Ўзбекистон Республикаси Президентининг «Давлат маданият муассасалари ва давлат архивлари ходимлари меҳнатига ҳақ тўлашнинг такомиллаштирилган тизимини жорий этиш ва уларни моддий рағбатлантиришни кучайтириш тўғрисида» 2018 йил 14 майдаги ПҚ-3727-сон қарорини бажариш юзасидан Вазирлар Маҳкамаси қарор қилади:

1. Қуйидагилар:

Ўзбекистон Республикаси Давлат бюджетидан молиялаштириладиган давлат маданият муассасалари ва давлат архивлари ходимлари меҳнатига ҳақ тўлаш бўйича базавий лавозим маошлари миқдорлари 1 — 11-иловаларга мувофиқ;

давлат архивлари ва узоқ муддат узлуксиз хизмати учун ҳар ойлик тақдирлаш пули белгиланадиган давлат архивлари ходимлари лавозимлари рўйхати 12-иловага мувофиқ;

Давлат маданият муассасалари ва давлат архивлари ходимлари меҳнатига ҳақ тўлаш ҳамда уларни моддий рағбатлантириш тартиби тўғрисидаги низом 13-иловага мувофиқ тасдиқласин.

2. Ўзбекистон Республикаси Маданият вазирлиги, Вазирлар Маҳкамаси ҳузуридаги «Ўзархив» агентлиги ва бошқа манфаатдор вазирликлар ҳамда идоралар Бандлик ва меҳнат муносабатлари вазирлиги ҳамда Молия вазирлиги билан келишган ҳолда ушбу қарорга 1 — 11-иловаларда қайд этилмаган давлат маданият муассасалари ва давлат архивлари ходимлари меҳнатига ҳақ тўлаш разрядлари ҳамда шартларини бир ой муддатда ишлаб чиқсинлар ва тасдиқласинлар.

3. Ўзбекистон Республикаси Вазирлар Маҳкамаси ҳузуридаги «Ўзархив» агентлиги Бандлик ва меҳнат муносабатлари вазирлиги ҳамда Молия вазирлиги билан келишган ҳолда икки ой муддатда:

давлат архивларининг янгиланган намунавий штатларини;

Давлат архивларини меҳнатга ҳақ тўлаш гуруҳларига киритиш тартиби тўғрисидаги низомни ишлаб чиқсин ва тасдиқласин.

4. Ўзбекистон Республикаси Маданият вазирлиги:

бир ой муддатда — Давлат маданият муассасаларининг ижодий (артист) ходимлари ва мутахассисларига малака тоифаларини бериш тартиби тўғрисидаги низомни;

икки ой муддатда — Бандлик ва меҳнат муносабатлари вазирлиги ҳамда Молия вазирлиги билан келишган ҳолда, Давлат архивларини меҳнатга ҳақ тўлаш гуруҳларига киритиш тартиби тўғрисидаги низомни тасдиқласин;

давлат маданият муассасаларининг ижодий (артист) ходимлари ва мутахассисларини уч ой муддатда аттестациядан ўтказсин ҳамда уларга фаолият натижаларини баҳолаш асосида малака тоифалари берилишини таъминласин.

5. Вазирлар Маҳкамасининг «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонни амалга ошириш масалалари ҳақида» 1995 йил 28 октябрдаги 415-сон қарорига 14-иловага мувофиқ ўзгартириш ва қўшимчалар киритилсин.

6. Қуйидагилар:

Вазирлар Маҳкамасининг «Музейлар фаолиятини қўллаб-қувватлаш масалалари тўғрисида» 1998 йил 5 мартдаги 98-сон қарори;

Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Маданият вазирлиги фаолиятини ташкил этиш тўғрисида» 2017 йил 15 февралдаги ПҚ-2778-сон қарори)» 2017 йил 11 майдаги 270-сон қарорига 1-илованинг 9-банди ўз кучини йўқотган деб ҳисоблансин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров, Маданият вазири Б.С. Сайфуллаев зиммасига ва Вазирлар Маҳкамасининг Маданият, санъат ва ёшлар сиёсати масалалари ахборот-таҳлил департаментига юклансин.

