ПҚ-2900-сон 18.04.2017. Ўзбекистон Республикаси Уй-жой коммунал хизмат кўрсатиш вазирлиги фаолиятини ташкил этиш тўғрисида

Ҳужжат 26.09.2020 санаси ҳолатига
Амалдаги версияга ўтиш

Ўзбекистон Республикаси Президентининг

Қарори

Ўзбекистон Республикаси Уй-жой коммунал хизмат кўрсатиш вазирлиги фаолиятини ташкил этиш тўғрисида

Ўзбекистон Республикаси Президентининг 2017 йил 18 апрелдаги «Уй-жой коммунал хизмат кўрсатиш тизимини бошқаришни янада такомиллаштириш чора-тадбирлари тўғрисида»ги ПФ-5017-сонли Фармонини ижро этиш юзасидан ҳамда Ўзбекистон Республикаси Уй-жой коммунал хизмат кўрсатиш вазирлиги фаолиятини самарали ташкил этишни таъминлаш мақсадида:

1. Белгилансинки, Ўзбекистон Республикаси Уй-жой коммунал хизмат кўрсатиш вазирлиги Вазирлар Маҳкамасининг Ҳудудларни комплекс ривожлантириш ва коммунал соҳа, транспорт, капитал қурилиш, қурилиш индустрияси масалалари комплекси таркибига киради.

LexUZ шарҳи

1-бандга Ўзбекистон Республикаси Президентининг 2018 йил 7 июндаги ПФ-5457-сонли Фармонига асосан ўзгартириш киритилган. Рус тили матнига қаранг.

Кейинги таҳрирга қаранг.

2. Қуйидагилар:

Ўзбекистон Республикаси Уй-жой коммунал хизмат кўрсатиш вазирлиги тизимининг ташкилий тузилмаси ва унга кирувчи ташкилотлар рўйхати 1-ва 1а-иловаларига* мувофиқ;

Олдинги таҳрирга қаранг.

Ўзбекистон Республикаси Уй-жой коммунал хизмат кўрсатиш вазирлигининг марказий аппарати тузилмаси 2-иловага* мувофиқ;

(2-банднинг учинчи хатбошиси Ўзбекистон Республикаси Президентининг 2019 йил 26 ноябрдаги ПФ-5883-сон Фармони таҳририда — Қонун ҳужжатлари маълумотлари миллий базаси, 27.11.2019 й., 06/19/5883/4074-сон)

Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари, Тошкент шаҳар Уй-жой коммунал хизмат кўрсатиш бош бошқармаси, туманлар (шаҳарлар) уй-жой коммунал хизмат кўрсатиш бўлимларининг тузилмалари 3-5-ва 5а-иловаларига* мувофиқ;

Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси ва ҳудудий инспекцияларнинг тузилмалари 6-ва 6а-иловаларга* мувофиқ;

Кейинги таҳрирга қаранг.

«Коммунхизмат» Агентлигининг тузилмаси 7-иловага* мувофиқ тасдиқлансин.

Кейинги таҳрирга қаранг.

Ўзбекистон Республикаси уй-жой коммунал хизмат кўрсатиш вазирига, зарур ҳолларда, вазирликнинг марказий аппарати ва ҳудудий бўлинмалари тузилмаларига бошқарув ходимларининг белгилаб қўйилган чекланган умумий сони доирасида ўзгартиришлар киритиш ҳуқуқи берилсин.

Кейинги таҳрирга қаранг.

3. Ўзбекистон Республикаси Давлат бюджетининг маблағлари Ўзбекистон Республикаси Уй-жой коммунал хизмат кўрсатиш вазирлиги, Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари, Тошкент шаҳар Уй-жой коммунал хизмат кўрсатиш бош бошқармаси, Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси, «Коммунхизмат» Агентлиги таъминоти сарф-харажатларини молиялаштириш манбалари этиб белгилансин.

Кейинги таҳрирга қаранг.

4. Ўзбекистон Республикаси Уй-жой коммунал хизмат кўрсатиш вазирлиги бир ой муддатда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари, Тошкент шаҳар Уй-жой коммунал хизмат кўрсатиш бош бошқармаси ҳузурида «Таъмирлаш-тиклаш хизмати» давлат унитар корхоналари ҳамда уларнинг шаҳар ва туман филиаллари ташкил этилишини таъминласин, уларнинг зиммасига қуйидаги вазифалар юклансин:

хусусий уй-жой мулкдорлари ширкатлари ёки турар-жой ва нотурар-жой мулкдорлари билан шартнома асосида кўп хонадонли уй-жой фондини ҳамда унинг атрофидаги ҳудудларни сақлаш ва фойдаланиш борасидаги тизимли ишларни самарали ташкил қилиш;

Кейинги таҳрирга қаранг.

кўп хонадонли уй-жой фондини мавсумий фойдаланишга ўз вақтида ва сифатли тайёрлаш;

кўп хонадонли уй-жой фондини мукаммал ва жорий таъмирлаш ҳамда кўп хонадонли уй-жой фонди теварак-атрофидаги ҳудудни ободонлаштириш.

Кейинги таҳрирга қаранг.

5. Ўзбекистон Республикаси Уй-жой коммунал хизмат кўрсатиш вазирлиги зиммасига «ТошуйжойЛИТИ» акциядорлик жамиятининг устав жамғармасидаги акцияларнинг давлат пакети бўйича акциядорлик функцияларини бажариш вазифаси юклансин, «ТошуйжойЛИТИ» АЖ кўп хонадонли уйларнинг лойиҳаларини ишлаб чиқиш бўйича ихтисослаштирилган бош лойиҳа ташкилоти этиб белгилансин.

Кейинги таҳрирга қаранг.

Олдинги таҳрирга қаранг.

(6-банд Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

7. Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хўжалигини ривожлантириш жамғармаси маблағларини шакллантириш ва фойдаланиш тартиби тўғрисидаги низом 8-иловага* мувофиқ тасдиқлансин, қуйидагилар Жамғарма маблағларини шакллантириш манбалари этиб белгилансин:

Олдинги таҳрирга қаранг.

Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси ва Ичимлик сувидан фойдаланишни назорат қилиш инспекцияси томонидан солинадиган жарималардан тушадиган маблағлар;

(7-банднинг иккинчи хатбошиси Ўзбекистон Республикаси Президентининг 2019 йил 26 ноябрдаги ПФ-5883-сон Фармони таҳририда — Қонун ҳужжатлари маълумотлари миллий базаси, 27.11.2019 й., 06/19/5883/4074-сон)

уй-жой коммунал хўжалигини ривожлантиришга жалб этиладиган кредитлар, шу жумладан халқаро молия институтлари ва Ўзбекистон Республикаси тижорат банкларининг имтиёзли кредитлари;

Олдинги таҳрирга қаранг.

