|
Ҳужжат кучини йўқотган 24.08.2019
|
Ҳужжат 16.11.2001 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ВИНО-АРОҚ МАҲСУЛОТЛАРИНИ УЛГУРЖИ ВА ЧАКАНА СОТИШНИ ТАРТИБГА СОЛИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2019 йил 23 августдаги 707-сонли «Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш тартиби тўғрисидаги низомни тасдиқлаш ҳақида»ги қарорига асосан ўз кучини йўқотган.
Вино-ароқ маҳсулотларининг ноқонуний айланиши ва сотилиши ҳолларининг олдини олиш, алкоголли маҳсулотларни сотишни ташкил этишни такомиллаштириш мақсадида Вазирлар Маҳкамаси қарор қилади:
1. Белгилансинки:
ишлаб чиқарувчи корхоналар томонидан вино-ароқ маҳсулотлари фақат «Ўзмевасабзавотузумсаноат-холдинг» холдинг компаниясининг ҳудудий ихтисослаштирилган улгуржи савдо базалари орқали сотилади;
Кейинги таҳрирга қаранг.
республикада ишлаб чиқариладиган вино-ароқ маҳсулотларини улгуржи ва майда улгуржи сотиш ҳуқуқи «Ўзмевасабзавотузумсаноат-холдинг» холдинг компаниясининг ҳудудий ихтисослаштирилган улгуржи савдо базаларига берилади.
Кейинги таҳрирга қаранг.
Кейинги таҳрирга қаранг.
2. Ўзбекистон Республикаси Вазирлар Маҳкамасининг 1999 йил 26 мартдаги 136-сон қарори 1-бандининг иккинчи хатбоши ва 6-бандининг иккинчи хатбоши (Ўзбекистон Республикаси ҚТ, 1999 й., 3-сон, 16-модда) ўз кучини йўқотган деб ҳисоблансин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З.Усмонов зиммасига юклансин.
Ўзбекистон Республикасининг Бош вазири Ў. СУЛТОНОВ
Тошкент ш.,
2001 йил 16 ноябрь,
452-сон
(Ўзбекистон Республикаси қонун ҳужжатлари тўплами, 2001 й., 22-24-сон, 157-модда; 2006 й., 12-13-сон, 105-модда; Қонун ҳужжатлари маълумотлари миллий базаси, 16.07.2018 й., 09/18/539/1519-сон)
