинг» компанияси томонидан унга Ўзбекистон Республикаси Молия вазирлиги ҳузуридаги Қишлоқ хўжалигини техника билан таъминлашни давлат томонидан қўллаб-қувватлаш жамғармаси (кейинги ўринларда «Жамғарма» деб юритилади) қарз асосида берадиган маблағлар ҳисобига маблағ билан таъминланади.
Кейинги таҳрирга қаранг.
2. «Ўзқишлоқхўжаликмашлизинг» компаниясига қуйидаги функциялар юклансин:
«Ўзагромашсервис» уюшмаси машина-трактор паркларининг ҳудудий бирлашмалари, муқобил машина-трактор парклари, қишлоқ хўжалиги кооперативлари ва фермер хўжаликларининг «Ўзқишлоқхўжаликмаш-холдинг» холдинг компанияси корхоналарида ишлаб чиқариладиган қишлоқ хўжалиги техникасини етказиб бериш юзасидан берилган буюртмаларини умумлаштириш;
Жамғарманинг кафолат хатлари билан тасдиқланган молиявий манбалар асосида «Ўзқишлоқхўжаликмаш-холдинг» холдинг компанияси корхоналарида қишлоқ хўжалиги техникаси ишлаб чиқариш юзасидан буюртмаларни жойлаштириш;
Кейинги таҳрирга қаранг.
жойлаштирилган буюртмаларга мувофиқ ишлаб чиқариладиган қишлоқ хўжалиги техникаси учун ўз вақтида аванслар тўлаш ва узил-кесил ҳисоб-китоб қилиш;
лизинг шартномалари тузиш ва қишлоқ хўжалиги техникасини машина-трактор паркларига, қишлоқ хўжалиги кооперативларига ва фермер хўжаликларига лизингга бериш;
лизинг шартномалари бўйича тўловларнинг ўз вақтида тушишини назорат қилиш.
Кейинги таҳрирга қаранг.
3. Қуйидагилар «Ўзқишлоқхўжаликмашлизинг» компаниясининг:
Кейинги таҳрирга қаранг.
«Пахта-банк» компаниянинг барча ҳисоб-китобларига молиявий хизмат кўрсатиш, лизинг олувчилар билан тузилган лизинг шартномалари бўйича, қишлоқ хўжалиги техникасини ишлаб чиқарувчи корхоналар билан тузилган етказиб бериш шартномалари бўйича тўловлар ва ўзаро молиявий мажбуриятлар ўз вақтида бажарилиши устидан назорат қилиш вазифаларини бажарувчи молия агенти этиб;
Кейинги таҳрирга қаранг.
«Ўзагросуғурта» компанияси лизингга берилаётган техникани суғурталаш вазифаларини бажарувчи суғурта агенти этиб белгилансин.
Кейинги таҳрирга қаранг.
Кейинги таҳрирга қаранг.
4. «Ўзқишлоқхўжаликмаш-холдинг» холдинг компанияси корхоналари томонидан, шу жумладан, етакчи хорижий компаниялар иштирокида ишлаб чиқарилган қишлоқ хўжалиги техникасини лизингга олиш тартиби 1-иловага мувофиқ тасдиқлансин.
Кейинги таҳрирга қаранг.
Кейинги таҳрирга қаранг.
5. «Ўзқишлоқхўжаликмашлизинг» лизинг компанияси машина-трактор парклари ҳудудий бирлашмалари, муқобил машина-трактор парклари, қишлоқ хўжалиги кооперативлари (ширкатлар) ва фермер хўжаликлари билан лизинг шартномалари тузишда:
Кейинги таҳрирга қаранг.
лизинг олувчиларга техникани фақат лизингнинг бутун даври учун олинаётган техника бўйича мулкий таваккалчиликлар суғурта полиси мавжуд бўлгандагина беришни;
лизинг компания даромади (маржаси)нинг имтиёзли ставкаси Марказий банк қайта молиялаштириш ставкасининг 50 фоизидан юқори бўлмаслигини;
Кейинги таҳрирга қаранг.
лизинг муддати 7 йилдан иборат бўлишини назарда тутсин.
