|
Ҳужжат кучини йўқотган 08.01.2022
|
Ҳужжат 16.03.2018 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Фуқаролар йиғинлари ходимлари меҳнатига Ягона тариф сеткаси бўйича ҳақ тўлашнинг разрядларини белгилаш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2022 йил 8 январдаги 10-сонли «Фуқароларнинг ўзини ўзи бошқариш органлари ходимларини ижтимоий қўллаб-қувватлаш тизимининг такомиллаштирилиши муносабати билан Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Ўзбекистон Республикаси Президентининг «Маҳалла институтини янада такомиллаштириш чора-тадбирлари тўғрисида» 2017 йил 3 февралдаги ПФ-4944-сон Фармонига мувофиқ Вазирлар Маҳкамаси қарор қилади:
1. Посёлкалар, қишлоқлар ва овулларнинг, шунингдек шаҳарлар, посёлкалар, қишлоқлар ва овулларнинг маҳаллалари фуқаролар йиғинлари ходимлари меҳнатига ҳақ тўлашнинг Ягона тариф сеткаси бўйича разрядлари иловага мувофиқ тасдиқлансин.
2. Белгилансинки, иш ҳақини тўлаш билан боғлиқ харажатлар туманлар ва шаҳарлар бюджетлари маблағлари ҳисобига қопланади.
3. Вазирлар Маҳкамасининг «Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида» 1996 йил 12 апрелдаги 147-сон қарорига 26-илова ўз кучини йўқотган деб ҳисоблансин.
4. Ўзбекистон Республикаси Бандлик ва меҳнат муносабатлари вазирлиги манфаатдор вазирликлар ва идоралар билан биргаликда улар томонидан қабул қилинган норматив-ҳуқуқий ҳужжатларни икки ҳафта муддатда ушбу қарорга мувофиқлаштирсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 17 июль,
500-сон
Вазирлар Маҳкамасининг 2017 йил 17 июлдаги 500-сон қарорига
ИЛОВА
ИЛОВА
Посёлкалар, қишлоқлар ва овулларнинг, шунингдек шаҳарлар, посёлкалар, қишлоқлар ва овулларнинг маҳаллалари фуқаролар йиғинлари ходимлари меҳнатига ҳақ тўлашнинг Ягона тариф сеткаси бўйича
РАЗРЯДЛАРИ
Олдинги таҳрирга қаранг.
|
Лавозимлар номи |
Меҳнатга ҳақ тўлаш бўйича разрядлар | |
|
поселкалар, қишлоқлар, овуллар ва шаҳарлар маҳаллаларининг фуқаролар йиғинлари |
шаҳарлар ҳудудидан ташқарида жойлашган маҳаллалар фуқаролар йиғинлари | |
|
Фуқаролар йиғини раиси |
6 |
5 |
|
Фуқаролар йиғини масъул котиби |
5 |
4 |
|
«Маҳалла посбони» жамоат тузилмаси раҳбари |
6 |
5 |
|
Ҳарбий ҳисобга олиш бўйича мутахассис |
5 |
4 |
(илова Ўзбекистон Республикаси Вазирлар Маҳкамасининг 2018 йил 14 мартдаги 200-сонли қарори таҳририда — Қонун ҳужжатлари маълумотлари миллий базаси, 16.03.2018 й., 09/18/200/0906-сон)
Кейинги таҳрирга қаранг.
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2017 й., 29-сон, 694-модда; Қонун ҳужжатлари маълумотлари миллий базаси, 16.03.2018 й., 09/18/200/0906-сон; 23.04.2019 й., 09/19/346/2994-сон, 21.11.2019 й., 09/19/920/4042-сон)
