|
Ҳужжат кучини йўқотган 22.07.2022
|
Ўзбекистон Республикаси Вазирлар Маҳкамасининг
қарори
ЯНГИ ТАШКИЛ ЭТИЛАЁТГАН ХЎЖАЛИК ЮРИТУВЧИ СУБЪЕКТЛАР ФАОЛИЯТИ УСТИДАН БАНК ВА СОЛИҚ НАЗОРАТИНИ КУЧАЙТИРИШ ЧОРА-ТАДБИРЛАРИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2022 йил 21 июлдаги 396-сонли «Қонунчилик базасини янада тизимлаштириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Янги ташкил этилаётган хўжалик юритувчи субъектлар фаолияти устидан банк ва солиқ назоратини кучайтириш тўғрисида» 1999 йил 29 мартдаги ПФ-2276-сон Фармонини бажариш юзасидан Вазирлар Маҳкамаси қарор қилади:
1. Қуйидагилар:
Ўзбекистон Республикаси Марказий банкига, тижорат банкларига Ўзбекистон Республикаси Давлат солиқ қўмитаси билан биргаликда корхоналар молия-хўжалик фаолиятини амалга оширмаганлиги муносабати билан уларни тугатиш учун белгиланган давр давомида хўжалик юритувчи субъектларнинг счётлари бўйича пул маблағлари ҳаракати тўхтатилиши тўғрисида хабар қилишнинг электрон тизимини уч ой муддатда ишлаб чиқиш ва жорий этиш;
Олдинги таҳрирга қаранг.
(1-банднинг учинчи хатбошиси Ўзбекистон Республикаси Вазирлар Маҳкамасининг 2000 йил 24 мартдаги 104-сонли қарорига мувофиқ ўз кучини йўқотган)
2. Ўзбекистон Республикаси Макроиқтисодиёт ва статистика вазирлиги Марказий банк билан биргаликда хўжалик юритувчи субъектларнинг очилган, тўхтатилган ва ёпилган счётлари тўғрисида тижорат банкларининг ҳар ойлик статистика ҳисоботлари шаклини бир ой муддатда ишлаб чиқсин ва 1999 йилнинг иккинчи чорагидан бошлаб жорий этсин.
3. Ўзбекистон Республикаси Давлат солиқ қўмитаси, Молия вазирлиги, Макроиқтисодиёт ва статистика вазирлиги, Давлат мулки қўмитаси, Адлия вазирлиги бир ой муддатда Вазирлар Маҳкамасига:
Молия-хўжалик фаолиятини амалга оширмаётган корхоналарни тугатиш тўғрисидаги низом;
Тугатилаётган корхоналарнинг бюджетга ўз муддатида тўланмаган тўловларини ҳисобдан чиқариш тартиби лойиҳаларини киритсинлар.
4. Ўзбекистон Республикаси Иқтисодиёт вазирлиги Давлат солиқ қўмитаси билан биргаликда корхоналарнинг улар ёпилишига олиб келган молия-хўжалик фаолияти амалга оширилмаслиги сабабларини ўрганиб чиқсин ва ҳар чоракда Вазирлар Маҳкамасига ахборот берсин.
(4-банд Ўзбекистон Республикаси Вазирлар Маҳкамасининг 2005 йил 11 февралдаги 59-сонли қарори таҳририда — ЎР ҚҲТ, 2005 й., 5-6-сон, 34-модда)
5. Ўзбекистон Республикаси Ички ишлар вазирлиги рўйхатдан ўтказувчи орган ва давлат солиқ хизмати органининг тақдимномаси бўйича тугатилаётган хўжалик юритувчи субъектлар муассислари ва мансабдор шахслари рўйхатдан ўтказилган манзилда бўлмаган тақдирда уларнинг қидирилишини таъминласин.
6. Мазкур қарорнинг бажарилишини назорат қилиш Ўзбекистон Республикаси Бош вазири ўринбосари Б.С. Ҳамидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1999 йил 30 март,
146-сон