1. Ушбу Низом Ўзбекистон Республикаси давлат бюджети маблағлари ҳисобидан молиялаштириладиган давлат маданият муассасалари ва давлат архивлари ходимлари меҳнатига ҳақ тўлаш ҳамда уларни моддий рағбатлантириш тартиби ва шартларини белгилайди.

2. Ушбу Низомнинг амал қилиши:

ахборот-ресурс марказлари, кутубхоналар, ўқув театрлари, театр-студиялар, таълим муассасаларининг студиялари ва музейлари, шунингдек, идоравий кутубхоналар ва архивлар ходимлари;

давлат маданият муассасалари ва давлат архивларининг техник ҳамда хизмат кўрсатувчи ходимлари;

ушбу қарорга 1 — 11-иловаларда* қайд этилмаган давлат маданият муассасаларининг айрим ходимлари меҳнатига ҳақ тўлаш учун татбиқ этилмайди, уларнинг меҳнатига ҳақ тўлаш разрядлари ушбу муассасаларга меҳнатга ҳақ тўлаш бўйича берилган гуруҳ ҳисобга олинган ҳолда Ягона тариф сеткаси бўйича белгиланади.

3. Қуйидагилар:

театрлар, театр-студиялар, цирклар, саройлар, концерт ташкилотлари, шу жумладан, мусиқали ва рақс жамоалари;

музейлар, музей қўриқхоналар, уй музейлар, давлат тарих ва маданият музейлари, картина ва фотогалереялар, кўргазма фаолияти билан шуғулланадиган ташкилотлар;

кўзи ожизлар учун кутубхоналар ва ахборот-ресурс марказлари, ахборот-кутубхона марказлари, маданият ва аҳоли дам олиш марказлари, шу жумладан, халқ театрлари, ҳаваскорлик жамоалари;

Ўзбекистон Республикаси Маданият вазирлигининг Маданият муассасалари фаолиятини ташкил этиш илмий-методик маркази;

зоопарклар, шунингдек, бошқа маданий-маърифий муассасалар давлат маданият муассасалари ҳисобланади.

4. Ўзбекистон Республикаси Вазирлар Маҳкамаси ҳузуридаги «Ўзархив» агентлигининг ташкилий тузилмасига кирадиган архивлар давлат архивлари ҳисобланади.

5. Давлат маданият муассасалари ва давлат архивлари ходимларининг иш ҳақи базавий лавозим маошлари, узоқ муддат узлуксиз хизмати учун ҳар ойлик тақдирлаш пули, шунингдек, қонун ҳужжатларида назарда тутилган устамалар ва қўшимча тўловларни ўз ичига олади.

6. Давлат маданият муассасалари ва давлат архивлари ходимларининг лавозим маошлари:

меҳнатга ҳақ тўлаш бўйича ҳар бир лавозим учун белгиланадиган базавий лавозим маошлари;

ходимларга қонун ҳужжатларида белгиланган устамалар ва қўшимча тўловлар асосида шакллантирилади.

7. Давлат маданият муассасалари ва давлат архивлари ходимларининг лавозим маошлари:

меҳнатига ҳақ тўлаш бўйича давлат маданият муассасаси ва давлат архиви киритилган гуруҳга;

ходимнинг лавозими ва малака тоифасига боғлиқ ҳолда табақалаштирилади.

8. Давлат маданият муассасалари ва давлат архивлари ходимларининг лавозим маошлари миқдорлари Ўзбекистон Республикаси Вазирлар Маҳкамаси томонидан белгиланади.