(7-банднинг тўртинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан чиқарилган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

халқаро донорларнинг грантлари, хайрия маблағлари;

Олдинги таҳрирга қаранг.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ҳудудий молия органлари билан келишилган ҳолда белгиланадиган ичимлик сув таъминоти ва оқова сув хизматлари тарифларига махсус устама ҳақ суммасининг бир қисми;

(7-банднинг олтинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Жамғарманинг вақтинча бўш маблағларини жойлаштиришдан олинадиган даромадлар ва қонун ҳужжатларида тақиқланмаган бошқа тушумлар.

Белгилансинки, ичимлик сув таъминоти ва оқова сув хизматлари тарифларига махсус устама ҳақ суммаси мақсадли тушум ҳисобланади, барча турдаги солиқлар ва бошқа мажбурий тўловларни ҳисоблашда солиқ солинадиган базага киритилмайди, шунингдек, сув таъминоти ва оқова сув ташкилотларининг молиявий натижалари тўғрисидаги ҳисоботда акс эттирилмайди.

Кейинги таҳрирга қаранг.

Олдинги таҳрирга қаранг.

Ўзбекистон Республикаси Уй-жой коммунал хизмат кўрсатиш вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда хизмат кўрсатувчи банкларда сув таъминоти ташкилотларига ичимлик сув таъминоти ва оқова сув хизматлари тарифларига махсус устама ҳақ маблағларини жамлаш учун махсус ҳисобварақ очилишини таъминласин ва маблағларнинг бир қисмини Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хизмат кўрсатишни ривожлантириш жамғармасига йўналтирилсин.

(7-банднинг тўққизинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

8. Ўзбекистон Республикаси Уй-жой коммунал хизмат кўрсатиш вазирлиги икки ой муддатда Ўзбекистон Республикаси Молия вазирлиги, Иқтисодиёт вазирлиги, Давлат солиқ қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, «Ўзбекэнерго» АЖ, «Ўзбекнефтгаз» МХК, «Ўзтрансгаз» АК билан биргаликда Ўзбекистон Республикасининг Давлат бюджетига ва давлат мақсадли жамғармаларига тўловлар бўйича, шунингдек электр энергияси, табиий газ, совуқ сув ва иссиқлик энергияси етказиб берувчилар олдида 2017 йилнинг 1 апрелигача бўлган ҳолатига кўра қарздорлик, сув таъминоти ва иссиқлик таъминоти ташкилотлари томонидан ҳисобланган пеня ва жарималар, шу жумладан муддати узайтирилганларини ҳам хатловдан ўтказсин ва бунинг якунлари бўйича қарздорликни реструктуризация қилиш юзасидан Вазирлар Маҳкамасига таклифлар киритсин.

9. Ўзбекистон Республикаси Вазирлар Маҳкамаси бир ой муддатда:

Ўзбекистон Республикаси Уй-жой коммунал хизмат кўрсатиш вазирлиги тўғрисидаги низомни;

Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси тўғрисидаги низомни;

Ўзбекистон Республикаси Уй-жой коммунал хизмат кўрсатиш вазирлиги ҳузуридаги «Коммунхизмат» Агентлиги тўғрисидаги низомни тасдиқласин.

Олдинги таҳрирга қаранг.

(10-банд Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

11. Ўзбекистон Республикаси Уй-жой коммунал хизмат кўрсатиш вазирлиги Тошкент шаҳар, Юнусобод тумани, Ниёзбек йўли кўчаси, 1-уйда жойлаштирилсин.

Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси:

Тошкент шаҳар, Юнусобод тумани, Ниёзбек йўли кўчаси, 1-уй манзилидаги Республика «Ўзкоммунўқувташкилотчи» ўқув-методик, норматив-инжиниринг маркази биноларини тезкор бошқарув ҳуқуқи билан Ўзбекистон Республикаси Уй-жой коммунал хизмат кўрсатиш вазирлигига топширсин;

Тошкент шаҳар ҳокимлиги билан биргаликда бир ой муддатда Тошкент шаҳар, Юнусобод тумани, Ниёзбек йўли кўчаси, 1-уй манзилида жойлашган, илгари бошқа шахсларга сотилган бинонинг бир қисмини харид қилиш тўғрисида Ўзбекистон Республикаси Вазирлар Маҳкамасига таклиф киритсин, бунда уларнинг эгаларига Тошкент шаҳрининг бошқа қисмларидан тенг қимматга эга хоналар ажратилишини ёки белгиланган тартибда конпенсация тўланишини назарда тутсин.

12. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда икки ҳафта муддатда:

Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари ва Тошкент шаҳар Уй-жой коммунал хизмат кўрсатиш бош бошқармаси 9-иловага* мувофиқ манзилларда;

* 1 — 9-иловалар рус тилидаги матнда берилган.

туманлар (шаҳарлар) уй-жой коммунал хизмат кўрсатиш бўлимлари — тегишли туман (шаҳар) ҳокимликларининг биноларида жойлаштирилишини таъминласин.

13. Ўзбекистон Республикаси Молия вазирлиги, Иқтисодиёт вазирлиги Ўзбекистон Республикаси Уй-жой коммунал хизмат кўрсатиш вазирлигига, асосланган ҳисоб-китоблар бўйича, вазирлик ва унинг ҳудудий бўлинмалари маъмурий биноларини реконструкция қилиш, шунингдек уларни хизматга оид инвентарлар, ташкилий техника билан жиҳозлаш ҳамда зарур миқдорда енгил автотранспорт воситаларини харид қилишга керакли маблағлар ажратсин.

Ўзбекистон Республикаси Ахборот технологиялари ва коммуникацияларини ривожлантириш вазирлиги Ўзбекистон Республикаси Уй-жой коммунал хизмат кўрсатиш вазирлигини белгиланган тартибда телефон алоқаси, шу жумладан ҳукумат алоқаси билан таъминласин.

14. Ўзбекистон Республикаси Уй-жой коммунал хизмат кўрсатиш вазирлиги Ўзбекистон Республикаси Давлат статистика қўмитасининг статистик ахборотлари тарқатилиши мажбурий бўлган ташкилотлар рўйхатига киритилсин.

15. Ўзбекистон Республикаси Уй-жой коммунал хизмат кўрсатиш вазирлиги Меҳнат вазирлиги билан биргаликда уй-жой коммунал хизмат кўрсатиш соҳаси ходимлари касбларининг жазибадорлигини ошириш ва уларнинг ижтимоий муҳофазасини такомиллаштириш мақсадида, бир ой муддатда уй-жой коммунал хизмат кўрсатиш тизими ходимлари меҳнатига ҳақ тўлашни рағбатлантириш бўйича Ўзбекистон Республикаси Вазирлар Маҳкамасига таклифлар киритсин.

16. Ўзбекистон Республикаси Вазирлар Маҳкамаси бир ҳафта муддатда:

«2017 — 2021 йиллар даврида ичимлик сув таъминоти ва канализация тизимларини комплекс ривожлантириш ва модернизация қилиш дастури тўғрисида»;

«2017 — 2021 йиллар даврида кўп хонадонли уй-жой фондини сақлаш ва ундан фойдаланиш тизимини янада такомиллаштириш чора-тадбирлари тўғрисида»;

«2018 — 2022 йиллар даврида иссиқлик таъминоти тизимини ривожлантириш дастури тўғрисида» Ўзбекистон Республикаси Президенти қарорлари лойиҳаларини белгиланган тартибда тасдиқлаш учун киритсин.

17. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 18 апрель,

ПҚ-2900-сон

Олдинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
1-ИЛОВА

Ўзбекистон Республикаси Уй-жой коммунал хизмат кўрсатиш вазирлиги тизимининг

ТАШКИЛИЙ ТУЗИЛМАСИ

Олдинги таҳрирга қаранг.

Уй-жой коммунал хизмат кўрсатиш вазирлиги*

Кўп хонадонли уй-жой фондидан фойдаланишни назорат қилиш инспекцияси ва ҳудудий инспекциялар*

«Кўп хонадонли уйларни капитал ва жорий таъмирлаш, иссиқлик таъминоти объектлари қурилиши бўйича инжиниринг компанияси» ДУК ва унинг ҳудудий филиаллари

Ичимлик сувдан фойдаланишни назорат қилиш инспекцияси ва ҳудудий инспекциялар*

«Коммуналўқув» ўқув-методика маркази» ДУК

«Коммунхизмат» агентлиги*

* Ўзбекистон Республикаси Давлат бюджети маблағлари ҳисобидан молиялаштирилади.

(1-илова Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Олдинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
1а-ИЛОВА

Ўзбекистон Республикаси Уй-жой коммунал хизмат кўрсатиш вазирлигининг ташкилий тузилмасига кирувчи ташкилотлар

РЎЙХАТИ

Олдинги таҳрирга қаранг.

Т/р	Номланиши	Ташкилотлар сони
I. Вазирликнинг ташкилий тузилмасига кирувчи ташкилотлар
1.	Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари ва Тошкент шаҳар уй-жой коммунал хизмат кўрсатиш бош бошқармаси	14
2.	Кўп хонадонли уй-жой фондидан фойдаланишни назорат қилиш инспекцияси	1
2.	Ҳудудий инспекциялар	14
3.	Ичимлик сувдан фойдаланишни назорат қилиш инспекцияси	1
3.	Ҳудудий инспекциялар	14
4.	«Коммунхизмат» агентлиги	1
5.	«Кўп хонадонли уйларни капитал ва жорий таъмирлаш, иссиқлик таъминоти объектлари қурилиши бўйича инжиниринг компанияси» ДУК	1
5.	Ҳудудий филиаллар (юридик шахс мақомига эга)	14
7.	«Коммуналўқув» ўқув-методика маркази» ДУК	1
II. Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармаларининг ташкилий тузилмасига кирувчи ташкилотлар
9.	Қорақалпоғистон Республикаси ва вилоятларнинг иссиқлик таъминоти давлат ташкилотлари	20
10.	«Таъмирлаш-тиклаш хизмати» ДУК	14
11.	«Ягона ҳисоб-китоб маркази» ДУК	14

(1а-илова Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Олдинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
2-ИЛОВА

Ўзбекистон Республикаси Уй-жой коммунал хизмат кўрсатиш вазирлиги марказий аппаратининг

ТУЗИЛМАСИ

Олдинги таҳрирга қаранг.

Йиғма ахборот-таҳлил бошқармаси

Вазирлик ҳайъати

Вазир

Ёрдамчи

Ахборот-таҳлил бўлими

Вазирнинг биринчи ўринбосари

Вазир ўринбосари

УЖКХ ва ҳудудларни ободонлаштириш соҳаларининг методологик базасини такомиллаштириш бошқармаси

Ягона сув балансини шакллантириш ва мониторинг қилиш бош бошқармаси

Инвестиция дастурларини шакллантириш ва иқтисодий таҳлил бош бошқармаси

Кўп хонадонли уйларни бошқариш органларини мувофиқлаштириш ва ривожлантириш бошқармаси

Иссиқлик таъминоти тизимларини комплекс ривожлантириш бошқармаси

Канцелярия

Ягона давлат сув фонди сувларининг хавфсизлиги ва сифатини таъминлаш бошқармаси

Иссиқлик таъминоти тизимларини сақлаш ва эксплуатация қилиш бошқармаси

«Коммунхизмат» агентлиги

Кўп хонадонли уй-жой фондидан фойдаланишни назорат қилиш инспекцияси

Жисмоний ва юридик шахсларнинг мурожаатлари билан ишлаш бўлими

«Кўп хонадонли уйларни капитал ва жорий таъмирлаш, иссиқлик таъминоти объектлари қурилиши бўйича инжиниринг компанияси» ДУК

Сув таъминоти ва сув чиқариш тизимига замонавий технологияларни жорий этиш бошқармаси

«Коммуналўқув» ўқув-методика маркази» ДУК

Матбуот хизмати

Юридик бўлим

Кадрлар бошқармаси

Ичимлик сувдан фойдаланишни назорат қилиш инспекцияси

Бухгалтерия

Биринчи бўлим

Ишлар бошқармаси

Автомобиль ва махсус техникадан фойдаланиш, АКТ ва диспетчерлаштириш бошқармаси

УЖКХ фондини ривожлантириш бўлими

Ўзбекистон Республикаси Уй-жой коммунал хизмат кўрсатиш вазирлиги марказий аппарати бошқарув ходимларининг чекланган сони — 108 нафар.

(2-илова Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Олдинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
3-ИЛОВА

Қорақалпоғистон Республикаси Уй-жой коммунал хизмат кўрсатиш вазирлиги

ТУЗИЛМАСИ

Вазир

Вазир ўринбосари

Сув таъминоти ва канализация тизимларини прогнозлаштириш ва ривожлантириш бошқармаси

Матбуот хизмати

Бухгалтер

УЖМШ ва профессионал бошқарув компаниялари, биноларнинг бевосита мулкдорлари фаолиятини мувофиқлаштириш ва ривожлантириш бўлими

Иссиқлик таъминоти тизимларини ривожлантириш бўлими

Молия-иқтисодиёт бўлими

Автомобиль ва махсус техникадан фойдаланиш бўлими

Кадрлар бўйича бош мутахассис

«ТТХ» ДУКни мувофиқлаштириш ва ривожлантириш бўйича бош мутахассис

Бош юрисконсульт

Туман (шаҳар) уй-жой коммунал хизмат кўрсатиш бўлимлари

«ЯҲКМ» ДУКни мувофиқлаштириш ва ривожлантириш бўлими

Жисмоний ва юридик шахсларнинг мурожаатлари билан ишлаш бўйича мутахассис

Иссиқлик таъминоти давлат ташкилотлари

«Таъмирлаш-тиклаш хизмати» ДУК

Умумий бўлим

«Ягона ҳисоб-китоб маркази» ДУК

Меҳнат муҳофазаси, техника хавфсизлиги, сафарбарлик, фуқаро ҳимояси ва фавқулодда вазиятлар бўйича мутахассис

УЖМШ ва профессионал бошқарув компаниялари, биноларнинг бевосита мулкдорлари

АКТ, автоматлаштириш ва диспетчерлаштириш бўлими

Олдинги таҳрирга қаранг.