Кейинги таҳрирга қаранг.
6. Белгилаб қўйилсинки:
лизингга олинган қишлоқ хўжалиги техникасининг бузилишида айбдор бўлган лизинг олувчилар белгиланган тартибда жиноий жавобгарликка тортишгача бўлган даражада жавоб берадилар;
машина-трактор парклари ҳудудий бирлашмаси, муқобил машина-трактор парки, қишлоқ хўжалиги кооперативи (ширкати), фермер хўжалиги томонидан жадвалда назарда тутилган лизинг тўловлари ўз вақтида амалга оширилмаган тақдирда «Пахта-банк» лизинг эгасининг ҳисоб рақамига сўзсиз бажарилиши керак бўлган тўлов талабномалари қўяди.
Кейинги таҳрирга қаранг.
7. «Ўзқишлоқхўжаликмашлизинг» компанияси умумдавлат ва маҳаллий солиқларни тўлашдан беш йил муддатга озод қилинсин, бўшайдиган маблағлар қишлоққа қишлоқ хўжалиги техникаси етказиб беришни маблағ билан таъминлаш манбаларини тўлдиришга мақсадли йўналтирилсин.
8. «Ўзқишлоқхўжаликмашлизинг» компанияси Қорақалпоғистон Республикаси Вазирлар Кенгаши, вилоятлар ҳокимликлари, «Ўзқишлоқхўжаликмаш-холдинг» холдинг компанияси билан биргаликда икки ой муддатда барча вилоятлар марказларида «Ўзқишлоқхўжаликмашлизинг» компанияси филиаллари очилишини таъминласин.
9. «Ўзқишлоқхўжаликмашлизинг» компанияси ижро этувчи аппаратининг 2-иловага мувофиқ тузилмасига ва унинг ходимлари чекланган сонининг (хизмат кўрсатувчи ходимлардан ташқари) 20 кишидан иборат бўлишига розилик берилсин.
«Ўзқишлоқхўжаликмашлизинг» компанияси бошқаруви раиси мақоми, маиший таъминот, тиббий ва транспорт хизмати кўрсатиш шароитлари бўйича вазирга, раис ўринбосари вазир ўринбосарига тенглаштирилсин.
Кейинги таҳрирга қаранг.
10. Тошкент шаҳар ҳокимлиги «Ўзқишлоқхўжаликмашлизинг» компанияси аппаратини жойлаштириш масаласини бир ой муддатда ҳал этсин.
Ўзбекистон Почта ва телекоммуникациялар агентлиги «Ўзқишлоқхўжаликмашлизинг» компаниясини зарур алоқа воситалари, шу жумладан ҳукумат алоқа воситалари билан таъминласин.
11. «Ўзқишлоқхўжаликмаш-холдинг» холдинг компанияси Ўзбекистон Республикаси Молия вазирлиги, Давлат солиқ қўмитаси, Давлат мулки қўмитаси, Тошкент шаҳри ва Тошкент вилояти ҳокимликлари билан биргаликда холдинг компания корхоналарини молиявий соғломлаштириш чора-тадбирларини икки ҳафта муддатда ишлаб чиқсин ва тасдиқлаш учун Вазирлар Маҳкамасига тақдим этсин. Мазкур чора-тадбирлар:
турар жой ва ижтимоий соҳанинг бошқа объектлари «Ўзқишлоқхўжаликмаш-холдинг» холдинг компанияси корхоналари балансидан маҳаллий ҳокимият органларига берилишини;
фойдаланилмаётган асбоб-ускуналар, бинолар, иншоотлар, қурилиши тугалланмаган объектлар сотилиши ёки консервация қилинишини ўз ичига олади.
13. Вазирлар Маҳкамасининг «Қишлоқ хўжалиги ишлаб чиқаришини давлат томонидан қўллаб-қувватлаш юзасидан қўшимча чора-тадбирлар тўғрисида» 2000 йил 28 апрелдаги 172-сон қарорининг 1 ва 2-бандларидаги «2000 йилда» сўзлари «2000—2005 йилларда» сўзлари билан алмаштирилсин.
