toggle_night_mode
Ҳужжат 31.07.2017 санаси ҳолатига
Амалдаги версияга ўтиш
Ўзбекистон Республикаси Президентининг
Қарори
Тошкент вилояти Чирчиқ давлат педагогика институтини ташкил этиш тўғрисида
Бугунги кунда Тошкент вилояти халқ таълими тизимида жами 1348 та таълим муассасалари, жумладан 406 та мактабгача таълим муассасалари, 871 та умумий ўрта таълим мактаблари, 2 та Меҳрибонлик уйлари, 31 та болалар мусиқа ва санъат мактаблари, 19 та «Баркамол авлод» марказлари, 19 та болалар ва ўсмирлар спорт мактаблари фаолият кўрсатмоқда. Қабул қилинган давлат дастурлари доирасида мазкур таълим муассасаларининг самарадорлигини ошириш, уларни моддий-техник базасини мустаҳкамлаш бўйича тизимли ишлар амалга оширилмоқда.
Шу билан бирга, вилоятда мактабгача таълим тизимини янада такомиллаштириш, болаларни мактабга тайёрлаш даражасини тубдан яхшилаш, таълим-тарбия жараёнига замонавий таълим дастурларини татбиқ этиш, ёшларни ҳар томонлама интеллектуал, ахлоқий, эстетик ва жисмоний қобилиятларини ривожлантириш борасида таълим муассасаларини малакали педагог кадрлар билан таъминлаш йўналишларида қатор долзарб масалалар мавжуд.
Тошкент вилояти мактабгача, мактаб ва мактабдан ташқари таълим муассасаларининг тарбиячилар, бошланғич синф ўқитувчилари, айниқса аниқ фанлар ва чет тиллари бўйича ўқитувчиларга бўлган эҳтиёжларини қондириш, туманлар ва қишлоқ жойларидаги таълим муассасаларини юқори малакали педагог кадрлар билан таъминлаш ҳамда халқаро стандартлар даражасига мос олий маълумотли педагогик кадрлар тайёрлаш тизимини жойларда ташкил этишни янада такомиллаштириш ва таълим сифатини яхшилаш мақсадида:
1. Ўзбекистон Республикаси Халқ таълими, Олий ва ўрта махсус таълим, Иқтисодиёт ва Молия вазирликларининг таклифларига мувофиқ Халқ таълими вазирлиги таркибида Тошкент вилояти Чирчиқ давлат педагогика институти ташкил этилсин.
Кейинги таҳрирга қаранг.
2. Тошкент вилояти Чирчиқ давлат педагогика институтининг асосий вазифалари этиб қуйидагилар белгилансин:
Кейинги таҳрирга қаранг.
мактабгача, мактаб ва мактабдан ташқари таълим муассасалари учун юқори малакали ўқитувчиларни талаб даражасида сифатли тайёрлашни таъминлаш;
педагогик таълим соҳасини ривожлантиришнинг илмий-методик вазифаларини ҳал этишга, илғор хорижий педагогик технологияларни жорий этишга йўналтирилган илмий тадқиқотларни олиб бориш ва иқтидорли талаба-ёшларни илмий фаолият билан шуғулланишга кенг жалб этиш;
юртимизнинг педагогика фани бўйича қадимдан ривожланиб келган ютуқлари, хорижий мамлакатлар таълим муассасаларининг тажрибаси ва Тошкент вилояти туманлари таълим муассасалари талаб-эҳтиёжларини ҳисобга олган ҳолда тегишли йўналишлар ҳамда мутахассисликлар бўйича ўқув-услубий адабиётларни яратиш;
ўқув ва илмий лойиҳаларни амалга ошириш, таълим ва илмий изланишлар жараёнига мутахассисларни жалб этиш мақсадида педагогика соҳасидаги етакчи республика ва хорижий олий таълим муассасалари ва илмий марказлари билан ҳамкорлик алоқаларини ривожлантириш;
хорижий олий таълим муассасалари ва илмий марказларига ёш истиқболли битирувчиларни магистратура ва докторантурага мунтазам юбориш орқали Институт илмий-педагогик салоҳиятини ошириб бориш.
Кейинги таҳрирга қаранг.
3. Қуйидагилар:
Тошкент вилояти Чирчиқ давлат педагогика институтининг тузилмаси 1-иловага мувофиқ;
Кейинги таҳрирга қаранг.
Тошкент вилояти Чирчиқ давлат педагогика институтини ташкил этиш, унинг моддий-техника базасини шакллантириш ва илмий-педагогик кадрлар билан таъминлаш чора-тадбирлари дастури 2-иловага мувофиқ тасдиқлансин.
Ўзбекистон Республикаси Халқ таълими вазирига, зарур ҳолларда, Тошкент вилояти Чирчиқ давлат педагогика институтининг тузилмасига ходимларнинг белгиланган нормативларга мувофиқ ўзгартиришлар киритиш ҳуқуқи берилсин.
Кейинги таҳрирга қаранг.
Тошкент вилояти Чирчиқ давлат педагогика институтининг факультет ва кафедралари босқичма-босқич талабалар ва профессор-ўқитувчилар таркибига мувофиқ ўрнатилган тартибда шакллантириб борилсин.
Кейинги таҳрирга қаранг.
4. Тошкент вилояти Чирчиқ давлат педагогика институтининг 2017/2018 ўқув йили учун қабул квоталари 3-иловага мувофиқ тасдиқлансин.