9. Давлат маданият муассасалари ва давлат архивларини меҳнатига ҳақ тўлаш гуруҳларига киритиш ва ушбу муассасалар ходимларига малака тоифаларини бериш тартиби Ўзбекистон Республикаси Бандлик ва меҳнат муносабатлари вазирлиги ҳамда Молия вазирлиги билан келишган ҳолда Маданият вазирлиги ва Вазирлар Маҳкамаси ҳузуридаги «Ўзархив» агентлиги томонидан белгиланади.

10. Давлат маданият муассасалари ва давлат архивлари ходимларининг базавий лавозим маоши:

ходим давлат маданият муассасаси ва давлат архивида бошқа лавозимга ўтказилганда;

меҳнатига ҳақ тўлаш бўйича давлат маданият муассасаси ва давлат архиви кирадиган гуруҳ ўзгартирилганда;

ходимнинг малака тоифаси ўзгартирилганда (оширилганда ёки пасайтирилганда);

Ўзбекистон Республикаси Президентининг қарорларига мувофиқ бюджет ташкилотлари ходимларининг иш ҳақи миқдорлари оширилганда ўзгартирилади.

Давлат маданият муассасалари ва давлат архивлари ходимларининг базавий лавозим маоши миқдорининг ўзгартирилиши тегишли муассаса раҳбарининг буйруғи билан расмийлаштирилади.

11. Ўзбекистон Республикаси Президентининг қарорларига мувофиқ бюджет ташкилотлари ходимларининг иш ҳақи миқдорлари оширилганда давлат маданият муассасалари ва давлат архивлари ходимларининг лавозим маошлари миқдорлари Ўзбекистон Республикаси Бандлик ва меҳнат муносабатлари вазирлиги ҳамда Молия вазирлиги билан келишган ҳолда Маданият вазирлиги ва Вазирлар Маҳкамаси ҳузуридаги «Ўзархив» агентлигининг буйруғига асосан тегишли миқдоргача оширилади.

12. Давлат маданият муассасалари ва давлат архивларининг ходимлари давлат маданият муассасалари ҳамда давлат архивларида бюджет муассасалари ва ташкилотлари ходимларини моддий рағбатлантириш бўйича ташкил этиладиган махсус жамғарма маблағлари ҳисобига моддий рағбатлантирилади.

13. Давлат маданият муассасалари ва давлат архивлари ходимларига устамалар, ва қўшимча тўловлар тўлаш, шунингдек, узоқ муддат узлуксиз хизмати учун мукофотлаш шартлари қонун ҳужжатларида белгиланади.

14. Ушбу Низомда қайд этилган давлат маданият муассасалари ва давлат архивлари ходимларининг меҳнатига ҳақ тўлаш бўйича ҳисоб-китоблар тўғрилиги учун жавобгарлик тегишли муассасалар раҳбарлари ҳамда бош бухгалтерлари зиммасига юкланади.

1. 1 ва 2-бандлар қуйидаги таҳрирда баён этилсин:

«1. Ўзбекистон Республикаси Президентининг 1995 йил 20 октябрдаги ПФ-1280-сон Фармони татбиқ этиладиган Республика театр-концерт ташкилотлари, таълим ва бошқа маданий-маърифий муассасалари рўйхати 1-иловага мувофиқ тасдиқлансин.

2. Ўзбекистон Республикаси Президентининг 1995 йил 20 октябрдаги ПФ-1280-сон Фармон татбиқ этиладиган Театр-концерт ва бошқа маданий-маърифий муассасаларнинг маъмурий-бошқарув, бадиий-раҳбар, бадиий, артист, техник ва хизмат кўрсатувчи ходимлари, шунингдек, мутахассисларининг, таълим муассасалари профессор-ўқитувчилари ҳамда концертмейстерларнинг лавозимлари рўйхати 2-иловага мувофиқ тасдиқлансин».