Бошқарув ходимларининг чекланган сони — 24 нафар.

ёрдамчи ходимлар сонини белгилашда туман ва шаҳар бўлимларининг бошқарув ходимлари ҳам инобатга олинади.

(3-илова Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан изоҳ билан тўлдирилган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Олдинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
4-ИЛОВА

Вилоятлар уй-жой коммунал хизмат кўрсатиш бошқармаларининг намунавий

ТУЗИЛМАСИ

Бошқарма бошлиғи

Бошқарма бошлиғининг ўринбосари

Сув таъминоти ва канализация тизимларини прогнозлаштириш ва ривожлантириш бошқармаси

1 — 3

Матбуот хизмати

Бухгалтер

Иссиқлик таъминоти тизимларини ривожлантириш бўлими

2–3

Кадрлар бўйича бош мутахассис

Автомобиль ва махсус техникадан фойдаланиш ва диспетчерлаштириш бўлими

Бош юрисконсульт

«ТТХ» ДУКни мувофиқлаштириш ва ривожлантириш бўйича бош мутахассис

Жисмоний ва юридик шахсларнинг мурожаатлари билан ишлаш бўйича мутахассис

Туман (шаҳар) уй-жой коммунал хизмат кўрсатиш бўлимлари

«ЯҲКМ» ДУКни мувофиқлаштириш ва ривожлантириш бўлими

2-3

Иссиқлик таъминоти давлат ташкилотлари

Умумий бўлим

«Таъмирлаш-тиклаш хизмати» ДУК

«Ягона ҳисоб-китоб маркази» ДУК

УЖМШ ва профессионал бошқарув компаниялари, биноларнинг бевосита мулкдорлари

Олдинги таҳрирга қаранг.

Бошқарув ходимларининг чекланган сони — 19 — 23 нафар.

Бошқарув ходимларининг умумий чекланган сони — 240 нафар, шу жумладан:

Тошкент ва Фарғона вилоятларида — 23 нафардан;

Бухоро, Жиззах, Қашқадарё ва Самарқанд вилоятларида — 20 нафардан;

Андижон, Навоий, Наманган, Сирдарё, Сурхондарё ва Хоразм вилоятларида — 19 нафардан.

ёрдамчи ходимлар сонини белгилашда туман ва шаҳар бўлимларининг бошқарув ходимлари ҳам инобатга олинади

(4-илова Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан изоҳ билан тўлдирилган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
5-ИЛОВА

Тошкент шаҳар уй-жой коммунал хизмат кўрсатиш бош бошқармасининг

ТУЗИЛМАСИ

Олдинги таҳрирга қаранг.

Бошқарув ходимларининг чекланган сони — 56 нафар.

ёрдамчи ходимлар сонини белгилашда туман ва шаҳар бўлимларининг бошқарув ходимлари ҳам инобатга олинади.

(5-илова Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан изоҳ билан тўлдирилган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
5а-ИЛОВА

Туманлар (шаҳарлар) уй-жой коммунал хизмат кўрсатиш бўлимларининг намунавий

ТУЗИЛМАСИ

Бўлим бошлиғи

Кўп хонадонли уй-жой фондининг техник ҳолати мониторинги, ХУЖМШлар, сув таъминоти ва иссиқлик таъминоти фаолиятини мувофиқлаштириш бўлими(мутахассиси)

1 — 2

Уй-жой коммунал хизмат кўрсатиш соҳасини ривожлантириш дастурлари амалга оширилиши мониторинги бўлими (мутахассис)

1 — 2

Бошқарув ходимларининг чекланган сони — 3 — 5 нафар.

Бошқарув ходимларининг умумий чекланган сони — 654 нафар, шу жумладан:

Қорақалпоғистон Республикаси	–	47 нафар	Самарқандвилояти	–	52 нафар
Андижон вилояти	–	52 нафар	Сирдарё вилояти	–	39 нафар
Бухоро вилояти	–	43 нафар	Сурхондарё вилояти	–	44 нафар
Жиззах вилояти	–	41 нафар	Тошкент вилояти	–	65 нафар
Қашқадарё вилояти	–	44 нафар	Фарғона вилояти	–	65 нафар
Навоийвилояти	–	34 нафар	Хоразм вилояти	–	35 нафар
Наманган вилояти	–	38 нафар	Тошкент шаҳри	–	55 нафар

LexUZ шарҳи

5а-илова норасмий таржима.

Кейинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
6-ИЛОВА

Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланиш соҳасида назорат инспекциясининг

ТУЗИЛМАСИ

Бошқарув ходимларининг умумий чекланган сони — 84 нафар, шу жумладан:

марказий аппарати бошқарув ходимлари сони — 16 нафар;

ҳудудий инспекцияларнинг бошқарув ходимлари сони — 68 нафар.

LexUZ шарҳи

6-илова норасмий таржима.

Кейинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
6а-ИЛОВА

Кўп хонадонли уй-жой фондидан фойдаланиш соҳасида назорат бўйича ҳудудий инспекция

ТУЗИЛМАСИ

Бошқарув ходимлари сони — 4 — 10 нафар.

Бошқарув ходимларининг умумий чекланган сони — 68 нафар,

шу жумладан:

Тошкент шаҳрида — 10 нафар;

Фарғона ва Тошкент вилоятларида — 7 нафардан;

Қорақалпоғистон Республикаси, Андижон, Бухоро, Жиззах, Қашқадарё, Навоий, Наманган,

Самарқанд, Сурхондарё, Сирдарё ва Хоразм вилоятларида — 4 нафардан.

LexUZ шарҳи

6а-илова норасмий таржима.

Кейинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
7-ИЛОВА

«Коммунхизмат» агентлиги

ТУЗИЛМАСИ

Бошқарув ходимларининг умумий чекланган сони — 19 нафар

LexUZ шарҳи

7-илова норасмий таржима.

Кейинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
8-ИЛОВА

Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хўжалигини ривожлантириш жамғармаси маблағларини шакллантириш ва фойдаланиш тартиби тўғрисидаги

НИЗОМ

I. Умумий қоидалар

1. Мазкур Низом Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хўжалигини ривожлантириш жамғармаси (кейинги ўринларда — Жамғарма) маблағларини шакллантириш, фойдаланиш ва бошқариш тартибини белгилайди.

Олдинги таҳрирга қаранг.

2. Жамғарма Кўп хонадонли уй-жой фондини капитал ва жорий таъмирлаш ҳамда кўп хонадонли уй-жой фондига туташ ҳудудларни ободонлаштириш, иссиқлик таъминоти объектларини қуриш, реконструкция қилиш, капитал ва жорий таъмирлаш, шунингдек, коммунал хизмат кўрсатиш ташкилотларини ва «Таъмирлаш-тиклаш хизмати» давлат унитар корхоналарини махсус техника, ускуналар, машина ва механизмлар билан жиҳозлаш бўйича дастурлар (кейинги ўринларда — Дастурлар)ни молиялаштириш учун ташкил этилган.