Ўзбекистон Республикаси Таълим муассасаларига ўқишга қабул қилиш бўйича Давлат комиссияси 2017/2018 ўқув йили учун Тошкент вилояти Чирчиқ давлат педагогика институтининг талабалари контингентини Тошкент вилоятида доимий яшаётган Тошкент давлат педагогика университети ва бошқа турдош олий таълим муассасаларига ҳужжат топшириб, мазкур таълим муассасаларига белгиланган тўлов-контракт квоталари доирасида ўқишга қабул қилинмаган мос ва турдош таълим йўналишлари абитуриентлари ҳисобидан, Тошкент вилояти туманлари таълим муассасалари эҳтиёжларини инобатга олган ҳолда шакллантирсин.
Тошкент вилояти Чирчиқ давлат педагогика институтига 2017/2018 ўқув йили учун талабалар ўқишга амалдаги базавий тўлов-контракт миқдори бўйича тасдиқланган квота доирасида қабул қилинсин.
Кейинги таҳрирга қаранг.
5. Ўзбекистон Республикаси Тошкент вилояти Чирчиқ давлат педагогика институтида вилоятдаги мактабгача, мактаб ва мактабдан ташқари ва олий таълим муассасалари ҳамда педагог кадрларни қайта тайёрлаш ва малакасини ошириш институтининг таълим мазмунини такомиллаштириш бўйича фаолиятини Мувофиқлаштирувчи Кенгаш ташкил қилинсин. Мувофиқлаштирувчи Кенгаш таркиби Ўзбекистон Республикаси Халқ таълими вазирлиги томонидан тасдиқлансин.
Кейинги таҳрирга қаранг.
Мувофиқлаштирувчи Кенгашнинг асосий вазифалари этиб, қуйидагилар белгилансин:
Тошкент вилоятидаги мактабгача, мактаб ва мактабдан ташқари таълим муассасалари учун педагог кадрлар тайёрлаш, шунингдек, педагогик кадрлар ва соҳа мутахассисларини қайта тайёрлаш ва малакасини ошириш муассасаларининг илмий-методик базаларини шакллантиришни мувофиқлаштириш ва ўқув-методик раҳбарликни амалга ошириш;
педагогика соҳасидаги талаб ва илғор хорижий тажриба, ўқув жараёнига замонавий педагогик ва ахборот-коммуникация технологияларини кенг жорий этишни ҳисобга олган ҳолда, вилоят таълим муассасаларида давлат таълим стандартлари, ўқув режа ва дастурларини тизимли равишда такомиллаштиришни амалга ошириш;
вилоятдаги педагогика соҳасида илмий-услубий ишлар, жумладан фундаментал, амалий ва инновацион илмий изланишлар олиб боришни мувофиқлаштириш;
вилоят таълим муассасалари илмий-педагогик салоҳиятини ошириш, жумладан олий малакали илмий ва илмий-педагогик кадрларни мақсадли тайёрлаш асосида, педагогика соҳасини ривожлантиришнинг стратегик вазифаларидан келиб чиққан ҳолда, вилоятдаги таълим муассасалари раҳбар ходимлари ва мутахассислари малакасини сифатли ошириш ва қайта тайёрлаш бўйича чора-тадбирларни амалга оширилишини таъминлаш.
6. Ўзбекистон Республикаси Фан ва технологиялар агентлиги Халқ таълими вазирлигининг таклифига асосланиб Тошкент вилояти Чирчиқ давлат педагогика институти учун таянч олий таълим муассасаларига докторантурага 2018 йил учун мақсадли квоталар ажратсин.
Кейинги таҳрирга қаранг.
7. Ўзбекистон Республикаси Халқ таълими вазирлиги 2017 йил 1 сентябргача:
Тошкент вилояти Чирчиқ давлат педагогика институти (кейинги ўринларда — Институт) уставини тасдиқлаб, ўрнатилган тартибда давлат рўйхатидан ўтказсин;
Институт томонидан тасдиқланган штатлар жадвали ва харажатлар сметасини рўйхатдан ўтказсин;
республикани таълим ва илмий муассасаларининг тажрибали ходимлари, жумладан, Тошкент давлат педагогика университети ва бошқа таълим муассасаларининг профессор-ўқитувчилари таркибидан ўрнатилган тартибда Институтни юқори малакали профессор-ўқитувчилар билан таъминласин;
Институт таълим йўналишлари ўқув режаларига мувофиқ фанларни ўқув адабиётлари ва илмий-методик қўлланмалар билан ҳамда ўқув хоналарини замонавий лаборатория жиҳозлари ва компьютер техникаси билан таъминлаш чораларини кўрсин.
Кейинги таҳрирга қаранг.
8. Ўзбекистон Республикаси Молия вазирлиги, Халқ таълими вазирлиги 2017/2018 ўқув йилидан бошлаб Институт учун зарур педагог кадрларни жалб қилиш учун соатбай асосида ҳақ тўлаш ва ўқув адабиётлари билан таъминланишини молиялаштиришнинг аниқ чораларини кўрсин.
Кейинги таҳрирга қаранг.
