1.Давлат ва жамият қурилиши / Давлат ҳокимияти органлари. Давлат ва хўжалик бошқаруви органлари;
2.Ижтимоий-маданий масалалар / Жисмоний тарбия ва спорт]
Ўзбекистон Республикаси Президентининг
Қарори
Ўзбекистон Республикаси Жисмоний тарбия ва спорт вазирлигини ташкил этиш тўғрисида
LexUZ шарҳи
Мазкур қарорЎзбекистон Республикаси Президентининг 2022 йил 15 январдаги ПФ-52-сонли «Туризм, маданият, маданий мерос ва спорт соҳаларини янада ривожлантириш учун қўшимча шароитлар яратиш тўғрисида»ги Фармонига асосан ўз кучини йўқотган.
Ўзбекистон Республикаси Президентининг 2018 йил 5 мартдаги «Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида»ги ПФ-5368-сон Фармони ижроси юзасидан:
1. Қуйидагилар:
Ўзбекистон Республикаси Жисмоний тарбия ва спорт вазирлигининг ташкилий тузилмаси 1-иловага мувофиқ;
Ўзбекистон Республикаси Жисмоний тарбия ва спорт вазирлиги марказий аппаратининг бошқарув ходимлари чекланган сони 55 нафар бўлган тузилмаси 2-иловага мувофиқ;
Қорақалпоғистон Республикаси Жисмоний тарбия ва спорт вазирлигининг тузилмаси, вилоятлар ва Тошкент шаҳар жисмоний тарбия ва спорт бошқармаларининг намунавий тузилмаси 3 ва 4-иловаларга мувофиқ;
туман (шаҳар) жисмоний тарбия ва спорт бўлимларининг намунавий тузилмаси 5-иловага мувофиқ;
Ўзбекистон Республикаси Жисмоний тарбия ва спорт вазирлиги ҳудудий бўлинмалари бошқарув ходимларининг чекланган сони 6-иловага мувофиқ;
жисмоний тарбия ва спорт бўлимлари ходимларининг чекланган сонидан келиб чиққан ҳолда, тоифаланган шаҳарлар-вилоят марказлари, туман (шаҳар)лар рўйхати 7-иловага мувофиқ;
Ўзбекистон Республикаси терма жамоаларини шакллантириш учун спортчиларни танлаб олиш бўйича фаолиятни ташкил этиш схемаси 8-иловага мувофиқ тасдиқлансин.
Ўзбекистон Республикаси Жисмоний тарбия ва спорт вазирига, зарур ҳолларда, жисмоний тарбия ва спорт органларининг ташкилий-штат тузилмасига белгиланган сон доирасида ўзгартиришлар киритиш ҳуқуқи берилсин.
Ўзбекистон Республикаси Жисмоний тарбия ва спорт вазирлиги жисмоний тарбия ва спорт соҳасида ягона давлат сиёсатини амалга оширувчи давлат бошқаруви органи ҳисобланади;
Ўзбекистон Республикаси Жисмоний тарбия ва спорт вазирлиги жисмоний тарбия ва спорт соҳасида давлат бошқаруви органлари фаолиятини мувофиқлаштиришни амалга оширади, унинг ўз ваколатлари доирасида қабул қиладиган қарорлари давлат ва хўжалик бошқаруви органлари, маҳаллий давлат ҳокимияти органлари томонидан ижро этилиши мажбурий ҳисобланади;
туман (шаҳар) жисмоний тарбия ва спорт бўлимларининг штатлар сони, жумладан Қорақалпоғистон Республикаси Жисмоний тарбия ва спорт вазирлиги, вилоятлар ва Тошкент шаҳар жисмоний тарбия ва спорт бошқармаларининг туман (шаҳар) жисмоний тарбия ва спорт бўйича бош мутахассислари сонини қисқартириш ҳисобига шакллантирилади;
Ўзбекистон Республикаси Жисмоний тарбия ва спорт вазирлиги республика ҳудудида давлат спорт объектлари қурилишининг мақсадга мувофиқлиги юзасидан эксперт хулосасини беради ва улардан самарали фойдаланилишини мониторинг қилади.
