2914-сон 22.08.2017. Муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги низомни тасдиқлаш ҳақида

Ҳужжат кучини йўқотган 31.01.2020

Ҳужжат 28.08.2017 санаси ҳолатига
Амалдаги версияга ўтиш

Ўзбекистон Республикаси Мудофаа вазирлиги
Ўзбекистон Республикаси Ички ишлар вазирлиги
Ўзбекистон Республикаси Миллий Хавфсизлик хизматининг

Қарори

Муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги низомни тасдиқлаш ҳақида

[Ўзбекистон Республикаси Адлия вазирлиги томонидан 2017 йил 22 августда рўйхатдан ўтказилди, рўйхат рақами 2914]

LexUZ шарҳи

Мазкур қарор Ўзбекистон Республикаси Мудофаа вазирлиги, Ички ишлар вазирлиги ва Давлат хавфсизлик хизматининг 2019 йил 30 декабрдаги 45, 104 ва 38-сон «Муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги низомни тасдиқлаш ҳақида»ги қарорни ўз кучини йўқотган деб топиш тўғрисида»ги қарорига (рўйхат рақами 2914-1, 31.01.2020 й.) асосан ўз кучини йўқотган.

Ўзбекистон Республикаси Президентининг 2012 йил 31 майдаги ПҚ-1765-сон «Ўзбекистон Республикаси Қуролли Кучлари сафида муддатли ҳарбий хизматни ўтаб бўлган фуқароларга имтиёзлар тизимини такомиллаштиришга оид қўшимча чора-тадбирлар тўғрисида»ги ва 2017 йил 4 апрелдаги ПҚ-2867-сон «Ўзбекистон Республикаси Президентининг 2012 йил 31 майдаги ПҚ-1765-сон «Ўзбекистон Республикаси Қуролли Кучлари сафида муддатли ҳарбий хизматни ўтаб бўлган фуқароларга имтиёзлар тизимини такомиллаштиришга оид қўшимча чора-тадбирлар тўғрисида»ги қарорига ўзгартиришлар киритиш ҳақида»»ги қарорларига мувофиқ Ўзбекистон Республикаси Мудофаа вазирлиги, Ички ишлар вазирлиги ва Миллий хавфсизлик хизмати қарор қилади:

1. Муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги низом 1-иловага мувофиқ тасдиқлансин.

2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.

3. Мазкур қарор расмий эълон қилинган кундан эътиборан кучга киради.

Мудофаа вазири К. БЕРДИЕВ

Тошкент ш.,

2017 йил 14 июль,

22-сон

Ички ишлар вазири А. АЗИЗОВ

Тошкент ш.,

2017 йил 14 июль,

30-сон

Миллий хавфсизлик хизмати раиси Р. ИНОЯТОВ

Тошкент ш.,

2017 йил 14 июль,

82-сон

Ўзбекистон Республикаси Мудофаа вазирлиги, Ички ишлар вазирлиги ва Миллий хавфсизлик хизматининг 2017 йил 14 июлдаги 22, 30, 82-сонли қарорига
1-ИЛОВА

Муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги

НИЗОМ

Мазкур Низом Ўзбекистон Республикаси Президентининг 2012 йил 31 майдаги ПҚ-1765-сон «Ўзбекистон Республикаси Қуролли Кучлари сафида муддатли ҳарбий хизматни ўтаб бўлган фуқароларга имтиёзлар тизимини такомиллаштиришга оид қўшимча чора-тадбирлар тўғрисида»ги қарорига мувофиқ муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар (бундан буён матнда тавсиянома деб юритилади) бериш тартибини белгилайди.

1-боб. Умумий қоидалар

1. Тавсияномалар Ўзбекистон Республикаси Қуролли Кучлари сафида муддатли ҳарбий хизматни ўтаб бўлган, жанговар ва маънавий-маърифий тайёргарлик бўйича юксак натижаларга эришган, зарурий билим савиясига эга, намунали ҳарбий интизомини намоён этган энг муносиб ҳарбий хизматчиларга ҳарбий қисм командири томонидан берилади.

2. Ўзбекистон Республикаси Қуролли Кучлари сафида муддатли ҳарбий хизматни ўтаб бўлган, ҳарбий қисмлар қўмондонлигининг тегишли тавсияномаларига эга бўлган фуқаролар барча йўналишлар ва мутахассисликлар бўйича бакалаврлар тайёрлашда республиканинг барча олий таълим муассасаларига киришда тест синовлари натижаларига кўра тўплаган балларининг 50 фоизи миқдорида қўшимча балл шаклидаги имтиёзга эга бўладилар.

2-боб. Жанговар ва маънавий-маърифий тайёргарлик натижалари учун балларни ҳисоблаш

3. Гуруҳ (бўлинма) командирлари томонидан ҳафталик даврийлик асосида муддатли ҳарбий хизматчиларнинг жанговар ва маънавий-маърифий тайёргарлик натижалари бўйича рейтинг кўрсаткичлари юритилади.

4. Муддатли ҳарбий хизматчиларнинг ҳафта давомидаги рейтинг кўрсаткичларини ҳисоблаш қуйидаги учта баҳолаш мезони бўйича амалга оширилади:

I — ўқув фанларидан қўйилган баҳоларнинг ўртача кўрсаткичи;

II — кундалик хизмат фаолияти учун берилган балл;

III — қоровулда, суткалик нарядларда хизматни ўташи, топширилган махсус мажбуриятларнинг бажарилиши учун берилган балл.