Ўзбекистон Республикаси Вазирлар Маҳкамасининг 1999 йил 30 октябрдаги 486-сон қарорига 3-илова ўз кучини йўқотган деб ҳисоблансин.
Кейинги таҳрирга қаранг.
14. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2000 йил 2 ноябрь,
424-сон
Вазирлар Маҳкамасининг 2000 йил 2 ноябрдаги 424-сон қарорига
1-ИЛОВА
1-ИЛОВА
«Ўзқишлоқхўжаликмаш-холдинг» холдинг компанияси корхоналари томонидан ишлаб чиқарилган қишлоқ хўжалиги техникасини лизингга олиш
Кейинги таҳрирга қаранг.
ТАРТИБИ
1. Мазкур Тартиб «Ўзқишлоқхўжаликмаш-холдинг» холдинг компанияси корхоналари томонидан ишлаб чиқарилган қишлоқ хўжалиги техникаси (тракторлар ва ўрим-йиғим техникаси)ни лизингга олиш механизмини белгилаб беради.
Кейинги таҳрирга қаранг.
2. Ҳар йили, 1 октябрдан кечиктирмасдан, «Ўзқишлоқхўжаликмашлизинг» компанияси «Ўзагромашсервис» уюшмаси машина-трактор паркларининг ҳудудий бирлашмалари, муқобил машина-трактор парклари, қишлоқ хўжалиги кооперативлари (ширкатлар) ва фермер хўжаликларидан тушган буюртманомалар асосида қишлоқ хўжалигининг лизинг бўйича етказиб бериладиган техникага бўлган эҳтиёжи прогнозини шакллантиради.
Қишлоқ хўжалигининг техникага бўлган эҳтиёжи прогнозидан келиб чиқиб «Ўзқишлоқхўжаликмашлизинг» компанияси ва «Пахта-банк» Ўзбекистон Республикаси Молия вазирлиги ҳузуридаги Қишлоқ хўжалигини техника билан таъминлашни давлат томонидан қўллаб-қувватлаш жамғармаси (кейинги ўринларда «Жамғарма» дейилади)га тракторлар ва ўрим-йиғим техникаси ишлаб чиқариш, шунингдек, лизинг олувчилар томонидан тўловларни амалга оширишнинг прогноз ҳажмларини ҳисобга олувчи келгуси йил учун (чоракларга бўлган ҳолда) Жамғарма маблағларига бўлган эҳтиёж прогнозини тақдим этадилар.
Кейинги таҳрирга қаранг.
Кейинги таҳрирга қаранг.
3. Ишлаб чиқариладиган қишлоқ хўжалиги техникасига ҳақ тўлаш учун маблағларга бўлган эҳтиёж прогнози асосида Жамғарма Ўзбекистон Республикаси Молия вазирлиги билан биргаликда келгуси йилга Жамғарма маблағларини тўлдириш учун зарур бўлган ресурсларни ва уларнинг манбаларини белгилайди.
Кейинги таҳрирга қаранг.
4. Маблағ билан таъминлашнинг мавжуд манбаларини ҳисобга олган ҳолда Жамғарма «Ўзқишлоқхўжаликмашлизинг» компаниясига лизинг операцияларини ўтказиш учун келгуси даврга ажратиладиган ресурслар ҳажми учун кафолат хатлари тақдим этади.
Кейинги таҳрирга қаранг.
5. «Ўзқишлоқхўжаликмашлизинг» компанияси, Жамғарманинг кафолат хатлари билан тасдиқланган манбалар асосида «Ўзқишлоқхўжаликмаш-холдинг» холдинг компанияси тизимининг қишлоқ хўжалиги машиналари ишлаб чиқарувчи заводларига қишлоқ хўжалиги машиналари (тракторлар ва ўрим-йиғим техникаси)га буюртмани даврларга бўлган ҳолда жойлаштиради.
Кейинги таҳрирга қаранг.
6. Буюртмага мувофиқ «Ўзқишлоқхўжаликмашлизинг» компанияси ишлаб чиқарувчи корхоналар билан тракторлар ва ўрим-йиғим техникасини етказиб бериш юзасидан шартномалар тузади.
Кейинги таҳрирга қаранг.