9. Ўзбекистон Республикаси Халқ таълими вазирлиги, Тошкент вилояти ҳокимлиги ва Ўзбекистон Республикаси Олий ва ўрта махсус таълим вазирлигининг Тошкент кимё технология институти қошидаги Чирчиқ академик лицейига тегишли Чирчиқ шаҳар, Истиқбол кўчаси, 2-А уй ва Чирчиқ ижтимоий-иқтисодиёт касб-ҳунар коллежига тегишли Чирчиқ шаҳар, Амир Темур кўчаси, 104-уйда жойлашган бинолари ва иншоотлари ҳудудлари билан Тошкент вилояти Чирчиқ давлат педагогика институтига оператив бошқариш ҳуқуқи билан бепул фойдаланишга бериш тўғрисидаги таклифи маъқуллансин.
Кейинги таҳрирга қаранг.
Белгилаб қўйилсинки, Тошкент кимё технология институти қошидаги Чирчиқ академик лицейи ва Чирчиқ ижтимоий-иқтисодиёт касб-ҳунар коллежининг 2 ва 3 курс ўқувчилари битиргунларига қадар Тошкент вилояти Чирчиқ давлат педагогика институтининг биноларида ижара тўловисиз жойлашади.
Кейинги таҳрирга қаранг.
10. Ўзбекистон Республикаси Президентининг «Истеъдод» жамғармаси хорижий давлатларнинг нуфузли университетлари ва илмий марказларида 2018 йилдан бошлаб Тошкент вилояти Чирчиқ давлат педагогика институти профессор-ўқитувчиларининг малакасини ошириш ишларини ташкил этсин.
Кейинги таҳрирга қаранг.
11. Ўзбекистон Республикаси Иқтисодиёт вазирлиги ва Молия вазирлиги Ўзбекистон Республикаси Халқ таълими вазирлигининг асосланган ҳисоб-китоблари бўйича Ўзбекистон Республикаси Инвестиция дастурининг 2018 йилга ва кейинги йилларга параметрларини шакллантиришда Тошкент вилояти Чирчиқ давлат педагогика институти объектларини реконструкция қилиш, капитал таъмирлаш ва жиҳозлаш учун Ўзбекистон Республикаси Молия вазирлиги ҳузуридаги Бюджетдан ташқари таълим ва тиббиёт муассасаларининг моддий-техника базасини ривожлантириш жамғармаси ҳисобидан маблағлар ажратилишини назарда тутсин.
Кейинги таҳрирга қаранг.
12. Белгилаб қўйилсинки, Тошкент вилояти Чирчиқ давлат педагогика институтини сақлаш харажатлари 2017 йилда «Маориф» соҳаси бўйича тасдиқланган бюджет параметрлари доирасида, 2018 йилдан бошлаб эса мазкур соҳага ҳар йили ажратиладиган маблағлар доирасида амалга оширилади.
Кейинги таҳрирга қаранг.
13. Қуйидагилар Тошкент вилояти Чирчиқ давлат педагогика институтининг фаолиятини молиялаштириш манбалари этиб белгилансин:
Кейинги таҳрирга қаранг.
Ўзбекистон Республикаси Давлат бюджети маблағлари;
хўжалик фаолиятидан ва шартнома асосида хизматлар кўрсатишдан тушадиган тушумлар;
жисмоний ва юридик шахсларнинг ҳомийлик хайриялари ва мақсадли бадаллари;
халқаро молия ташкилотларининг грантлари;
қонун ҳужжатларида тақиқланмаган бошқа манбалар.
14. Ўзбекистон Республикаси Ахборот технологиялари ва коммуникацияларини ривожлантириш вазирлиги Халқ таълими вазирлиги билан биргаликда Тошкент вилояти Чирчиқ давлат педагогика институтини электрон таълим миллий тармоғига улаш чораларини кўрсин.
Кейинги таҳрирга қаранг.
15. Ўзбекистон Республикаси Молия вазирлиги Тошкент вилояти Чирчиқ давлат педагогика институтига 2 та, шу жумладан 1 та хизмат, 1 та махсус енгил автотранспорт воситаси сақлашга лимит ажратсин.
Кейинги таҳрирга қаранг.
16. Тошкент вилояти Чирчиқ давлат педагогика институтида Тошкент шаҳридан қатнаб ишловчи профессор-ўқитувчи ва ишчи ходимларга бориш келиши учун тегишли шароитлар ташкил этилсин.
Кейинги таҳрирга қаранг.
17. Ўзбекистон Республикаси Халқ таълими вазирлиги манфаатдор вазирлик ва идоралар билан биргаликда бир ой муддатда:
қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсинлар;
ўзлари қабул қилган норматив-ҳуқуқий ҳужжатларини ушбу қарорга мувофиқлаштирсинлар.
18. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 27 июль,
ПҚ-3152-сон
Ўзбекистон Республикаси Президентининг 2017 йил 27 июлдаги ПҚ-3152-сон қарорига
1-ИЛОВА
Тошкент вилояти Чирчиқ давлат педагогика институтининг тузилмаси
* Институт (факультетлар, кафедралар ва бошқа таркибий бўлинмалар) ходимларининг чекланган умумий сони олий таълим муассасалари учун белгиланган нормативларга мувофиқ аниқланади.
Кейинги таҳрирга қаранг.
Ўзбекистон Республикаси Президентининг 2017 йил 27 июлдаги ПҚ-3152-сон қарорига
2-ИЛОВА
Тошкент вилояти Чирчиқ давлат педагогика институтини ташкил этиш, унинг моддий-техника базасини шакллантириш ва илмий-педагогик кадрлар билан таъминлаш чора-тадбирлари дастури