Ўқув фанларидан қўйилган баҳоларнинг ўртача кўрсаткичи, шунингдек кундалик хизмат фаолияти учун ҳамда қоровулда, суткалик нарядларда хизматни ўташи, топширилган махсус мажбуриятларнинг бажарилиши учун берилган баллар ҳафталик асосда бутун ўқув йили давомида ҳисоблаб борилади ҳамда мазкур Низомнинг 1, 2 ва 3-иловаларининг тегишли графаларига киритилади.

5. Жанговар ва маънавий-маърифий тайёргарлик журналларида муддатли ҳарбий хизматчига ўқув фанларидан қўйилган баҳолар уларнинг ўртача кўрсаткичини ҳисоблаб чиқариш учун асос бўлади. Бунда, барча ўқув фанларидан қўйилган баҳолар йиғиндиси ўтилган ўқув фанларининг сонига бўлинади. Масалан, агар муддатли ҳарбий хизматчи ҳафта давомида отиш тайёргарлиги машғулотларида 4 баҳо, тактик тайёргарлик машғулотларида 5 баҳо, маънавий-маърифий тайёргарлик машғулотларида 4 баҳо олган бўлса, ўртача кўрсаткич қуйидагича ҳисобланади: 4 + 5 + 4 = 13 : 3 = 4,3.

6. Ўқув йили якунида тест синовлари ўтказилишидан олдин ҳарбий қисм шахсий таркиби рўйхатига киритилган муддатли ҳарбий хизматчиларнинг 40 фоизига қўшимча балл берилади. Бунда, учта баҳолаш мезони бўйича якуний ўртача кўрсатгичи энг юқори бўлган ҳамда ўқув фанларидан қўйилган якуний ўртача кўрсаткичи 4,0 дан 5 гача бўлган муддатли ҳарбий хизматчиларга қуйидаги тартибда қўшимча балл берилади:

4,0 дан 4,3 гача — 10 балл;

4,4 дан 4,7 гача — 15 балл;

4,8 дан 5,0 гача — 20 балл.

Агар бир нечта муддатли ҳарбий хизматчиларнинг якуний ўртача кўрсаткичлари тенг бўлиб қолиши натижасида 40 фоизли чекловга амал қилишнинг имкони бўлмаса, ушбу ҳарбий хизматчиларнинг барчасига баллар берилади. Умумий баҳоси 4,0 дан кам бўлган ҳарбий хизматчига баллар ҳисобланмайди.

Ўқув фанларидан қўйилган баҳоларнинг якуний ўртача кўрсаткичи учун берилган қўшимча балл мазкур Низомнинг 4-иловасига мувофиқ шаклдаги Рейтинг натижаларининг йиғма ведомостига киритилади.

7. Кундалик хизмат фаолияти учун муддатли ҳарбий хизматчиларга мазкур Низомнинг 5-иловасида кўрсатилган мезонлар асосида ҳар ҳафта якунида бир марта беш баллик тизим бўйича баҳо қўйилади ҳамда мазкур Низомнинг 1, 2 ва 3-иловаларининг тегишли графаларига киритилади.

8. Қоровулда, суткалик нарядларда хизматни ўташи, топширилган махсус мажбуриятларнинг бажарилиши учун муддатли ҳарбий хизматчиларга мазкур Низомнинг 6-иловасида кўрсатилган мезонлар асосида ҳар ҳафта якунида бир марта беш баллик тизим бўйича баҳо қўйилади ҳамда мазкур Низомнинг 1, 2 ва 3-иловаларининг тегишли графаларига киритилади.

9. Рейтинг кўрсаткичларининг натижалари взвод командирининг шахсий таркиб билан ишлаш ва жанговар тайёргарлик бўйича ўринбосарлари билан келишилади ҳамда кўриб чиқиш учун взвод командирига тақдим қилинади. Муддатли ҳарбий хизматчилар олган рейтинг кўрсаткичларининг якуний натижалари ҳафта якунида взвод командири томонидан эълон қилинади ва баённома билан расмийлаштирилади. Олинган рейтинг кўрсаткичлари мазкур Низомнинг 1-иловасига мувофиқ шаклдаги Рейтинг натижаларининг ведомости билан расмийлаштирилиб, бўлинмаларда кўринадиган жойга илиб қўйилади ҳамда муддатли ҳарбий хизматчилар хизмат муддатини ўтаб бўлгандан кейин беш йил давомида сақланади.

10. Ой якунлари бўйича муддатли ҳарбий хизматчилар рейтинг кўрсаткичларининг натижалари умумлаштирилиб, мазкур Низомнинг 2-иловасига мувофиқ пасайиб бориш тартибида тузиладиган Рейтинг натижаларининг ойлик ведомости расмийлаштирилади ҳамда батальон командирининг шахсий таркиб билан ишлаш ва жанговар тайёргарлик бўйича ўринбосарлари билан келишилган ҳолда ҳар ойнинг тўртинчи пайшанба куни батальон (батальонга тенглаштирилган бўлинма) командирига тақдим этилади. Рейтинг натижаларининг ойлик ведомости муддатли ҳарбий хизматчилар хизмат муддатини ўтаб бўлгандан кейин беш йил давомида сақланади.