7. «Ўзқишлоқхўжаликмашлизинг» компанияси келгуси йил учун:
Кейинги таҳрирга қаранг.
Жамғарма билан молиявий ресурслар ажратиш учун шартнома тузади. Бунда лизинг бўйича даромад (маржа) миқдори, шунингдек, лизинг олувчилар томонидан тўланадиган лизинг тўловларидан ушлаб қолинадиган компания хизматлари учун тўловлар миқдори келишиб олинади;
Кейинги таҳрирга қаранг.
«Пахта-банк» билан молия агенти функцияларини бажариш юзасидан;
Кейинги таҳрирга қаранг.
«Ўзагросуғурта» компанияси билан суғурта агенти функцияларини бажариш юзасидан шартномалар тузади.
Кейинги таҳрирга қаранг.
8. «Ўзқишлоқхўжаликмашлизинг» компанияси ўзининг минтақавий филиаллари орқали машина-трактор паркларининг ҳудудий бирлашмалари, муқобил машина-трактор парклари, қишлоқ хўжалиги кооперативлари (ширкатлар) ва фермер хўжаликлари билан тракторлар ва ўрим-йиғим техникаси лизинги шартномаларини тузади. Ҳар бир шартномага лизинг тўловлари жадвали (лизинг бўйича фоизлар қўшилган асосий сумма) илова қилинади. Бунда шартноманинг бир асл нусхаси «Пахта-банк»ка жўнатилади.
Кейинги таҳрирга қаранг.
9. Лизинг олувчилар:
«Ўзқишлоқхўжаликмашлизинг» компаниясига лизингга олинадиган техника қийматининг 15 фоизини аванс сифатида тўлайдилар;
ўз маблағлари ҳисобига лизингга олинадиган қишлоқ хўжалиги техникасини «Ўзагросуғурта» компаниясида суғурта қилдирадилар;
«Ўзқишлоқхўжаликмашлизинг» компаниясига техника қийматининг қолган 85 фоизини ва лизинг бўйича фоизларни 7 йил мобайнида тўлайдилар.
Кейинги таҳрирга қаранг.
Кейинги таҳрирга қаранг.
10. «Ўзқишлоқхўжаликмашлизинг» компанияси пул маблағлари ажратиш учун Жамғармага буюртманомалар тақдим этади. Ушбу буюртманомалар асосида Жамғарма уч банк куни мобайнида пул маблағларини келгуси давр учун «Ўзқишлоқхўжаликмашлизинг» компаниясининг «Пахта-банк»даги Жамғарма маблағлари билан операциялар ўтказиш учун мўлжалланган махсус ҳисоб рақами (кейинги ўринларда «Операция ҳисоб рақами» дейилади)га ўтказади.
Кейинги таҳрирга қаранг.
11. «Ўзқишлоқхўжаликмашлизинг» компанияси «Пахта-банк»да очилган ва Жамғарма маблағлари билан операциялар ўтказиш учун мўлжалланган Операция ҳисоб рақамидан қишлоқ хўжалиги машиналари ишлаб чиқарувчи заводга навбатдаги чорак учун жойлаштирилган буюртма умумий ҳажмининг 30 фоизи миқдорида (тегишли чорак бошланишидан камида 30 календарь кун олдин) аванс беради.
Кейинги таҳрирга қаранг.
12. Тайёр қишлоқ хўжалиги техникаси ишлаб чиқарувчи завод томонидан машина-трактор паркларига (шу жумладан, муқобил машина-трактор паркларига), қишлоқ хўжалиги кооперативлари (ширкат)ларга ва фермер хўжаликларига етказиб берилади.
Қишлоқ хўжалиги машиналари лизинг олувчилар томонидан олинганлиги тасдиқланган тақдирда «Ўзқишлоқхўжаликмашлизинг» компанияси уч банк куни мобайнида Операция ҳисоб рақамидан лизингга берилган қишлоқ хўжалиги машиналари қийматининг 70 фоизи миқдоридаги пул маблағларини ишлаб чиқарувчи заводга ўтказади (узил-кесил ҳисоб-китоб қилади).
Кейинги таҳрирга қаранг.
