«Аҳолининг санитария-эпидемиологик осойишталиги тўғрисида» ва «Тадбиркорлик фаолияти соҳасидаги рухсат бериш тартиб-таомиллари тўғрисида»ги Ўзбекистон Республикаси қонунларига мувофиқ, шунингдек Ўзбекистон Республикаси санитария-эпидемиология хизмати тизимида рухсат этиш хусусиятига эга ҳужжатларни беришни тартибга солиш чора-тадбирларини кучайтириш ва соддалаштириш мақсадида Вазирлар Маҳкамаси қарор қилади:

1. Қуйидагилар:

Янги махсус киритиладиган биологик актив моддаларни олиб кириш ва ишлаб чиқаришга рухсатнома бериш тартиби тўғрисидаги Низом 1-иловага* мувофиқ;

Янги озиқ-овқат қўшимчаларини олиб кириш ва ишлаб чиқаришга рухсатномалар бериш тартиби тўғрисидаги Низом 2-иловага*;

Янги кимёвий моддалар, биологик воситалар ва материаллар, полимер ва пластик массалар, парфюмерия-косметика воситаларини олиб кириш ҳамда ишлаб чиқаришга рухсатномалар бериш тартиби тўғрисидаги Низом 3-иловага* мувофиқ тасдиқлансин.

2. Вазирлар Маҳкамасининг 2013 йил 15 августдаги 225-сон қарори (Ўзбекистон Республикаси ҚТ, 2013 й., 8-сон, 55-модда) билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхатига 4-иловага мувофиқ ўзгартиришлар киритилсин.

3. Ўзбекистон Республикаси Соғлиқни сақлаш вазирлиги манфаатдор вазирликлар ва идоралар билан биргаликда:

ўз идоравий норматив-ҳуқуқий ҳужжатларини бир ой муддатда ушбу қарорга мувофиқлаштирсин;

ушбу қарорнинг мақсадлари, мазмуни ва амалий аҳамияти тадбиркорлик субъектлари орасида кенг ёритилишига доир тадбирлар ташкил этилиши ва ўтказилишини таъминласин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.

1. «Рухсат этиш хусусиятига эга ҳужжатнинг номи (тартиб-таомиллар)» устунининг 159-позициясидаги «хулоса» сўзи «рухсатнома» сўзи билан алмаштирилсин.

2. 160-позицияда:

а) «Рухсат этиш хусусиятига эга ҳужжатнинг номи (тартиб-таомиллар)» устунидаги «янги кимёвий моддалар, биологик воситалар, материалларни қўллаш» сўзлари «янги кимёвий моддалар, биологик воситалар ва материалларни олиб кириш ва ишлаб чиқариш» сўзлари билан алмаштирилсин;

б) «Содир этилиши ва (ёки) амалга оширилиши учун рухсат этиш хусусиятига эга ҳужжат зарур бўлган хатти-ҳаракат ва (ёки) муайян фаолият» устунидаги «Янги кимёвий моддалар, биологик воситалар, материалларни қўллаш» сўзлари «Янги кимёвий моддалар, биологик воситалар ва материалларни олиб кириш ва ишлаб чиқариш» сўзлари билан алмаштирилсин.