2. 1-илова қуйидаги таҳрирда баён этилсин:

Бердақ номидаги Қорақалпоқ давлат академик мусиқали театри

Қорақалпоқ давлат ёш томошабинлар театри

Қорақалпоқ давлат қўғирчоқ театри

«Айқулаш жулдузлари» Қорақалпоқ давлат миллий фольклор ансамбли

«Аму тўлқини» Қорақалпоқ давлат фольклор-этнографик ансамбли

«Гулзор» Қорақалпоқ давлат фольклор ансамбли

Ўзбекистон давлат санъат ва маданият институтининг Нукус филиали

Қорақалпоғистон Республикаси кўзи ожизлар кутубхонаси

Алишер Навоий номидаги Ўзбекистон давлат академик катта театри

Ўзбекистон давлат мусиқали комедия (оперетта) театри

Ўзбек Миллий академик драма театри

Ўзбекистон давлат драма театри

Ўзбекистон давлат сатира театри

Ўзбекистон давлат ёш томошабинлар театри

Ўзбекистон давлат ёшлар театри

Ўзбекистон давлат академик рус драма театри

Муқимий номидаги Ўзбекистон давлат мусиқали театри

Ўзбекистон давлат қўғирчоқ театри

Ўзбекистон давлат консерваторияси

Ўзбекистон давлат санъат ва маданият институти

Тошкент давлат миллий рақс ва хореография олий мактаби

«Дийдор» режиссёрлик ва актёрлик маҳорати театр-студияси» давлат муассасаси

«Томоша» болалар мусиқий театр-студияси» давлат муассасаси

Тошкент давлат консерваторияси ҳузуридаги мусиқали театр-студия

Ўзбекистон Бадиий жамоалари ижодий бирлашмаси ҳамда унинг таркибига кирувчи жамоалар*

Ўзбекистон оркестрлари жамоалари бирлашмаси ва унинг таркибига кирувчи жамоалар*

Ўзбек миллий мақом санъати маркази

Республика кўзи ожизлар кутубхонаси

«Ўзбекистон давлат цирки»давлат бирлашмаси

Тошкент зоология парки

«Халқлар дўстлиги» саройи

«Туркистон» санъат саройи

Андижон вилояти мусиқали драма театри

Андижон вилояти ёшлар театри

Андижон вилояти қўғирчоқ театри

Андижон вилояти кўзи ожизлар кутубхонаси ва унинг филиаллари

Бухоро вилояти мусиқали драма театри

Бухоро вилояти қўғирчоқ театри

Бухоро вилояти кўзи ожизлар кутубхонаси ва унинг филиаллари

Жиззах вилояти мусиқали драма театри

Жиззах вилояти қўғирчоқ театри

Жиззах вилояти кўзи ожизлар кутубхонаси ва унинг филиаллари

Қашқадарё вилояти мусиқали драма театри

Қашқадарё вилояти қўғирчоқ театри

Қашқадарё вилояти кўзи ожизлар кутубхонаси ва унинг филиаллари

Наманган вилояти мусиқали драма театри

Наманган вилояти кўзи ожизлар кутубхонаси ва унинг филиаллари

Самарқанд вилояти мусиқали драма театри

Самарқанд вилояти рус драма театри

Самарқанд вилояти қўғирчоқ театри

Каттақўрғон шаҳар драма театри

Самарқанд вилояти кўзи ожизлар кутубхонаси ва унинг филиаллари

Самарқанд зоология боғи

Сирдарё вилояти мусиқали драма театри

Сирдарё вилояти кўзи ожизлар кутубхонаси

Сурхондарё вилояти мусиқали драма театри

Сурхондарё вилояти қўғирчоқ театри

Сурхондарё вилояти кўзи ожизлар кутубхонаси ва унинг филиаллари

Термиз зоология парки

«Сурхондарё санъат саройи» давлат муассасаси

Фарғона вилояти мусиқали драма театри

Фарғона вилояти рус драма театри

Фарғона вилояти қўғирчоқ театри

Қўқон шаҳар мусиқали драма театри

Ислом Каримов номидаги Фарғона вилояти театр-концерт саройи

Ўзбекистон давлат санъат ва маданият институтининг Фарғона вилояти филиали

Фарғона вилояти кўзи ожизлар кутубхонаси ва унинг филиаллари

Фарғона зоология боғи

Хоразм вилояти мусиқали драма театри

Хоразм вилояти қўғирчоқ театри

Хоразм вилояти кўзи ожизлар кутубхонаси ва унинг филиаллари».