(2-банд Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

3. Жамғарма юридик шахс ҳисобланмайди.

II. Жамғарма маблағларини шакллантириш манбалари

Олдинги таҳрирга қаранг.

4. Жамғарма маблағлари қуйидаги манбалар ҳисобидан шакллантирилади:

Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси ва Ичимлик сувдан фойдаланишни назорат қилиш инспекцияси томонидан солинадиган жарималардан тушадиган маблағлар;

Олдинги таҳрирга қаранг.

(4-банднинг тўртинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан чиқарилган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

халқаро донорларнинг грантлари, хайрия маблағлари;

Олдинги таҳрирга қаранг.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ҳудудий молия органлари билан келишилган ҳолда белгиланган ичимлик сув таъминоти ва оқова сув хизматлари тарифларига махсус устама ҳақ суммасининг бир қисми.

(4-банднинг олтинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Жамғарманинг вақтинча бўш маблағларини жойлаштиришдан олинадиган даромадлар ва қонунчиликда тақиқланмаган бошқа тушумлар.

(4-банд Ўзбекистон Республикаси Президентининг 2019 йил 26 ноябрдаги ПФ-5883-сонли Фармони таҳририда — Қонун ҳужжатлари маълумотлари миллий базаси, 27.11.2019 й., 06/19/5883/4074-сон)

Кейинги таҳрирга қаранг.

Олдинги таҳрирга қаранг.

5. Кўрсатилган хизматлар учун истеъмолчилар билан ҳисоб-китобларни амалга оширишда тарифлар билан бир вақтда ичимлик сув таъминоти ва канализация хизматлари учун истеъмолчилардан ундириладиган тарифларга махсус устама ҳақ (кейинги ўринларда — махсус устама ҳақ) ҳудудий молия органлари билан келишилган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланади.

Махсус устама ҳақ мақсадли тушум ҳисобланади, барча солиқ турларини ва бошқа мажбурий тўловларни ҳисоблашда солиққа тортиладиган базага киритилмайди, шунингдек, сув таъминоти ва канализация ташкилотларининг молиявий натижалари тўғрисидаги ҳисоботда акс эттирилмайди.

(5-банд Ўзбекистон Республикаси Президентининг 2019 йил 26 ноябрдаги ПФ-5883-сонли Фармони таҳририда — Қонун ҳужжатлари маълумотлари миллий базаси, 27.11.2019 й., 06/19/5883/4074-сон)

Кейинги таҳрирга қаранг.

6. Жамғарма маблағлари Ўзбекистон Республикаси Марказий банкининг Тошкент шаҳри бўйича Бош бошқармасининг ҳисоб-китоб касса марказида Ўзбекистон Республикаси Молия вазирлигининг Ғазначилиги томонидан очиладиган алоҳида ғазначилик ҳисобрақамларида жамланиб борилади.

III. Жамғарма маблағларидан фойдаланишнинг асосий йўналишлари

7. Жамғарма маблағларидан қуйидагиларни молиялаштиришда фойдаланилади:

Кўп хонадонли уй-жой фондини капитал ва жорий таъмирлаш ҳамда кўп хонадонли уй-жой фондига туташ ҳудудни ободонлаштириш;

Олдинги таҳрирга қаранг.

(7-банднинг учинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармонига асосан чиқарилган — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Олдинги таҳрирга қаранг.

иссиқлик таъминоти объектларини қуриш, реконструкция қилиш, капитал ва жорий таъмирлаш;

(7-банднинг учинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

коммунал хизмат кўрсатиш ташкилотларини ва «Таъмирлаш-тиклаш хизмати» давлат унитар корхоналарини (кейинги ўринларда — «ТТХ» ДУК) махсус техника, ускуналар, машина ва механизмлар билан жиҳозлаш;

Кейинги таҳрирга қаранг.

уй-жой коммунал хизмат кўрсатиш соҳасида кадрларни тайёрлаш ва малакасини ошириш;

Кейинги таҳрирга қаранг.

Ўзбекистон Республикаси Уй-жой коммунал хизмат кўрсатиш вазирлиги ва унинг ҳудудий бўлинмалари ходимларини моддий рағбатлантириш.

Бунда, Ўзбекистон Республикаси Уй-жой коммунал хизмат кўрсатиш вазирлиги ва унинг ҳудудий бўлинмалари ходимларини моддий рағбатлантириш тўғрисидаги низом Ўзбекистон Республикаси Молия вазирлиги билан келишилган ҳолда Ўзбекистон Республикаси уй-жой коммунал хизмат кўрсатиш вазири томонидан тасдиқланади.

IV. Жамғарма маблағларини бошқариш

8. Жамғарма маблағларини бошқариш Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хўжалигини ривожлантириш жамғармаси маблағларини бошқариш бўлими томонидан иловага мувофиқ схема бўйича амалга оширилади.

9. Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хўжалигини ривожлантириш жамғармаси маблағларини бошқариш бўлими:

Олдинги таҳрирга қаранг.

зарур бўлганда жойларга чиққан ҳолда, кўп хонадонли уй-жой фондини капитал ва жорий таъмирлаш ва кўп хонадонли уй-жой фондига туташ ҳудудни ободонлаштириш, иссиқлик таъминоти объектларини қуриш, реконструкция қилиш, капитал ва жорий таъмирлаш, шунингдек, коммунал хизмат кўрсатиш ташкилотлари ва «ТТХ» ДУКларни махсус техника ускуналар, машина ва механизмлар билан жиҳозлашга оид ҳар йилги дастурларни шакллантиришда иштирок этади;

(9-банднинг иккинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Олдинги таҳрирга қаранг.

кўп хонадонли уй-жой фондини капитал ва жорий таъмирлаш ва кўп хонадонли уй-жой фондига туташ ҳудудни ободонлаштириш, иссиқлик таъминоти объектларини қуриш, реконструкция қилиш, капитал ва жорий таъмирлаш, шунингдек, коммунал хизмат кўрсатиш ташкилотлари ва «ТТХ» ДУКларни махсус техника ускуналар, машина ва механизмлар билан жиҳозлашга оид дастурлар бажарилиши таҳлили ва мониторингини амалга оширади;

(9-банднинг учинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Дастурлар доирасида лойиҳа-қидирув ишларини ташкиллаштиради;

Жамғарма даромадлари ва харажатлари прогнозини ҳамда чораклар ва ойлар бўйича тақсимлаган ҳолда унинг бир йилдаги ижроси тўғрисида ҳисобот тайёрлайди, кейинчалик буларни Ўзбекистон Республикаси Уй-жой коммунал хизмат кўрсатиш вазирлиги раҳбариятига маълум қилади;

Жамғарма даромад ва харажатлари сметасини тасдиқлаш учун Ўзбекистон Республикаси Уй-жой коммунал хизмат кўрсатиш вазирлиги раҳбариятига киритади;

Дастурларни молиялаштириш учун назарда тутилган Жамғарма маблағлари ҳисоби юритилишини таъминлайди;

Дастурларнинг амалга оширилишини мувофиқлаштириш ва мониторинг қилиш Ўзбекистон Республикаси Уй-жой коммунал хизмат кўрсатиш вазирлиги раҳбариятига таклифлар киритади.

