Вазирлар Маҳкамаси қарор қилади:

Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

1. Вазирлар Маҳкамасининг 1993 йил 5 июлдаги 334-сон қарори (Ўзбекистон Республикаси ҚТ, 1993 й., 7-сон, 26-модда) билан тасдиқланган Республика йўл жамғармаси маблағларини шакллантириш ва улардан фойдаланиш тўғрисидаги Низомнинг 9-банди олтинчи хатбоши «органларига» сўзидан сўнг «(кичик ва ўрта корхоналар, микрофирмалар бундан мустасно)» сўзлари билан тўлдирилсин.

2. Вазирлар Маҳкамасининг 1996 йил 27 декабрдаги 459-сон қарори (Ўзбекистон Республикаси ҚТ, 1996 й., 12-сон, 37-модда) билан тасдиқланган Ўзбекистон Республикаси Ижтимоий таъминот вазирлиги ҳузуридаги Пенсия жамғармаси тўғрисидаги Низомнинг 7-банди учинчи хатбоши «шахслардан» сўзидан сўнг «(кичик ва ўрта корхоналар, микрофирмалар бундан мустасно), шунингдек, тегишли органлардан» сўзлари билан тўлдирилсин.

3. Вазирлар Маҳкамасининг 1998 йил 8 июлдаги 286-сон қарори (Ўзбекистон Республикаси ҚТ, 1998 й., 7-сон, 24-модда) билан тасдиқланган Ўзбекистон Республикаси Молия вазирлиги ҳузуридаги Суғурта назорати давлат инспекцияси тўғрисидаги Низомнинг 5-банди иккинчи хатбоши қуйидаги таҳрирда баён қилинсин:

«суғурталовчилардан суғурта фаолияти тўғрисида белгиланган ҳисобот ва уларнинг молиявий аҳволи ҳақидаги ахборотни, шунингдек, корхоналар, муассасалар, ташкилотлар, банклардан (кичик ва ўрта корхоналар, микрофирмалар бундан мустасно), фуқаролардан ўзига юкланган функцияларини бажариш учун зарур бўлган ахборотни олиш».

4. Вазирлар Маҳкамасининг 1999 йил 26 июлдаги 362-сон қарори (Ўзбекистон Республикаси ҚТ, 1999 й., 7-сон, 42-модда) билан тасдиқланган Ўзбекистон Республикаси Макроиқтисодиёт ва статистика вазирлиги ҳузуридаги Иқтисодий ночор корхоналар ишлари қўмитаси тўғрисидаги Низомнинг 9-банди ўн биринчи хатбоши «хўжалик юритувчи субъектлар раҳбарлари» сўзларидан сўнг «(кичик ва ўрта корхоналар, микрофирмалар бундан мустасно)» сўзлари билан тўлдирилсин.