3. Қуйидагилар Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси маблағларини шакллантириш манбалари этиб белгилансин:
хайрия ташкилотлари, хусусий тадбиркорлар, жисмоний ва юридик шахслар, жумладан Ўзбекистон Республикаси норезидентлари томонидан ўтказиладиган ҳомийлик ўтказмалари;
2018 йил 1 июндан 9-иловага мувофиқ киритиладиган йиғимлар;
Ўзбекистон Республикасининг Давлат бюджети маблағлари;
2018 йил 1 июндан бошлаб, тренерлик фаолияти билан шуғулланиш учун аттестациядан ўтказиш ва рухсатномалар бериш, шунингдек, жисмоний тарбия-соғломлаштириш ва спорт иншоотларини паспортлаштириш ҳисобидан тушадиган маблағларнинг бир қисми;
қонун ҳужжатларида тақиқланмаган бошқа тушумлар.
Ўзбекистон Республикаси Вазирлар Маҳкамаси бир ой муддатда Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси фаолиятини ташкил этиш, унинг даромадлари ва харажатлари параметрларини, жумладан болалар спорти объектларини, хусусан ҳомийлар маблағларидан қуриш, қайта қуриш ва капитал таъмирлаш ишларини молиялаштиришнинг аниқ манбаларини белгилаб берган ҳолда тасдиқлаш тўғрисидаги Ҳукумат қарорини қабул қилсин.
Ўзбекистон Республикаси Молия вазирлиги:
Ўзбекистон Республикаси Давлат солиқ қўмитаси билан биргаликда 2018 йил 10 апрелга қадар муддатда Жисмоний тарбия ва спортни ривожлантириш жамғармасига йиғимларни ҳисоблаб чиқиш ва тўлаш тартиби тўғрисидаги низомни ишлаб чиқсин ва ўрнатилган тартибда тасдиқлансин;
Жисмоний тарбия ва спорт жамғармасига 2018 йил бошида республика бюджетининг бўш қолдиқ маблағлари ҳисобидан 20 млрд. сўм ажратсин.
4. Ўзбекистон Республикаси Вазирлар Маҳкамаси икки ой муддатда:
пойтахт минтақасида «Спорт» эркин иқтисодий зонасини тузиш, ҳудуд чегараларини ва ушбу зонада амалга ошириш учун лойиҳаларни танлаб олиш мезонларини аниқлаган ҳолда, унинг фаолиятини ташкил этиш, шунингдек, дирекция тузиш ва унинг фаолиятини ташкил этиш;
«Спорт» эркин иқтисодий зонасида жаҳоннинг етакчи ишлаб чиқарувчиларини жалб этган ҳолда, спорт кийимлари, инвентарлари ва ускуналарини ишлаб чиқариш бўйича замонавий корхоналарни қуриш тўғрисидаги ҳукумат қарорини қабул қилсин.
Белгилансинки, «Спорт» эркин иқтисодий зонасининг фаолият юритиш муддати келгусида уни узайтириш имконияти билан 30 йилни ташкил этади.
5. Ўзбекистон Республикаси Инвестициялар бўйича давлат қўмитаси тижорат банклари билан биргаликда «Спорт» эркин иқтисодий зонасида амалга ошириладиган лойиҳаларни молиялаштириш учун грантлар, кредит линиялари ва инвестициялар, халқаро молия институтлари, хорижий банклар ва бошқа инвесторлар — юридик ва жисмоний шахслар (жумладан хорижий инвесторлар), давлат ва нодавлат жамғармалар, корхоналар ва ташкилотларнинг беғараз молиявий кўмаги, шунингдек, тижорат банкларининг кредитлари жалб этилишини таъминласин.
6. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари икки ой муддатда ўрта махсус, касб-ҳунар таълим муассасаларини оптималлаштириш натижасида бўшатиладиган бино ва иншоотлар, инвентар ва ускуналарнинг бир қисми Ўзбекистон Республикаси Жисмоний тарбия ва спорт вазирлигининг ҳудудий бўлинмалари балансига ўтказилишини таъминласин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари умумтаълим мактаблари ва ўрта махсус, касб-ҳунар таълим муассасалари ўқувчилари ўртасида спорт ва жисмоний тарбия-оммавий тадбирларнинг доимий асосда ташкил этилиши ҳамда ўтказилишини назарда тутган ҳолда, тегишлича маҳаллий бюджет маблағлари, шунингдек, қонун ҳужжатларида тақиқланмаган бошқа манбалар ҳисобидан молиялаштириладиган спорт ва жисмоний тарбия-оммавий тадбирларнинг ҳудудий, туман (шаҳар) календарь режалари ҳар йили тасдиқланишини таъминласин.
8. Ўзбекистон Республикаси Давлат архитектура ва қурилиш қўмитаси Жисмоний тарбия ва спорт вазирлиги ҳамда бошқа манфаатдор идоралар билан биргаликда уч ой муддатда жисмоний тарбия-соғломлаштириш ва спорт иншоотлари учун амалдаги қурилиш норма ва қоидаларини ушбу иншоотларга, жумладан ногиронлиги бўлган шахслар учун фойдаланиш имкониятини яратиш бўйича қўйиладиган замонавий талаб ва нормаларга мувофиқлаштириш мақсадида уларни қайта кўриб чиқишни таъминласин.
9. Ўзбекистон Республикаси Молия вазирлиги ҳар йили Ўзбекистон Республикасининг Давлат бюджети параметрларини шакллантиришда Ўзбекистон Республикаси Жисмоний тарбия ва спорт вазирлиги ҳамда унинг ҳудудий бўлинмаларини сақлаб туриш ва моддий-техник жиҳозлаш учун маблағларни назарда тутсин.
10. Ўзбекистон Республикаси Жисмоний тарбия ва спорт вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон Матбуот ва ахборот агентлиги:
умумтаълим мактаблари ва ўрта махсус, касб-ҳунар таълим муассасалари ўқувчилари ўртасида ўтказиладиган спорт мусобақалари ва турнирларини оммавий ахборот воситаларида мунтазам ва кенг ёритиш;
Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармасига хайрия ёрдамини кўрсатаётган ташкилотлар иштирокида ижтимоий роликлар яратиш орқали оммавий спорт турларини халқ орасида кенг ёйишга кўмаклашсин.
11. Ўзбекистон Республикаси Жисмоний тарбия ва спорт вазирлиги икки ой муддатда:
Халқ таълими вазирлиги ҳамда Олий ва ўрта махсус таълим вазирлиги билан биргаликда умумтаълим ва ўрта махсус, касб-ҳунар таълими муассасалари ўқувчиларидан иборат спорт жамоалари ўртасида (спорт турлари бўйича) ушбу муассасалар, туман(шаҳар)лар, вилоятлар ва республика даражасида оммавий спорт тадбирларини ўтказиш тартибини тасдиқласин;
Молия вазирлиги билан биргаликда Жисмоний тарбия ва спорт вазирлиги, унинг ҳудудий бўлинмалари ва идоравий мансуб ташкилотларга бириктириладиган, Ўзбекистон Республикасининг Давлат бюджети ҳисобидан молиялаштириладиган хизмат енгил автомобилларининг чекланган умумий сонини тасдиқлаш тўғрисида Вазирлар Маҳкамасига таклифлар киритсин;
Адлия вазирлиги ва бошқа манфаатдор идоралар билан биргаликда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
12. Ўзбекистон Республикаси Жисмоний тарбия ва спорт вазирлиги Тошкент шаҳри, А. Қодирий кўчаси, 2-уй манзили бўйича жойлаштирилсин.
13. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари икки ой муддатда Жисмоний тарбия ва спорт вазирлиги ҳудудий бўлинмалари жойлаштирилишини, уларнинг мебель, компьютер техникаси, алоқа ва бошқа зарур воситалар билан жиҳозланишини таъминласин.
14. Ўзбекистон Республикаси Президентининг 2017 йил 15 февралдаги «Ўзбекистон Республикаси Жисмоний тарбия ва спорт давлат қўмитаси фаолиятини ташкил этиш тўғрисида»ги ПҚ-2779-сон қарори ўз кучини йўқотган деб ҳисоблансин.
15. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Қ.В. Акмалов, Ўзбекистон Республикаси Президентининг Давлат маслаҳатчиси Р.С. Касимов, Ўзбекистон Республикасининг Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 5 март,
ПҚ-3583-сон
Ўзбекистон Республикаси Президентининг 2018 йил 5 мартдаги ПҚ-3583-сон қарорига 1-ИЛОВА
Ўзбекистон Республикаси Жисмоний тарбия ва спорт вазирлигининг
Ўзбекистон Республикаси Президентининг 2018 йил 5 мартдаги ПҚ-3583-сон қарорига 5-ИЛОВА
Туман (шаҳар) жисмоний тарбия ва спорт бўлимларининг
НАМУНАВИЙ ТУЗИЛМАСИ
Бошқарув ходимларининг чекланган умумий сони — 3-4 нафар
* ушбу қарорнинг 7-иловасига мувофиқ 1-тоифали туман (шаҳар)ларда Оммавий спортни ривожлантириш ва жисмоний тарбия-спорт тадбирларини ташкиллаштириш бўйича бош инспектор лавозими назарда тутилган.
Ўзбекистон Республикаси Президентининг 2018 йил 5 мартдаги ПҚ-3583-сон қарорига 7-ИЛОВА
Жисмоний тарбия ва спорт бўлимлари ходимларининг чекланган сонидан келиб чиққан ҳолда, тоифаланган шаҳарлар — вилоят марказлари, туман (шаҳар)лар
РЎЙХАТИ
Т/р
Ҳудудлар
Туманлар ва шаҳарлар
1-тоифа
2-тоифа
1.
Қорақалпоғистон Республикаси
Нукус шаҳри
Қўнғирот тумани
Хўжайли тумани
Беруний тумани
Тўрткўл тумани
Чимбой тумани
Элликқалъа тумани
Амударё тумани
Шуманай тумани
Қонликўл тумани
Кегейли тумани
Мўйноқ тумани
Қораўзак тумани
Тахтакўпир тумани
Нукус тумани
Тахиатош тумани
2.
Андижон вилояти
Андижон шаҳри
Қўрғонтепа тумани
Шаҳрихон тумани
Андижон тумани
Жалақудуқ тумани
Избоскан тумани
Марҳамат тумани
Хонобод шаҳри
Асака тумани
Балиқчи тумани
Бўз тумани
Булоқбоши тумани
Пахтаобод тумани
Олтинкўл тумани
Хўжаобод тумани
Улуғнор тумани
3.
Бухоро вилояти
Бухоро шаҳри
Ғиждувон тумани
Ромитан тумани
Қоракўл тумани
Шофиркон тумани
Когон шаҳри
Жондор тумани
Пешку тумани
Олот тумани
Бухоро тумани
Вобкент тумани
Когон тумани
Қоровулбозор тумани
4.
Жиззах вилояти
Жиззах шаҳри
Зомин тумани
Дўстлик тумани
Ғаллаорол тумани
Фориш тумани
Бахмал тумани
Ш.Рашидов тумани
Пахтакор тумани
Мирзачўл тумани
Арнасой тумани
Зарбдор тумани
Зафаробод тумани
Янгиобод тумани
5.
Қашқадарё вилояти
Қарши шаҳри
Шаҳрисабз тумани
Нишон тумани
Муборак тумани
Миришкор тумани
Чироқчи тумани
Ғузор тумани
Яккабоғ тумани
Косон тумани
Қамаши тумани
Шаҳрисабз шаҳри
Қарши тумани
Китоб тумани
Деҳқонобод тумани
Касби тумани
6.
Навоий вилояти
Навоий шаҳри
Зарафшон шаҳри
Учқудуқ тумани
Қизилтепа тумани
Хатирчи тумани
Кармана тумани
Конимех тумани
Навбаҳор тумани
Нурота тумани
Томди тумани
7.