Т/р

Тадбирлар мазмуни

Бажариш муддатлари

Молиялаштириш манбалари

Бажариш учун масъуллар

I. Тошкент вилояти Чирчиқ давлат педагогика институти фаолиятини ташкил этиш

1.

Тошкент вилояти Чирчиқ давлат педагогика институтини (кейинги ўринларда — Институт) ўрнатилган тартибда давлат рўйхатидан ўтказиш.

2017 йил

август

-

Тошкент вилояти ҳокимлиги, Халқ таълими вазирлиги, Тошкент вилояти Чирчиқ давлат педагогика институти

2.

Институтнинг штатлар жадвали ва харажатлари сметасини тузиш тасдиқлаш ва рўйхатдан ўтказиш.

2017 йил

август

-

Халқ таълими вазирлиги, Тошкент вилояти Чирчиқ давлат педагогика институти

3.

Институтни юқори малакали раҳбар кадрлар билан таъминлаш.

2017 йил

август

-

Халқ таълими вазирлиги,

Олий ва ўрта махсус таълим вазирлиги, Тошкент вилояти Чирчиқ давлат педагогика институти

4.

Институт ҳузурида вилоят таълим муассасаларининг таълим мазмунини такомиллаштириш бўйича фаолиятини Мувофиқлаштирувчи Кенгаш ташкил қилиш

2017 йил октябрь

-

Халқ таълими вазирлиги

5.

Институт профессор-ўқитувчиларнинг илмий салоҳиятини ошириш мақсадида республиканинг бошқа ҳудудларидан таклиф этилган олим ва мутахассисларни турар жой билан таъминлаш мақсадида Тошкент вилояти, жумладан Чирчиқ шаҳрида қурилаётган арзон уй жойлардан имтиёзли шартлар асосида эҳтиёжлардан келиб чиқиб ажратиш.