11. Батальон командири взвод (бўлинма) командирлари томонидан тақдим қилинган муддатли ҳарбий хизматчиларнинг рейтинги ҳақидаги маълумотларни умумлаштиришни ташкиллаштириб, мазкур Низомнинг 3-иловасига мувофиқ Ҳафталик рейтинг ведомостини расмийлаштиради ва ҳарбий қисм командирининг шахсий таркиб билан ишлаш ва жанговар тайёргарлик бўйича ўринбосарлари билан келишган ҳолда ҳар ойнинг тўртинчи жума куни ҳарбий қисм командирига тақдим этади. Ҳафталик рейтинг ведомости муддатли ҳарбий хизматчилар хизмат муддатини ўтаб бўлгандан кейин беш йил давомида сақланади.

12. Ҳарбий қисм командири (муассаса бошлиғи) бутун ўқув йили давомида муддатли ҳарбий хизматчиларнинг рейтинг натижаларининг ҳафталик мониторингини олиб боришни ташкил этади.

13. Жанговар ва маънавий-маърифий тайёргарлик журналлари муддатли ҳарбий хизматчиларнинг баҳолари ҳисоблаб бориладиган асосий ҳужжат ҳисобланади. Мазкур журналларга ўзгартириш киритиш ва уларни яроқсиз ҳолатга келтириш тақиқланади.

3-боб. Намунали ҳарбий интизом учун балларни ҳисоблаш

14. Ҳар бир ҳарбий қисмдаги ҳарбий интизом ҳолати холисона тарзда қайд этиб борилиши зарур. Намунали ҳарбий интизом учун ҳарбий хизматчиларга балларни чиқаришда холисона қарор қабул қилиш масъулияти гуруҳ, взвод, батальон ва бригада командирларининг зиммасига юкланади.

15. Агар муддатли ҳарбий хизматчи Ўзбекистон Республикаси Қуролли Кучларининг Интизом низомида кўзда тутилган тартибда намунали ҳарбий интизом учун рағбатлантирилса (бундан олдин берилган интизомий таъзир бекор қилиниши мустасно), ҳарбий қисм командири (муассаса бошлиғи) томонидан унга 10 балл қўйилади.

Муддатли ҳарбий хизмат давомида неча марта рағбатлантирилганидан қатъи назар, муддатли ҳарбий хизматчиларга намунали ҳарбий интизом учун 10 баллдан кўп балл қўйилмайди.

Намунали ҳарбий интизом учун берилаётган балл мазкур Низомнинг 4-иловасининг тегишли графасига киритилади.

16. Муддатли ҳарбий хизматчиларнинг барча рағбатлантирилишлари ҳарбий қисм командирларининг буйруқлари билан эълон қилинади. Ҳар бир номзод жанговар ва маънавий-маърифий тайёргарлик натижалари учун рейтинг кўрсаткичларини инобатга олган ҳолда ҳарбий хизматчининг бевосита командири (бошлиғи) берган илтимосномага асосан кўриб чиқилади.

17. Тест синовлари ўтказилишидан беш кун олдин мазкур Низомнинг 4-иловасига мувофиқ Рейтинг натижаларининг йиғма ведомости тузилади. Рейтинг натижаларининг йиғма ведомости бевосита командирлар, командир ўринбосарлари томонидан имзоланади, ҳарбий қисм командири томонидан тасдиқланади. Рейтинг натижаларининг йиғма ведомостининг нусхаси штаб бошлиғининг имзоси ва ҳарбий қисмнинг гербли муҳри билан тасдиқланади ҳамда тест синовлари бошланишидан уч кун олдин бўлинмаларда кўринадиган жойга илиб қўйилади. Рейтинг натижаларининг йиғма ведомости муддатли ҳарбий хизматчилар хизмат муддатини ўтаб бўлгандан кейин беш йил давомида сақланади.

Рейтинг натижаларининг йиғма ведомости тасдиқлангандан сўнг олинган рағбатлантиришлар учун баллар ҳисобланмайди.

4-боб. Тест синовларини ўтказиш

18. Муддатли ҳарбий хизматчилар томонидан жанговар ва маънавий-маърифий тайёргарлик дастурларининг ўзлаштирганлигини якуний баҳолаш, шунингдек уларнинг билим даражасини текшириш мақсадида Ўзбекистон Республикаси Вазирлар Маҳкамаси ҳузуридаги Давлат тест маркази (бундан буён матнда ДТМ, деб юритилади) томонидан ҳар бир ҳарбий қисмда тест синовлари ўтказилади. Тест синовларига ҳеч бир истисносиз барча муддатли ҳарбий хизматчилар киритилади.

Тест синовларини ўтказиш муддати тегишли вазирликлар, давлат қўмиталари ва идоралари томонидан ДТМ билан келишилган ҳолда белгиланади.

19. Тест синовларини ўтказишдан бир ой аввал тегишли вазирликлар, давлат қўмиталари ва идоралари ДТМ билан ҳамкорликда Ўзбекистон Республикаси Қуролли Кучларининг қўшин турларидаги жанговар-хизмат вазифаларнинг хусусиятларини инобатга олган ҳолда муддатли ҳарбий хизматчиларнинг тайёргарлик дастурларига мос намунали тест саволлари тузилади. Математика ва физика фанлари бўйича ҳамда мантиқий тест саволлари ДТМ томонидан тегишли вазирликлар, давлат қўмиталари ва идоралари иштирокида умумтаълим ва ўрта махсус таълим муассасаларидаги ўқув дастурларини инобатга олган ҳолда тузилади. Тест саволлари муддатли ҳарбий хизматчиларнинг жанговар ва маънавий-маърифий тайёргарлик дастурларидаги ўзгаришларни инобатга олган ҳолда ҳар йили тегишли вазирликлар, давлат қўмиталари ва идоралари томонидан ДТМ билан ҳамкорликда қайтадан кўриб чиқилиши керак.