V. Жамғарма даромадлари ва харажатлари прогнозини тайёрлаш, кўриб чиқиш ва тасдиқлаш

10. Жамғарма даромадлари ва харажатлари прогнозини тайёрлаш, кўриб чиқиш ва тасдиқлаш мазкур Низомга мувофиқ Дастурларнинг лойиҳаларини тайёрлаш билан боғлиқ ҳолда амалга оширилади.

11. Ўзбекистон Республикаси Уй-жой коммунал хизмат кўрсатиш вазирлиги Иқтисодиёт вазирлиги ва Молия вазирлиги билан биргаликда ҳар йили:

1 июлга қадар юқорида кўрсатиб ўтилган манбалардан келиб тушадиган тушумларнинг келгуси йилги прогнозларини, Жамғарманинг барча йўналишлар бўйича харажатлари прогнозини ва объектларни қуриш, реконструкция қилиш, капитал ва жорий таъмирлаш, коммунал хизмат кўрсатиш ташкилотларини ва «ТТХ» ДУКларни махсус техника, ускуналар, машина ва механизмлар билан жиҳозлаш бўйича Қорақалпоғистон Республикаси Вазирлар Кенгаши вилоятлар ва Тошкент шаҳар ҳокимликлари, Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари ҳамда Тошкент шаҳар уй-жой коммунал хизмат кўрсатиш Бош бошқармаси таклифларини ҳисобга олган ҳолда келгуси йилги дастурларнинг лойиҳаларини тайёрлайди;

Кейинги таҳрирга қаранг.

объектларни қуриш, реконструкция қилиш, таъмирлаш, капитал ва жорий таъмирлаш, махсус техника, ускуналар, машина ва механизмлар билан жиҳозлашга оид дастурларни тасдиқлаш учун уй-жой коммунал хизмат кўрсатиш соҳасидаги дастурларни мувофиқлаштириш ва амалга ошириш бўйича республика комиссиясига киритади;

объектларни қуриш, реконструкция қилиш, таъмирлаш, капитал ва жорий таъмирлаш бўйича манзилли рўйхатларни, шунингдек махсус техника, ускуналар, машина ва механизмлар билан жиҳозлашга оид рўйхатни уй-жой коммунал хизмат кўрсатиш соҳасидаги дастурларни мувофиқлаштириш ва амалга ошириш бўйича республика комиссиялари томонидан тасдиқланган дастурлар асосида белгиланган тартибда тасдиқлайди.

Олдинги таҳрирга қаранг.

12. Жамғарманинг кейинги йилги даромад ва харажатлари прогнози Молия вазирлиги билан келишилган ҳолда, Ўзбекистон Республикаси Уй-жой коммунал хизмат кўрсатиш вазирлиги томонидан тасдиқланади.

(12-банд Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

VI. Жамғарма маблағларини сарфлаш тартиби

13. Жамғарма маблағлари унинг ғазначилик ҳисобрақамидан Ўзбекистон Республикаси Молия вазирлиги Ғазначилигининг Ўзбекистон Республикаси Уй-жой коммунал хизмат кўрсатиш вазирлиги томонидан очиладиган шахсий ҳисобварақлари орқали сарфланади.

14. Жамғарма маблағларидан фойдаланиш Ўзбекистон Республикаси Уй-жой коммунал хизмат кўрсатиш вазирлиги томонидан тасдиқланган тегишли харажатлар сметаси, объектларни қуриш, реконструкция қилиш, капитал ва жорий таъмирлаш бўйича манзилли рўйхатлар ҳамда махсус техника, ускуналар, машина ва механизмлар билан жиҳозлаш рўйхатлари асосида амалга оширилади.

15. Ўзбекистон Республикаси Молия вазирлиги Ғазначилиги белгиланган тартибда:

Олдинги таҳрирга қаранг.

кўп хонадонли уй-жой фондини капитал ва жорий таъмирлаш ва кўп хонадонли уй-жой фондига туташ ҳудудни ободонлаштириш, иссиқлик таъминоти объектларини қуриш, реконструкция қилиш, капитал ва жорий таъмирлаш, шунингдек, коммунал хизмат кўрсатиш ташкилотлари ва «ТТХ» ДУКларни махсус техника ускуналар, машина ва механизмлар билан жиҳозлашга оид шартномалар рўйхатга олинишини;

(15-банднинг иккинчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

тасдиқланган манзилли рўйхатларга мувофиқ харажатлар сметаларида назарда тутилган маблағлар доирасида қатъий амал қилган ҳолда харажатлар ҳақи тўланишини таъминлайди.

Олдинги таҳрирга қаранг.

16. Кўп хонадонли уй-жой фондини капитал ва жорий таъмирлаш ва кўп хонадонли уй-жой фондига туташ ҳудудни ободонлаштириш, иссиқлик таъминоти объектларини қуриш, реконструкция қилиш, капитал ва жорий таъмирлаш бўйича харажатларни қоплаш Ўзбекистон Республикаси Уй-жой коммунал хизмат кўрсатиш вазирлигининг тўлов-топшириқномалари асосида Ўзбекистон Республикаси Молия вазирлигининг Ғазначилиги томонидан амалга оширилади, уларда қуйидагилар назарда тутилади:

(16-банднинг биринчи хатбошиси Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

қурилишнинг прогноз қилинаётган ерида тендер (танлов) савдоси натижаларига кўра белгиланган ишлар умумий қийматининг 30 фоизига қадар миқдорда аванс тўловларининг тенг улушлари билан қурилиш, реконструкция қилиш, капитал ва жорий таъмирлашни дастлабки икки ой мобайнида ҳақини тўлаш;

ажратилган аванс пропорционал равишда ушлаб қолинишини ҳисобга олган ҳолда ҳар ой бажарилган ишлар қийматининг 95 фоизи миқдорида жорий молиялаштириш;

пудратчига қолган 5 фоизни тўлаш — шартномада қайд этиб ўтилган кафолат муддати тугагандан сўнг амалга оширилади.

17. Коммунал хизмат кўрсатиш ташкилотлари ва «ТТХ» ДУКларни махсус техника ускуналар, машина ва механизмларни жиҳозлаш бўйича сарф-харажатлар ҳақини тўлаш Ўзбекистон Республикаси Молия вазирлигининг Ғазначилиги томонидан Ўзбекистон Республикаси Уй-жой коммунал хизмат кўрсатиш вазирлигининг тўлов-топшириқномалари асосида амалга оширилади, уларда қуйидагилар назарда тутилади:

Кейинги таҳрирга қаранг.