2017-2020 йиллар

Тижорат банкларининг имтиёзли кредитлари

Тошкент вилояти ҳокимлиги,

Чирчиқ шаҳар ҳокимлиги

II. Тошкент вилояти Чирчиқ давлат педагогика институтининг моддий-техника базасини шакллантириш ва мустаҳкамлаш

6.

Институтга ажратилган Тошкент кимё технология институти қошидаги Чирчиқ академик лицейи (Чирчиқ шаҳар, Истиқбол кўчаси, 2-А уй) ва Чирчиқ ижтимоий-иқтисодиёт касб-ҳунар коллежи (Чирчиқ шаҳар, Амир Темур кўчаси, 104-уй манзиллари)даги бинолар ва иншоотларда капитал таъмирлаш, реконструкция қилиш ва жиҳозлаш ишларини амалга ошириш.

2018 йилдан бошлаб

Молия вазирлиги ҳузуридаги Бюджетдан ташқари таълим ва тиббиёт муассасаларининг моддий-техника базасини ривожлантириш жамғармаси маблағлари

Халқ таълими вазирлиги, Тошкент вилояти ҳокимлиги,
Молия вазирлиги

7.

Институт таълим йўналишлари (мутахассисликлари)га мос замонавий ўқув лаборатория базасини ташкил этиш.

2018 йил

Молия вазирлиги ҳузуридаги Бюджетдан ташқари таълим ва тиббиёт муассасаларининг моддий-техника базасини ривожлантириш жамғармаси

маблағлари

Халқ таълими вазирлиги, Тошкент вилояти ҳокимлиги,
Молия вазирлиги

8

Институтни электрон таълим миллий тармоғига улаш чораларини кўриш

2017 йил октябрь

Ахборот технологиялари ва коммуникацияларини ривожлантириш вазирлиги маблағлари

Ахборот технологиялари ва коммуникацияларини ривожлантириш вазирлиги, Халқ таълими вазирлиги

III. Тошкент вилояти Чирчиқ давлат педагогика институтининг ўқув-методик ва педагогик кадрлар билан таъминлаш

9.

Институтнинг таълим йўналишларини (мутахассисликларини) тасдиқланган ўқув режалари ва фанлар дастурлари ҳамда тегишли норматив-ҳуқуқий ҳужжатлар билан таъминлаш.

2017 йил август

-

Олий ва ўрта махсус таълим вазирлиги, Тошкент давлат педагогика университети, Тошкент вилояти Чирчиқ давлат педагогика институти

10.

Институтда махсус фанлар бўйича машғулотлар олиб боришга жалб қилиш учун Тошкент давлат педагогика университети ва таълим муассасаларидан малакали педагог кадрлар таркибини шакллантириш.

2017 йил август

-

Халқ таълими вазирлиги, Олий ва ўрта махсус таълим вазирлиги, Тошкент вилояти Чирчиқ давлат педагогика институти

11.

Институтни ўқув-методик адабиётлар, ахборот материаллари (шу жумладан уларнинг электрон вариантлари), махсус даврий нашрлар билан таъминлаш. Институтнинг ахборот-ресурс маркази фаолиятини ташкил этиш.

2017 йил октябрь

Институтнинг бюджет ва бюджетдан ташқари маблағлари,

Олий таълим муассасаларини ривожлантириш жамғармаси маблағлари

Халқ таълими вазирлиги, Тошкент давлат педагогика университети, Тошкент вилояти Чирчиқ давлат педагогика институти

12.

Ўзбекистон миллий ва Тошкент давлат педагогика университетлари профессор-ўқитувчилари томонидан маърузалар ўқиш учун Институтда масофадан ўқитиш элементларини жорий этиш учун техник, дастурий ва методик шарт-шароитлар яратиш.

2018 йил

декабрь

Институтнинг бюджет ва бюджетдан ташқари маблағлари,

Олий таълим муассасаларини ривожлантириш жамғармаси маблағлари

Халқ таълими вазирлиги, Тошкент вилояти Чирчиқ давлат педагогика институти, Ўзбекистон миллий ва Тошкент давлат педагогика университетлари

13.

Институт кафедраларининг илмий тадқиқотлари йўналишларини белгилаш, грантлар жалб этишни ва хўжалик шартномаларини бажаришни ташкил этиш.

2018-2023 йиллар

Давлат грантлари ва хўжалик шартномалари бўйича тушган маблағлар

Халқ таълими вазирлиги, Тошкент вилояти Чирчиқ давлат педагогика институти

14.