20. Муддатли ҳарбий хизматчилар учун мўлжалланган тест саволларининг умумий сони 100 та бўлиб, уларнинг 40 таси — жанговар тайёргарликдан, 20 таси — маънавий-маърифий тайёргарликдан, 10 таси — математикадан, 10 таси — физикадан, 20 таси — мантиқий саволлардан иборатдир. Ҳар бир тўғри жавоб учун: жанговар тайёргарлик бўйича — 1,2 балл, маънавий-маърифий тайёргарлик бўйича — 1,1 балл, математика бўйича — 1 балл, физика бўйича — 1 балл, мантиқий саволлар бўйича — 1 балл. Тест синови учун 2 соат 30 дақиқа ажратилади. Жавоб варақаларини тўлдириш учун қўшимча равишда 30 дақиқа ажратилади. Тест синовларини ўтказишнинг умумий вақти 3 соатни ташкил этади.

21. ДТМ дан тест синовларининг натижалари ҳақида расмий маълумотлар олингандан сўнг ҳар бир ҳарбий қисмда мазкур Низомнинг 7-иловасига мувофиқ тест синовларининг натижалари ва муддатли ҳарбий хизматчиларнинг ҳарбий хизмат мобайнида тўплаган баллари кўрсатилган Якуний ведомость тузилади. Якуний ведомость тўпланган баллар пасайиб борувчи тартибда тузилади ҳамда муддатли ҳарбий хизматчилар хизмат муддатини ўтаб бўлгандан кейин беш йил давомида сақланади. Якуний ведомость нусхаси штаб бошлиғининг имзоси ва ҳарбий қисмнинг гербли муҳри билан тасдиқланади ҳамда ДТМ дан олинган тест натижаларига оид расмий ҳужжатларнинг нусхалари билан биргаликда кўринадиган жойга илиб қўйилади.

Ҳарбий қисмларнинг (муассасаларнинг) саф бўлимида мазкур Низомнинг 1, 2, 3, 4 ва 7-иловаларига мувофиқ тузилган ведомостлар рўйхатга олинади ва уларнинг қатъий ҳисоби юритилади.

5-боб. Тавсияномаларни бериш

22. Тавсиянома бериш тўғрисидаги якуний қарорни қабул қилиш учун ҳарбий қисм командири бошчилигида ҳар бир номзод муддатли ҳарбий хизматчиларнинг умумий йиғилишида кўриб чиқилиб, унинг хизмат фаолияти баҳоланади, тест синовларининг натижалари, намунали ҳарбий интизоми, ўқув фанларидан қўйилган якуний ўртача кўрсаткичи ва қўшимча балл миқдори, шунингдек тўпланган балларнинг умумий йиғиндиси эълон қилинади. Ҳарбий хизматчиларнинг умумий йиғилиши натижалари баённома билан расмийлаштирилади ва ҳарбий қисм командири томонидан тасдиқланади.

Муддатли ҳарбий хизматчига тавсиянома бериш тўғрисида холисона қарор қабул қилиш масъулияти шахсан ҳарбий қисм командирининг зиммасига юкланади.

Бериладиган тавсияномаларнинг умумий сони ҳарбий қисм шахсий таркиби рўйхатига киритилган муддатли ҳарбий хизматчилар сонининг 40 фоизидан ошмаслиги керак.

Бир нечта муддатли ҳарбий хизматчилар тенг миқдорда балл тўплагани натижасида 40 фоизли чекловга амал қилишнинг имкони бўлмаган тақдирда ушбу ҳарбий хизматчилар сонига мос равишда бериладиган тавсияномалар сонини оширишга рухсат этилади.

23. Хизмат мобайнида Давлат мукофотлари билан тақдирланган муддатли ҳарбий хизматчилар тест синовларининг натижаларидан қатъи назар, тавсиянома олиш ҳуқуқига эга бўлади.

24. Муддатли ҳарбий хизматни ўташ мобайнида қўпол интизомий хатти-ҳаракатлар содир этган муддатли ҳарбий хизматчи, агар улар бўйича хизмат суриштирувлари ўтказилган ва ҳарбий қисм командирларининг тегишли буйруқлари мавжуд бўлса, тўплаган баллари миқдоридан қатъи назар, тавсиянома олиш ҳуқуқига эга эмас.

25. Муддатли ҳарбий хизматчига тавсиянома берилган тақдирда ҳарбий қисм командирининг ушбу ҳарбий хизматчини ҳарбий қисм шахсий таркиби рўйхатидан чиқариш тўғрисидаги буйруғига қуйидаги мазмундаги банд киритилади:

«Ўзбекистон Республикаси Қуролли Кучлари сафида муддатли ҳарбий хизматни ўтаб бўлган фуқароларга бериладиган имтиёзлар тизимини такомиллаштиришга оид қўшимча чора-тадбирлар тўғрисида»ги Ўзбекистон Республикаси Президентининг 2012 йил 31 майдаги ПҚ-1765- сон Қарорига мувофиқ, ўз ҳарбий бурчини виждонан адо этган ______________________________ га Ўзбекистон Республикаси олий таълим муассасаларига ўқишга кириш учун тавсиянома берилди».