қонунчиликда белгиланган тартибда аванс тўловини амалга ошириш;

ажратилган аванс тўловларини ушлаб қолган ҳолда маҳсулот етказиб беришнинг ҳақиқий ҳажмидан келиб чиқиб, ҳар ойги жорий молиялашни амалга ошириш.

18. Уй-жой коммунал хизмат кўрсатиш соҳасида кадрлар тайёрлаш ва малакасини оширишга сарф-харажатлар ҳақи Ўзбекистон Республикаси Молия вазирлиги Ғазначилиги томонидан Ўзбекистон Республикаси Уй-жой коммунал хизмат кўрсатиш вазирлигининг тўлов-топшириқномалари асосида тасдиқланган ўқув жадвали ва дастурларига мувофиқ Жамғарманинг ушбу мақсадларга сарф-харажатлари сметасида назарда тутилган маблағлар доирасида «Ўзкоммунўқув» давлат унитар корхонасига тўланади.

19. Қурилиш, реконструкция қилиш, капитал ва жорий таъмирлаш ҳамда жиҳозлашнинг манзилли рўйхатларида назарда тутилган тўлиқ молиялаштирилмай қолган маблағлар жорий молия йили якунларига кўра Жамғарманинг даромад ва харажатлари баланслилигини таъминлашни ҳисобга олган ҳолда Ўзбекистон Республикаси Уй-жой коммунал хизмат кўрсатиш вазирлиги томонидан белгиланган тартибга келгуси молия йилида тўланиши лозим.

20. Қуйидагилар:

Жамғарма маблағларини ушбу Низомда назарда тутилмаган мақсадларга сарфлаш;

Мазкур Низомда кўзда тутилмаган мақсадларга Жамғарма ҳисобварақларидан маблағларни олиш, шу жумладан вақтинча олиб қўйиш тақиқланади.

VII. Жамғарма маблағларидан фойдаланиш ҳисоби, ҳисоботи ва назорати

21. Жамғарма маблағлари тушуми ва сарфланиши ҳисобини юритиш ҳамда улар юзасидан ҳисобот тузиш Ўзбекистон Республикаси Уй-жой коммунал хизмат кўрсатиш вазирлиги томонидан қонун ҳужжатларида белгиланган тартибда амалга оширилади.

22. Жамғарма маблағларидан мақсадли фойдаланилишини назорат қилиш Ўзбекистон Республикаси Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланиш соҳасида назорат бўйича инспекция зиммасига юкланади.

23. Тасдиқланган харажатлар сметаларига мувофиқ Жамғарма маблағларидан мақсадли ва самарали фойдаланилиши юзасидан Ўзбекистон Республикаси Уй-жой коммунал хизмат кўрсатиш вазирлиги жавобгар бўлади.

Ўзбекистон Республикаси Уй-жой коммунал хизмат кўрсатиш вазирлигининг Уй-жой коммунал хўжалигини ривожлантириш жамғармаси маблағларини шакллантириш ва фойдаланиш

СХЕМАСИ

Олдинги таҳрирга қаранг.

Босқичлар	Тадбирлар	Масъул бажарувчилар	Амалга ошириш механизми

I босқич	Кўп хонадонли уй-жой фондини капитал ва жорий таъминлаш ва кўп хонадонли уй-жой фондига туташ ҳудудларни ободонлаштириш, иссиқлик таъминоти объектларини қуриш, реконструкция қилиш, капитал ва жорий таъмирлаш, шунингдек, коммунал хизмат ташкилотларини ва «ТТХ» ДУКларини махсус техника, ускуналар, машина ва механизмлар билан жиҳозлаш бўйича дастурларни шакллантириш	Қорақалпоғистон Республикаси Вазирлар Кенгаши. вилоятлар ва Тошкент шаҳар ҳокимликлари. Қорақалпоғистон Республикаси Уй-жой коммунал хизмат кўрсатиш вазирлиги, вилоятлар уй-жой коммунал хизмат кўрсатиш бошқармалари ва Тошкент шаҳар уй-жой коммунал хизмат кўрсатиш бош бошқармаси	Биринчи навбатдаги ва устувор объектларни қуриш, реконструкция қилиш капитал ва жорий таъмирлаш бўйича дастлабки манзилли рўйхатларни, шунингдек, махсус техника, ускуналар, машина ва механизмлар рўйхатини ишлаб чиқиб, уларни кўриб чиқиш учун Ўзбекистон Республикаси Уй-жой коммунал хизмат кўрсатиш вазирлигига киритиш

			Қурилиш, реконструкция қилиш, капитал ва жорий таъмирлаш бўйича киритилган дастлабки манзилли рўйхатларни, шунингдек, махсус техника, ускуналар, машина ва механизмлар рўйхатларини тузатиш ва қўшимчалар киритилишини ҳисобга олган ҳолда комплекс тарзда кўриб чиқиш

		Ўзбекистон Республикаси Уй-жой коммунал хизмат кўрсатиш вазирлиги	Кўп хонадонли уй-жой фонди капитал ва жорий таъмирлаш хамда кўп хонадонли уй-жой фондига туташ ҳудудларни ободонлаштириш, иссиқлик таъминоти объектлари қуриш, реконструкция қилиш, капитал ва жорий таъмирлаш. шунингдек. коммунал хизмат кўрсатиш ташкилотлари ва «ТГХ» ДУКларини махсус техника. ускуналар. машина ва механизмлар билан жиҳозлаш бўйича дастурларни кўриб чиқиш ва шакллантириш хамда уй-жой коммунал хизмат кўрсатиш соҳасида дастурларни мувофиқлаштириш ва амалга ошириш республика комиссиясига тақдим этиш

		Ўзбекистон Республикаси Уй-жой коммунал хизмат кўрсатиш вазирлиги Иқтисодиёт вазирлиги ва Молия вазирлиги билан биргаликда

II босқич	Лойиҳа олди ва лойиҳа ҳужжатларининг техник топшириқларини келишиш, шунингдек, кўп хонадонли уй-жой фондини капитал ва жорий таъмирлаш хамда кўп хонадонли уй-жой фондига туташ ҳудудларни ободонлаштириш, иссиқлик таъминоти объектларини қуриш реконструкция қилиш, капитал ва жорий таъмирлаш, шунингдек, коммунал хизмат кўрсатиш ташкилотлари ва «ТТХ» ДУКларни махсус техника ускуналар, машина ва механизмлар билан жиҳозлаш бўйича лойиҳа-смета ҳужжатларини ишлар чиқиш учун буюртманома тайёрлаш	Қорақалпоғистон Республикаси Вазирлар Кенгаши. вилоятлари ва Тошкент шаҳар ҳокимликлари ҳудудий иссиқлик ва сув таъминоти ташкилотлари	Лойиҳа-смета ҳужжатларини ишлаб чиқиш учун лойиҳа-техник топшириқни тайёрлаш хамда уни кўриб чиқиш учун Ўзбекистон Республикаси Уй-жой коммунал хизмат кўрсатиш вазирлигига киритиш