3. 2-илова қуйидаги таҳрирда баён этилсин:

1. Бош директор (директор), бош директорнинг ўринбосари (директор ўринбосари), менежер

2. Бош бухгалтер (бош бухгалтер ўринбосари), бош муҳандис, бош зоомуҳандис, бош энергетик, бош маъмур, бош зоотехник, бош фондлар сақловчиси

3. Цех бошлиғи, бўлим бошлиғи

4. Бўлим мудири, либосхона мудири, чипта бюроси мудири, омбор мудири, озуқа ошхонаси мудири, ветеринария клиникаси мудири, дорихона мудири, филиал мудири

1. Бадиий раҳбар

2. Бош режиссёр, бош дирижер, бош балетмейстер, бош хормейстер, бош рассом

3. Труппа мудири, бадиий-саҳналаштириш қисми мудири, адабий қисм мудири, мусиқий қисм мудири

1. Саҳналаштирувчи режиссёр, саҳналаштирувчи балетмейстер, саҳналаштирувчи рассом

2. Модельер рассом, безакчи рассом, чироқ бўйича рассом, қўғирчоқшунос, ўйинчоқ-қўғирчоқлар безатувчиси, декоратор

3. Дирижёр, хормейстер, балетмейстер

4. Вокал синфи бўйича концертмейстер, балет синфи бўйича концертмейстер

5. Балет репетитори, вокал репетитори, цирк номерлари репетитори

6. Режиссёр, режиссёр ёрдамчиси

7. Хормейстер ёрдамчиси, дирижёр ёрдамчиси, балетмейстер ёрдамчиси

8. Овоз режиссёри, овоз оператори

9. Ташкилотчи педагог (репетитор), манеж инспектори

1. Етакчи саҳна устаси

2. Барча тоифалардаги балет артисти

3. Барча тоифалардаги артист-вокалчи (яккахон хонанда)

4. Барча тоифалардаги хор артисти

5. Барча тоифалардаги (симфония, камер) оркестр артисти

6. Барча тоифадаларги драма артисти

7. Барча тоифалардаги инструментал артист

8. Барча тоифалардаги барча жанрлардаги цирк артисти

9. Ёрдамчи таркиб артисти

1. Барча тоифадаги бухгалтер, иқтисодчилар

2. Муҳандис

3. Барча номдаги мутахассислар

4. Матбуот котиби, маъмур, ассистент, кадрлар бўйича инспектор

5. Врач, ветеринар врач (фельдшер), биохимик врач, токсиколог врач, лаборант

6. Барча тоифалардаги агрономлар ва зоотехниклар

7. Барча тоифалардаги илмий ходимлар ва методистлар

8. Фондларни сақловчилар

9. Барча тоифаларлардаги кутубхоначилар, библиографлар, веб-дастурчилар ва экскурсоводлар

1. Бутафор, гримчи-постижер, костюмчи, униформист

2. Пойабзалчи, тикувчи, бичувчи, кассир, чиптачи-кассир, мусиқа асбобларини созловчи

3. Саҳна машинисти, саҳна монтажчиси, ёритувчи, кутубхоначи (нота бўйича)

4. Отлар мураббийлари

5. Йиртқич ҳайвонлар ва ҳайвонларга қаровчи ишчи

1. Ўзбекистон давлат консерваторияси, Ўзбекистон давлат санъат ва маданият институти ва унинг филиаллари, Тошкент давлат миллий рақс ва хореография олий мактабининг ректорлари, проректорлари, деканлари, концертмейстерлари ва профессор-ўқитувчилари таркиби;

2. Санъатшунослик илмий-тадқиқот институтининг илмий ходимлари