Ҳарбий гувоҳноманинг «Алоҳида қайдлар» бўлимига қуйидаги мазмунга эга ёзув киритилади: «Ўзбекистон Республикаси олий таълим муассасаларига ўқишга кириши учун 20 __ йил «___» ______ куни ___ серияли ____________ рақамли тавсиянома берилди». Ушбу ёзув ҳарбий қисм штаб бошлиғининг имзоси ва ҳарбий қисмнинг гербли муҳри билан тасдиқланади.

Тавсиянома ҳарбий хизматдан резервга бўшатилаётган муддатли ҳарбий хизматчига бошқа ҳужжатлар билан бирга тантанали тарзда топширилади.

26. Тавсиянома бланкалари қатъий ҳисобот бериладиган ҳужжатлар ҳисобланиб, ҳисобга олиш серияси ва рақами ҳамда ҳимояланганлик даражасига эга. Тавсиянома бланкалари мазкур Низомнинг 8-иловасига мувофиқ шаклда «Давлат белгиси» Давлат ишлаб чиқариш бирлашмасининг Тошкент босма фабрикасида тайёрланади.

Тавсиянома бланкаларининг ҳисобини юритиш ва бутлигини таъминлаш ҳамда улардан мақсадли фойдаланиш масъулияти ҳарбий қисм командирларининг шахсий таркиб билан ишлаш бўйича ўринбосарлари зиммасига юкланади.

Ҳар йили март-апрель ойларида муддатли ҳарбий хизматчиларга берилган тавсияномалар сони, уларнинг серия ва рақамлари кўрсатилган ҳисоботлар, шунингдек тавсияномаларни олган ҳарбий хизматчилар рўйхати ва ҳарбий хизматчиларнинг умумий йиғилиши баённомаларининг нусхалари вазирлик, давлат қўмиталари ва идораларнинг тегишли бўлинмаларига тақдим этилади. Берилган тавсияномаларнинг корешоклари ҳарбий қисм архивида беш йил давомида сақланади.

27. Йўқолган ёки яроқсиз ҳолга келган тавсиянома ўрнига тавсиянома эгасининг аризаси бўйича ҳарбий қисм командирининг буйруғига биноан тавсиянома дубликати берилади. Тавсиянома эгаси тавсияномани йўқотганлиги ҳақида даврий нашрда эълон қилиши ҳамда ҳарбий қисмга нашр нусхасини тақдим қилиши керак. Яроқсиз ҳолга келган тавсиянома ҳарбий қисмга қайтарилиши ва ўрнатилган тартибда йўқ қилиниши зарур.

Тавсиянома дубликати юқори ўнг бурчагида «Дубликат» деган шартли ёзуви бўлган янги бланкада, асл нусхасида (корешокда) кўрсатилган маълумотлар киритилган ҳолда расмийлаштирилади. Дубликатнинг орқа томонига «20__ йил «___» __________» да берилган ________-сонли тавсиянома ўрнига берилган» деган қайд ёзилади ва ҳарбий қисмнинг гербли муҳри билан тасдиқланади.

6-боб. Якуний қоида

28. Мазкур Низом Ўзбекистон Республикаси Вазирлар Маҳкамаси ҳузуридаги Давлат тест маркази билан келишилган.

Вазирлар Маҳкамаси ҳузуридаги Давлат тест маркази директори М. КАРИМОВ

2017 йил 14 июль

Рейтинг натижаларининг
ВЕДОМОСТИ

20__/___ ўқув йили________ ойи учун

қисм: «_______________» _____гуруҳи

Т/р

Ҳарбий унвони Ф.И.О.

1-ҳафта

2-ҳафта

3-ҳафта

4-ҳафта

Ўртача кўрсаткич

***

III

____________________________

командири

_____________________

(Ф.И.О.)

1. * Учта баҳолаш мезони:

I — ўқув фанларидан қўйилган баҳоларнинг ўртача кўрсаткичи;

II — кундалик хизмат фаолияти учун берилган балл;

2. ** Ҳар бир баҳолаш мезони бўйича олинган кўрсаткичлар киритилади.

3. *** Учта баҳолаш мезони бўйича олинган кўрсаткичларнинг умумий ўртача қиймати киритилади, шунингдек қавсда ўқув фанларидан қўйилган баҳоларнинг ўртача кўрсаткичи алоҳида кўрсатилади.

4. «Ўртача кўрсаткич» графасига тўрт ҳафта давомида ҳар бир баҳолаш мезони бўйича тўпланган кўрсаткичлар йиғиндисининг умумий ўртача қиймати, шунингдек қавсда ўқув фанлари бўйича олинган баҳоларнинг умумий ўртача қиймати киритилади.

Рейтинг натижаларининг ойлик ВЕДОМОСТИ

	20__/___ ўқув йили______ ойи учун			қисм: «____________»		_____гуруҳи

Т/р	Ҳарбий унвони Ф.И.О.	1-ҳафта	2-ҳафта	3-ҳафта	4-ҳафта	20___ йил _______ ойи учун ўртача кўрсаткич
1	2	3	4	5	6	7
1.
2.
3.

	____________________________	командири		___________________
				(Ф.И.О)

3, 4, 5, 6-графаларга мазкур Низомнинг 1-иловасининг тегишли графаларидаги кўрсаткичлар киритилади, яъни тегишли ҳафтада учта баҳолаш мезони бўйича тўпланган кўрсаткичларнинг умумий ўртача қиймати, шунингдек қавсда ўқув фанлари бўйича олинган баҳоларнинг умумий ўртача қиймати киритилади. 7-графага 3, 4, 5, 6-графалардаги кўрсаткичларнинг умумий ўртача қиймати киритилади.