Тошкент вилоятининг етакчи таълим муассасалари, корхоналари ва ташкилотлари билан бирга қўшма илмий-тадқиқот ва илмий-методик ишланмаларни ташкил этиш.

2018 йилдан бошлаб

-

Халқ таълими вазирлиги, Фанлар академияси, Тошкент вилояти Чирчиқ давлат педагогика институти

15.

Институт профессор-ўқитувчиларини Тошкент давлат педагогика университети қошидаги тармоқ марказида ва чет эл олий таълим муассасаларида малака ва тажриба орттиришларини ташкил этиш.

2018 йилдан бошлаб

Институтнинг бюджет ва бюджетдан ташқари маблағлари,

«Истеъдод» жамғармаси маблағлари

Халқ таълими вазирлиги, Тошкент вилояти Чирчиқ давлат педагогика институти, «Истеъдод» жамғармаси

16.

Ахборотлар, тўпланган тажриба ва мутахассисларнинг кенг алмашинувини таъминлаш. Институтда маърузалар ва махсус машғулотларни ўтказиш учун етакчи республика ва хорижий таълим ва илмий муассасаларнинг юқори малакали олимларини таклиф этиш.

Доимий равишда

Бажарувчилар ва ҳомийлар маблағлари, халқаро ташкилотлар, хорижий таълим ва илмий муассасаларнинг грантлари

Халқ таълими вазирлиги, Тошкент вилояти Чирчиқ давлат педагогика институти

17.

Институтини электрон таълим миллий тармоғига улаш чораларини кўриш

2017 йил октябрь

Ахборот технологиялари ва коммуникацияларини ривожлантириш вазирлиги маблағлари

Ахборот технологиялари ва коммуникацияларини ривожлантириш вазирлиги, Халқ таълими вазирлиги

Кейинги таҳрирга қаранг.
Кейинги таҳрирга қаранг.
Ўзбекистон Республикаси Президентининг 2017 йил 27 июлдаги ПҚ-3152-сон қарорига
3-ИЛОВА
Тошкент вилояти Чирчиқ давлат педагогика институтининг 2017-2018 ўқув йили учун қабул квоталари

№

Йўналиш шифри

Йўналиш номи

Қабул режаси
(тўлов-контракт асосида)

жами

ўзбек

рус

ЖАМИ:

750

515

235

1.

5110100

Математика ўқитиш методикаси

45

30

15

2.

5110200

Физика ва астрономия ўқитиш методикаси

45

30

15

3.

5110300

Кимё ўқитиш методикаси

40

25

15

4.

5110400

Биология ўқитиш методикаси

40

25

15

5.

5110500

География ўқитиш методикаси

25

25

6.

5110600

Тарих ўқитиш методикаси

40

25

15

7.

5110700

Информатика ўқитиш методикаси

45

30

15

8.

5110800

Тасвирий санъат ва муҳандислик графикаси

25

25

9.

5110900

Педагогика ва психология

40

25

15

10.

5111100

Мусиқа таълими

25

25

11.

5111200

Ўзбек тили ва адабиёти

30

30

12.

5111300

Она тили ва адабиёти:

5111301

Рус тили ва адабиёти

25

25

5111306

Рус тили ва адабиёти (ўзга тили гуруҳларда)

25

25

13.

5111400

Хорижий тил ва адабиёти:

5111400

Инглиз тили ва адабиёти

60

40

20

14.

5111600

Миллий ғоя; маънавият асослари ва ҳуқуқ таълими

30

30

15.

5111700

Бошланғич таълим ва спорт-тарбиявий иш

80

50

30

16.

5111800

Мактабгача таълим

40

25

15

17.

5112000

Жисмоний маданият

40

40

5112001

шу жумладан, хотин-қизлар спорти йўналиши бўйича

10

10

18.

5112100

Меҳнат таълими

40

25

15

Кейинги таҳрирга қаранг.
(Ўзбекистон Республикаси қонун ҳужжатлари тўплами, 2017 й., 30-сон, 730-модда; Қонун ҳужжатлари маълумотлари миллий базаси, 30.05.2019 й., 06/19/5733/3216-сон; Қонунчилик маълумотлари миллий базаси, 09.11.2021 й., 06/21/3/1037-сон, 25.12.2021 й., 07/21/60/1177-сон; 31.08.2022 й., 06/22/214/0791-сон; 03.12.2022 й., 06/22/258/1064-сон)