«Фуқароларнинг ўзини ўзи бошқариш органлари тўғрисида» янги таҳрирдаги Ўзбекистон Республикаси Қонуни қабул қилинганлиги муносабати билан Вазирлар Маҳкамаси қарор қилади:

Ўзбекистон Республикаси Ҳукуматининг айрим қарорларига иловага мувофиқ ўзгартиришлар киритилсин.

1. Вазирлар Маҳкамасининг «Республика «Маҳалла» хайрия жамғармаси фаолиятини ташкил этиш масалалари тўғрисида» 1992 йил 17 октябрдаги 480-сон қарорида:

1-банднинг учинчи хатбошида «шаҳар, ноҳия ва маҳаллий маҳалла қўмиталари» сўзлари «фуқароларнинг ўзини ўзи бошқариш органлари» сўзлари билан алмаштирилсин;

2-банднинг саккизинчи хатбоши чиқариб ташлансин.

2. Вазирлар Маҳкамасининг «Уй-жой фондига хизмат кўрсатиш ва уни сақлаш учун ҳисоб-китобларнинг контракт (шартнома) тизимига ўтиш тўғрисида» 1993 йил 17 июлдаги 363-сон қарори 8-бандининг учинчи ва тўртинчи хатбошиларида «маҳалла ва уй-жой комитетларини», «маҳалла ва уй-жой комитетларининг» сўзлари тегишлича «фуқароларнинг ўзини ўзи бошқариш органларини», «фуқароларнинг ўзини ўзи бошқариш органларининг» сўзлари билан алмаштирилсин.

3. Вазирлар Маҳкамасининг «Давлат уй-жой фонди хусусийлаштирилиши муносабати билан норматив ҳужжатларни тасдиқлаш тўғрисида» 1994 йил 28 июндаги 325-сон қарори билан тасдиқланган Турар жойлардан ва уй атрофидаги ерлардан фойдаланиш Қоидаларининг (Ўзбекистон Республикаси ҚТ, 1994 й., 6-сон, 34-модда):

37-бандидаги «уй ва маҳалла қўмиталари» сўзлари «фуқароларнинг ўзини ўзи бошқариш органлари» сўзлари билан;

41-бандидаги «маҳалла қўмиталари» сўзлари «фуқароларнинг ўзини ўзи бошқариш органлари» сўзлари билан;

44-бандидаги «маҳалла қўмиталари» сўзлари «фуқароларнинг ўзини ўзи бошқариш органлари» сўзлари билан алмаштирилсин.

4. Вазирлар Маҳкамасининг 1994 йил 3 ноябрдаги 533-сон қарори билан тасдиқланган Давлат божи ставкаларининг (Ўзбекистон Республикаси ҚТ, 1994 й., 11-сон, 49-модда) 4-банди биринчи хатбошида «шаҳар, туман ва қишлоқ бошқарув органларининг» сўзлари «посёлкалар, қишлоқлар ва овуллар фуқаролар йиғинлари раислари (оқсоқоллари)нинг» сўзлари билан алмаштирилсин.

5. Вазирлар Маҳкамасининг 1999 йил 11 февралдаги 66-сон қарори билан тасдиқланган Ўзбекистон Республикаси Молия вазирлигининг Назорат-тафтиш бош бошқармаси ва унинг ҳудудий назорат-тафтиш бошқармалари тўғрисидаги Низомнинг 6-банди бешинчи хатбошида «маҳалла қўмиталари» сўзлари «фуқароларнинг ўзини ўзи бошқариш органлари» сўзлари билан алмаштирилсин.