			Сув ресурсларидан оқилона фойдаланиш усулларини жорий этиш, шунингдек, лойиҳа бўйича оптимал техник ечимлар кўллашни ҳисобга олган холда ичимлик сувининг кафолатланган манбалари бўйича хулосалар тайёрлаш ва тегишли қарор қабул қилиш учун Ўзбекистон Республикаси Уй-жой коммунал хизмат кўрсатиш вазирлигига киритиш

		Ўзбекистон Республикаси Геология ва минерал ресурслар давлат қўмитаси	Лойиҳа техник топшириқларини кўриб чиқиш ва келишиш ҳамда уни лойиҳа-смета ҳужжатларини (ЛСХ) ишлаб чиқиш учун «Ўзбеккоммуналлойиҳақурилиш» давлат унитар корхонасига топшириш

		Ўзбекистон Республикаси Уй-жой коммунал хизмат кўрсатиш вазирлиги	Лойиҳаларнинг идоравий экспертизасини ўтказиш ва кейинчалик экспертиза натижаларини экспертизадан ўтказиш ва белгиланган тартибда ЛСҲни тасдиқлаш учун «Давархитектқурилиш» қўмитасига топшириш

III босқич	Кўп хонадонли уй-жой фондини капитал ва жорий таъмирлаш хамда кўп хонадонли уй-жой фондига туташ ҳудудларни ободонлаштириш, иссиқлик таъминоти объектларини қуриш, реконструкция қилиш, капитал ва жорий таъмирлаш бўйича манзилли рўйхатларни, шунингдек, коммунал хизмат кўрсатиш ташкилотлари ва «ТТХ» ДУКларини махсус техника, ускуналар, машина ва механизмлар билан жиҳозлаш рўйхатларини тасдиқлаш	Ўзбекистон Республикаси Уй-жой коммунал хизмат кўрсатиш вазирлиги	Узил-кесил манзилли рўйхатга киритилган объектлар бўйича белгиланган тартибда тендер (танлов) савдоларини ташкил этиш ва ўтказиш, пудрат шартномаларини тузиш

			Узил-кесил манзилли рўйхатлар хамда махсус техника, ускуналар, машина ва механизмларнинг рўйхатларини келишиб олиш учун белгиланган тартибда Иқтисодиёт вазирлиги ва Молия вазирлигига киритиш

IV босқич	Объектларни қуриш, реконструкция қилиш, капитал ва жорий таъмирлаш, махсус техника, ускуналар, машина ва механизмлар билан жиҳозлаш дастурларини молиялаштириш	Уй-жой коммунал хўжалигини ривожлантириш жамғармаси	Объектларни қуриш, реконструкция қилиш, капитал ва жорий таъмирлаш, коммунал хизмат кўрсатиш ташкилотлари ва «ТТХ» ДУКларни махсус техника, ускуналар, машина ва механизмлар билан жиҳозланишини молиялаштириш
IV босқич		Уй-жой коммунал хўжалигини ривожлантириш жамғармаси

(илова Ўзбекистон Республикаси Президентининг 2020 йил 25 сентябрдаги ПФ-6074-сонли Фармони таҳририда — Қонун ҳужжатлари маълумотлари миллий базаси, 26.09.2020 й., 06/20/6074/1322-сон)

Кейинги таҳрирга қаранг.

Ўзбекистон Республикаси Президентининг 2017 йил 18 апрелдаги ПҚ-2900-сон қарорига
9-ИЛОВА

ЖОЙЛАШТИРИШ

Т/р	Номланиши	Манзиллари
1.	Қорақалпоғистон Республикаси Уй-жой коммунал хизмат кўрсатиш вазирлиги	Нукус шаҳри, Беруний кўчаси, 20-уй
2.	Андижон вилояти уй-жой коммунал хизмат кўрсатиш бошқармаси	Андижон шаҳри, Саркуй кўчаси, 5-уй
3.	Бухоро вилояти уй-жой коммунал хизмат кўрсатиш бошқармаси	Бухоро шаҳри, Нақшбанд кўчаси, 299-уй
4.	Жиззах шаҳри уй-жой коммунал хизмат кўрсатиш бошқармаси	Жиззах шаҳри, Ш. Рашидов кўчаси, 63-уй
5.	Қашқадарё вилояти уй-жой коммунал хизмат кўрсатиш бошқармаси	Қарши шаҳри, Мустақиллик кўчаси, 19-уй
6.	Навоий вилояти уй-жой коммунал хизмат кўрсатиш бошқармаси	Навоий шаҳри, Халқлар Дўстлиги кўчаси,77а-уй
7.	Наманган вилояти уй-жой коммунал хизмат кўрсатиш бошқармаси	Наманган шаҳри, Ибрат кўчаси, 33-уй
8.	Самарқанд вилояти уй-жой коммунал хизмат кўрсатиш бошқармаси	Самарқанд шаҳри, Кўксарой майдони, 1а-уй
9.	Сирдарё вилояти уй-жой коммунал хизмат кўрсатиш бошқармаси	Гулистон шаҳри, Мустақиллик кўчаси,35-уй
10.	Сурхондарё вилояти уй-жой коммунал хизмат кўрсатиш бошқармаси	Термиз шаҳри, Хумо кўчаси, 5-уй
11.	Тошкент вилояти уй-жой коммунал хизмат кўрсатиш бошқармаси	Тошкент вилояти, Тўйтепа шаҳри,Тошкентшоҳ кўчаси, 9-уй
12.	Фарғона вилояти уй-жой коммунал хизмат кўрсатиш бошқармаси	Фарғона шаҳри, Б. Марғилоний кўчаси,35-уй
13.	Хоразм вилояти уй-жой коммунал хизмат кўрсатиш бошқармаси	Урганч шаҳри. Ал-Хоразмий кўчаси,23-уй
14.	Тошкент шаҳар уй-жой коммунал хизмат кўрсатиш бош бошқармаси	Тошкент шаҳри,Миробод тумани,Т. Шевченко кўчаси, 26-уй

(Ўзбекистон Республикаси қонун ҳужжатлари тўплами, 2017 й., 17-сон, 291-модда; Қонун ҳужжатлари маълумотлари миллий базаси, 27.11.2019 й., 06/19/5883/4074-сон; 26.09.2020 й., 06/20/6074/1322-сон; Қонунчилик маълумотлари миллий базаси, 30.04.2021 й., 06/21/6218/0398-сон, 19.06.2021 й., 07/21/5152/0578-сон, 21.12.2021 й., 06/21/36/1175-сон, 25.05.2022 й., 06/22/140/0450-сон, 04.08.2022 й., 07/22/346/0709-сон; 29.08.2023 й., 06/23/151/0661-сон; 31.10.2023 й., 07/23/343/0812-сон; 28.07.2026 й., 06/26/140/0792-сон)