Муддатли ҳарбий хизмат ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги низомга
3-ИЛОВА

Т.р.

Ф.И.О.

201__ йил _______ойи

201__ йил ______ойи

201__ йил _____ойи

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

1-ҳафта

2-ҳафта

3-ҳафта

4-ҳафта

Ўртача кўрсаткич

Якуний

ўртача кўрсаткич

Кўрсаткичлар тўғрилигини тасдиқлайман

_______

(имзо)

-взвод командири

___________________

(ҳарбий унвон, Ф.И.О.)

_______

(имзо)

-взвод командири

___________________

(ҳарбий унвон, Ф.И.О.)

_______

(имзо)

-взвод командири

____________________

(ҳарбий унвон, Ф.И.О.)

_______

(имзо)

-взвод командири

___________________

(ҳарбий унвон, Ф.И.О.)

_______

(имзо)

-взвод командири

___________________

(ҳарбий унвон, Ф.И.О.)в

_______

(имзо)

-взвод командири

___________________

(ҳарбий унвон, Ф.И.О.)

_______

(имзо)

-взвод командири

___________________

(ҳарбий унвон, Ф.И.О.)

_______

(имзо)

-взвод командири

___________________

(ҳарбий унвон, Ф.И.О.)

_______

(имзо)

-взвод командири

__________________

(ҳарбий унвон, Ф.И.О.)

_______

(имзо)

-взвод командири

_________________

(ҳарбий унвон, Ф.И.О.)

1. «201__ йил ________ойи» графасига мазкур Йўриқноманинг 2-иловасининг 3, 4, 5, 6 ва 7-графаларидаги кўрсаткичлар киритилади.

2. «Якуний ўртача кўрсаткич» графасига жадвалдаги «Ўртача кўрсаткич» графасида келтирилган кўрсаткичларнинг умумий ўртача қиймати киритилади.

«ТАСДИҚЛАЙМАН»

00000- ҲАРБИЙ ҚИСМ
КОМАНДИРИ

Рейтинг натижаларининг

ЙИҒМА ВЕДОМОСТИ

20__-__ ўқув йили

20 ___ йил «___» __________

______________

^{(бўлинма номи)}

Т/р

Ҳарбий унвони

Ф.И.О.

Ўқув фанларидан қўйилган якуний ўртача кўрсаткичи ва қўшимча балл миқдори

Намунали ҳарбий интизом учун балл

Умумий балл миқдори

ўқув фанларидан қўйилган якуний ўртача кўрсаткичи

қўшимча балл миқдори

ким томонидан рағбатлантирилган

(буйруқ сони)

балл миқдори

Ҳарбий қисм командирининг биринчи ўринбосари — штаб бошлиғи

Ҳарбий қисм командирининг шахсий таркиб

билан ишлаш бўйича ўринбосари

Ҳарбий қисм командирининг жанговар

тайёргарлик бўйича ўринбосари

Ҳарбий қисм командирининг фронт орти бўйича ўринбосари

Ҳарбий қисм командирининг қуролланиш бўйича ўринбосари

Батальон (взвод) командири

Муддатли ҳарбий хизматчиларнинг кундалик хизмат фаолиятини баҳолаш

мезонлари

1. Қуйидаги ҳолатларда муддатли ҳарбий хизматчига 5 балл қўйилади:

зиммасига юклатилган мажбуриятларни аъло даражада билса, берилган топшириқларни аниқ ва ўз вақтида ва аъло бажарса;

унга ишониб топширилган ҳарбий техника, қурол-аслаҳа ва ҳарбий мулкни яроқли ва намунали ҳолатда сақласа;

ҳарбий интизом талабларига қатъий ва аниқ риоя этса, хулқи ва хушмуомалалик, ҳарбийча саломлашиш қоидаларига амал қилса;

ҳамиша Низом бўйича саранжом-саришта кийиниб, шахсий ва жамоат гигиенаси қоидаларига риоя қилса;

касалликка чалиниш ва жароҳат олишдан ҳимояланиш талабларини билса, ўзини зарарли одатлардан тўлиқ тийса;

кундалик фаолиятда амалга ошириладиган тадбирларда (байрам тадбирлари, давра суҳбатлари, хизмат йиғилишлари, ҳашар, парк хўжалик ишларида ва ҳоказо) фаол ва мунтазам иштирок этса.

2. Қуйидаги ҳолатларда муддатли ҳарбий хизматчига 4 балл қўйилади:

зиммасига юклатилган мажбуриятларни яхши даражада билса, берилган топшириқларни ўз вақтида бажарса;

унга ишониб топширилган ҳарбий техника, қурол-аслаҳа ва ҳарбий мулкни яроқли ҳолатда сақласа;

ҳамиша Низом бўйича саранжом-саришта кийиниб, шахсий ва жамоат гигиенаси қоидаларига риоя қилса;

касалликка чалиниш ва жароҳат олишдан ҳимояланиш талабларини билса, ўзини зарарли одатлардан тўлиқ тийса;

кундалик фаолиятда амалга ошириладиган тадбирларда (байрам тадбирлари, давра суҳбатлари, хизмат йиғилишлари, ҳашар, парк хўжалик ишларида ва ҳоказо) мунтазам иштирок этса.