13. Ҳар ойда, кечи билан ойнинг 5-куни, «Ўзқишлоқхўжаликмашлизинг» компанияси «Пахта-банк»ка олдинги ойда тузилган шартномалар бўйича лизинг тўловлари жадваллари нусхаларини тақдим этади.
Кейинги таҳрирга қаранг.
14. Лизинг олувчилар машина-трактор паркларининг ҳудудий бирлашмалари, муқобил машина-трактор парклари, қишлоқ хўжалиги кооперативлари (ширкатлар) ва фермер хўжаликлари лизинг шартномаларида белгиланган муддатларда ва миқдорларда «Ўзқишлоқхўжаликмашлизинг» компаниясига лизинг тўловлари тўлайдилар. Кўрсатиб ўтилган маблағлар тўлиқ миқдорда Операция ҳисоб рақамига ўтказилади.
Кейинги таҳрирга қаранг.
15. «Ўзқишлоқхўжаликмашлизинг» компанияси лизинг бўйича олинган фоизлардан хизмат кўрсатиш ҳақи сифатида тижорат агенти вазифаларини бажариш юзасидан тузилган шартномада белгиланган миқдорда маблағ ушлаб қолади, лизинг олувчилардан олинган сумманинг қолган қисмини уч кун муддатда Жамғарманинг банкдаги ҳисоб рақамига ўтказади.
Кейинги таҳрирга қаранг.
16. «Ўзқишлоқхўжаликмашлизинг» компанияси ҳар бир календарь чораги тугагандан кейин кечи билан 20 кунда Жамғармага ўтган чоракдаги Операция ҳисоб рақамидаги пул маблағлари айланиши тўғрисидаги «Пахта-банк» томонидан тасдиқланган ҳисоботни тақдим этади.
17. Лизинг олувчилар томонидан жадвалда назарда тутилган лизинг тўловлари ўз вақтида амалга оширилмаган тақдирда, «Пахта-банк» лизинг олувчининг банкдаги ҳисоб рақамига сўзсиз бажарилиши керак бўлган тўлов талабномасини қўяди. Лизинг олувчилардан тўлов талабномаси бўйича ундирилган пул маблағлари Операция ҳисоб рақамига ўтказилади.
18. «Ўзқишлоқхўжаликмашлизинг» компанияси, «Пахта-банк» ва улар бўлинмаларининг раҳбарлари Жамғарма маблағларидан мақсадсиз фойдаланилганлиги ва ҳисоб-китоблар тартиби бузилганлиги учун қонунда белгиланган тартибда жавобгарликка тортиладилар.
Кейинги таҳрирга қаранг.
Кейинги таҳрирга қаранг.
Вазирлар Маҳкамасининг 2000 йил 2 ноябрдаги 424-сон қарорига
2-ИЛОВА
2-ИЛОВА
«Ўзқишлоқхўжаликмашлизинг» компанияси ижро этувчи аппаратининг
ТУЗИЛМАСИ
Ходимларнинг умумий сони — 20 киши (хизмат кўрсатувчи ходимлардан ташқари)
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2000 й., 9-10-сон, 134-модда; 2007 й., 25-26-сон, 262-модда, 50-51-сон, 517-модда; 2008 й., 10-11-сон, 62-модда; 2009 й., 21-сон, 252-модда; 2012 й., 29-сон, 334-модда; 2017 й., 11-сон, 161-модда, 26-сон, 593-модда, 27-сон, 618-модда; Қонун ҳужжатлари маълумотлари миллий базаси, 14.05.2018 й., 09/18/350/1206-сон, 25.08.2018 й., 09/18/683/1795-сон; 13.07.2019 й., 09/19/578/3419-сон; 22.02.2021 й., 09/21/87/0134-сон; Қонунчилик маълумотлари миллий базаси, 05.04.2022 й., 09/22/153/0266-сон; 06.08.2022 й., 09/22/431/0716-сон; 03.03.2025 й., 09/25/135/0208-сон; 04.06.2025 й., 09/25/345/0491-сон; 28.07.2025 й., 09/25/466/0655-сон; 30.08.2025 й., 09/25/549/0791-сон)