Наманган вилояти
Наманган шаҳри
Косонсой тумани
Норин тумани
Учқўрғон тумани
Чуст тумани
Поп тумани
Тўрақўрғон тумани
Чортоқ тумани
Мингбулоқ тумани
Наманган тумани
Уйчи тумани
Янгиқўрғон тумани
8.
Самарқанд вилояти
Самарқанд шаҳри
Каттақўрғон шаҳри
Ургут тумани
Нарпай тумани
Жомбой тумани
Самарқанд тумани
Иштихон тумани
Пайариқ тумани
Пастдарғом тумани
Каттақўрғон тумани
Булунғур тумани
Нуробод тумани
Пахтачи тумани
Оқдарё тумани
Қўшробод тумани
Тайлоқ тумани
9.
Сирдарё вилояти
Гулистон шаҳри
Сирдарё тумани
Боёвут тумани
Сайхунобод тумани
Ховос тумани
Ширин шаҳри
Янгиер шаҳри
Сардоба тумани
Оқолтин тумани
Гулистон тумани
Мирзаобод тумани
10.
Сурхондарё вилояти
Термиз шаҳри
Денов тумани
Шўрчи тумани
Шеробод тумани
Жарқўрғон тумани
Сариосиё тумани
Музробод тумани
Қумқўрғон тумани
Узун тумани
Ангор тумани
Бойсун тумани
Қизириқ тумани
Олтинсой тумани
Термиз тумани
11.
Тошкент вилояти
Нурафшон шаҳри
Олмалиқ шаҳри
Ангрен шаҳри
Бекобод шаҳри
Чирчиқ шаҳри
Бўстонлиқ тумани
Қибрай тумани
Зангиота тумани
Ўртачирчиқ тумани
Янгийўл тумани
Оҳангарон шаҳри
Янгийўл шаҳри
Оҳангарон тумани
Оққўрғон тумани
Бекобод тумани
Бўка тумани
Қуйичирчиқ тумани
Паркент тумани
Пскент тумани
Чиноз тумани
Юқоричирчиқ тумани
Тошкент тумани
12.
Фарғона вилояти
Фарғона шаҳри
Қўқон шаҳри
Марғилон шаҳри
Қува тумани
Боғдод тумани
Бешариқ тумани
Ўзбекистон тумани
Тошлоқ тумани
Учкўприк тумани
Қувасой шаҳри
Бувайда тумани
Данғара тумани
Олтиариқ тумани
Қўштепа тумани
Риштон тумани
Фарғона тумани
Ёзёвон тумани
Сўх тумани
Фурқат тумани
13.
Хоразм вилояти
Урганч шаҳри
Хозарасп тумани
Хива тумани
Ҳонқа тумани
Боғот тумани
Шовот тумани
Хива шаҳри
Урганч тумани
Қўшкўпир тумани
Гурлан тумани
Янгиариқ тумани
Янгибозор тумани
14.
Тошкент шаҳри
Олмазор тумани
Бектемир тумани
Миробод тумани
М.Улуғбек тумани
Сергели тумани
Учтепа тумани
Чилонзор тумани
Шайхонтоҳур тумани
Юнусобод тумани
Яккасарой тумани
Яшнобод тумани
Жами
106
94
1-тоифа — 4 нафар штат бирлиги сони белгиланади (бошлиқ — 1, спортни ривожлантириш ва саралаш (селекция) бўйича бош инспектор — 1, оммавий спортни ривожлантириш ва жисмоний тарбия-спорт тадбирларини ташкиллаштириш бўйича бош инспектор — 1, бош бухгалтер — 1);
2-тоифа — 3 нафар штат бирлиги сони белгиланади (бошлиқ — 1, спортни ривожлантириш ва саралаш (селекция) бўйича бош инспектор — 1, бош бухгалтер — 1);
жами 706 штат бирлиги (бошлиқ — 200 нафар, спортни ривожлантириш ва саралаш (селекция) бўйича бош инспектор — 200 нафар, оммавий спортни ривожлантириш ва жисмоний тарбия-спорт тадбирларини ташкиллаштириш бўйича бош инспектор — 106 нафар, бош бухгалтер — 200 нафар).
LexUZ шарҳи