3. Қуйидаги ҳолатларда муддатли ҳарбий хизматчига 3 балл қўйилади:

зиммасига юклатилган мажбуриятларни қониқарли даражада билса, берилган топшириқларни ўз вақтида бажарса;

унга ишониб топширилган ҳарбий техника, қурол-аслаҳа ва ҳарбий мулкни яроқли ҳолатда сақласа;

Низом бўйича саранжом-саришта кийиниб, шахсий ва жамоат гигиенаси қоидаларига риоя қилса;

касалликка чалиниш ва жароҳат олишдан ҳимояланиш талабларини билса, ўзини зарарли одатлардан тўлиқ тия олмаса;

кундалик фаолиятда амалга ошириладиган тадбирларда (байрам тадбирлари, давра суҳбатлари, хизмат йиғилишлари, ҳашар, парк хўжалик ишларида ва ҳоказо) мунтазам иштирок этмаса.

4. Қуйидаги ҳолатларда муддатли ҳарбий хизматчига 2 балл қўйилади:

зиммасига юклатилган мажбуриятларни қониқарсиз даражада билса, берилган топшириқларни ўз вақтида бажармаса;

унга ишониб топширилган ҳарбий техника, қурол-аслаҳа ва ҳарбий мулкни доимо яроқли ҳолатда сақласа;

оғзаки танбеҳдан сўнг ҳарбий интизом талабларига риоя этса, хулқи ва хушмуомалалик, ҳарбийча саломлашиш қоидаларига амал қилса;

оғзаки танбеҳдан сўнг Низом бўйича кийиниб, шахсий ва жамоат гигиенаси қоидаларига риоя қилса;

оғзаки танбеҳдан сўнг касалликка чалиниш ва жароҳат олишдан ҳимояланиш талабларига риоя этиб, ўзини зарарли одатлардан тўлиқ тия олмаса;

кундалик фаолиятда амалга ошириладиган тадбирларда (байрам тадбирлари, давра суҳбатлари, хизмат йиғилишлари, ҳашар, парк хўжалик ишларида ва ҳоказо) бефарқ иштирок этса.

5. Қуйидаги ҳолатларда муддатли ҳарбий хизматчига 1 балл қўйилади:

унинг зиммасига юклатилган мажбуриятларни қониқарсиз даражада билса, берилган топшириқларни танбеҳдан сўнг бажарса;

унга ишониб топширилган ҳарбий техника, қурол-аслаҳа ва ҳарбий мулкни яроқли ҳолатда сақласа;

оғзаки танбеҳдан сўнг ҳарбий интизом талабларига риоя этиб, хулқи ва хушмуомалалик, ҳарбийча саломлашиш қоидаларини бажарса;

оғзаки танбеҳдан сўнг Низом бўйича кийиниб, шахсий ва жамоат гигиенаси қоидаларига риоя қилса;

оғзаки танбеҳдан сўнг касалликка чалиниш ва жароҳат олишдан ҳимояланиш қоидаларига риоя этиб, ўзини зарарли одатлардан тўлиқ тия олмаса;

кундалик амалга ошириладиган тадбирларда (байрам тадбирлари, давра суҳбатлари, хизмат йиғилишлари, ҳашар, парк хўжалик ишларида ва ҳоказо) совуққон иштирок этса;

ҳафта давомида интизомий таъзир олганда.

Муддатли ҳарбий хизматчиларнинг қоровулда, суткалик нарядларда хизматни ўташи, топширилган махсус мажбуриятларнинг бажарилишини баҳолаш

мезонлари

1. Қуйидаги ҳолатларда муддатли ҳарбий хизматчига 5 балл қўйилади:

муддатли ҳарбий хизматчи хизматни ўташ бўйича махсус мажбуриятларни ва йўриқномани билиб, аниқ ва равон билдирув берса, мажбуриятларни бажариш мазмун-моҳиятини очиб бера олса. Табиий офат оқибатларини бартараф қилиш ва бошқа фавқулодда вазиятларга жалб қилинганда ишонч билан ҳаракат қилса, мардлик ва оқилона ташаббускорлик кўрсатса;

ҳарбий хизматчи хизматни бошқарув ҳужжатларининг талабларига мувофиқ тўғри олиб борса, хизматнинг қандай ўтилаётганини текшириш учун келган шахслар томонидан унинг яхши томонлари қайд қилинса.

2. Қуйидаги ҳолатларда муддатли ҳарбий хизматчига 4 балл қўйилади:

муддатли ҳарбий хизматчи хизматни ўташ бўйича махсус мажбуриятларни ва йўриқномани билиб, аниқ ва равон билдирув берса, мажбуриятларни бажариш мазмун-моҳиятини очиб бера олса. Табиий офат оқибатларини бартараф қилиш ва бошқа фавқулодда вазиятларга жалб қилинганда ишонч билан ҳаракат қилса, бироқ топшириқларни бажариш вақтида назорат талаб қилинса;

ҳарбий хизматчи хизматни бошқарув ҳужжатларининг талабларига мувофиқ тўғри олиб борса.

3. Қуйидаги ҳолатларда муддатли ҳарбий хизматчига 3 балл қўйилади:

муддатли ҳарбий хизматчи хизматни ўташ бўйича махсус мажбуриятларни ва йўриқномани билиб, аниқ ва равон билдирув берса, бироқ мажбуриятларни бажариш мазмун-моҳиятини очиб беришда қийналса. Табиий офат оқибатларини бартараф қилиш ва бошқа фавқулодда вазиятларга жалб қилинганда ишонч билан ҳаракат қила олмаса, топшириқларни бажариш вақтида фаол иштирок этмай, доимий равишда назорат талаб қилинса;

ҳарбий хизматчи хизматни бошқарув ҳужжатларининг талабларига мувофиқ тўғри олиб борса.

4. Қуйидаги ҳолатларда муддатли ҳарбий хизматчига 2 балл қўйилади:

муддатли ҳарбий хизматчи хизматни ўташ бўйича махсус мажбуриятларни ва йўриқномани билса, бироқ билдирув бериш вақтида материалларни баён қилиш ва мажбуриятларни бажариш мазмун-моҳиятини очиб беришда қийналса. Табиий офат оқибатларини бартараф қилиш ва бошқа фавқулодда вазиятларга жалб қилинганда ишонч билан ҳаракат қила олмаса, топшириқларни бажаришдан ўзини олиб қочса, доимий равишда назорат талаб қилинса;

ҳарбий хизматчи хизматни бошқарув ҳужжатларининг талабларига мувофиқ тўғри олиб борса.

5. Қуйидаги ҳолатларда муддатли ҳарбий хизматчига 1 балл қўйилади:

муддатли ҳарбий хизматчи хизматни ўташ бўйича махсус мажбуриятларни ва йўриқномани яхши билмаса. Табиий офат оқибатларини бартараф қилиш ва бошқа фавқулодда вазиятларга жалб қилинганда қўрқоқлигини намоён қилса, қўйилган топшириқларни бажармаса;

ҳарбий хизматчи хизматни ўташ вақтида хизматнинг қандай ўтилаётганини текшириш учун келган шахслар унинг салбий томонларини қайд қилса ёки интизомий нуқтаи назардан ножўя хатти-ҳаракатга йўл қўйса.

«ТАСДИҚЛАЙМАН»

00000- ҲАРБИЙ ҚИСМ
КОМАНДИРИ

20 ___ йил «___» ____________

________________________________________________ муддатли ҳарбий хизматни ўташ даврида муддатли ҳарбий хизматчилар

^{(бўлинма номи)}

билан ўтказилган тест синовларининг натижалари ва тўплаган балларининг

ЯКУНИЙ ВЕДОМОСТИ

Т/р

Ҳарбий унвони

Ф.И.О.

Жавоб варақаси рақами

Тест синовлари натижалари

Тест синовлари натижалари бўйича умумий баллар

Мазкур Низомнинг

4-иловасидаги умумий балл миқдори

Тўпланган балларнинг умумий сони

тўғри жавоблар умумий сони

Шу билан бирга

жанговар тайёргарлик бўйича

маънавий-маърифий тайёргарлик бўйича

математика фанидан

физика фанидан

мантиқий тестлар бўйича

тўғри
жавоблар сони

баллар
миқдори

тўғри
жавоблар сони

баллар
миқдори

тўғри
жавоблар сони

баллар
миқдори

тўғри
жавоблар сони

баллар
миқдори

тўғри
жавоблар сони

баллар
миқдори

Ҳарбий қисм командирининг биринчи ўринбосари — штаб бошлиғи

Ҳарбий қисм командирининг шахсий таркиб билан ишлаш бўйича ўринбосари

Ҳарбий қисм командирининг жанговар

тайёргарлик бўйича ўринбосари

Ҳарбий қисм командирининг фронт орти бўйича ўринбосари

Ҳарбий қисм командирининг қуролланиш бўйича ўринбосари

Батальон (взвод) командири

Ўзбекистон Республикаси Мудофаа вазирлиги, Ички ишлар вазирлиги ва Миллий хавфсизлик хизматининг 2017 йил 14 июлдаги 22, 30, 82-сонли қарорига
2-ИЛОВА

Ўз кучини йўқотган деб топилаётган идоравий норматив-ҳуқуқий ҳужжатлар

РЎЙХАТИ

1. Ўзбекистон Республикаси Мудофаа вазирлиги, Ички ишлар вазирлиги ва Миллий хавфсизлик хизматининг 2012 йил 23 октябрдаги 11, 33, 113-сон «Муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги низомни тасдиқлаш ҳақида»ги қарори (рўйхат рақами 2402, 2012 йил 21 ноябрь) (Ўзбекистон Республикаси қонун ҳужжатлари тўплами, 2012 й., 46-47-сон, 532-модда).

2. Ўзбекистон Республикаси Мудофаа вазирлиги, Ички ишлар вазирлиги ва Миллий хавфсизлик хизматининг 2013 йил 5 июлдаги 7, 19, 50-сон «Муддатли ҳарбий хизматни ўтаётган ҳарбий хизматчиларга Ўзбекистон Республикаси олий таълим муассасаларига ўқишга кириш учун тавсияномалар бериш тартиби тўғрисидаги низомга ўзгартириш киритиш ҳақида»ги қарори (рўйхат рақами 2402-1, 2013 йил 31 июль) (Ўзбекистон Республикаси қонун ҳужжатлари тўплами, 2013 й., 31-сон, 423-модда).

(Ўзбекистон Республикаси қонун ҳужжатлари тўплами, 2017 й., 34-сон, 901-модда; Қонун ҳужжатлари маълумотлари миллий базаси, 31.01.2020 й., 10/20/2914-1/0117-сон)