Уруш қурбонларини ҳимоя қилиш тўғрисидаги Женева конвенцияларига ҳамда халқаро тусдаги ва халқаро бўлмаган тусдаги қуролли можаролар қурбонларини ҳимоя қилиш тўғрисидаги Женева конвенцияларига доир қўшимча протоколларга қўшилиш ҳақида
Ўзбекистон Республикаси Олий Кенгаши қарор қилади:
«Ҳаракатдаги армиялардаги ярадорлар ва беморларнинг қисматларини енгиллаштириш тўғрисида» 1949 йил 12 августда қабул қилинган Женева конвенциясига;
«Ҳалокатга учраган кемаларнинг денгиздаги қуролли кучлар таркибидан бўлмиш ярадорлари, беморлари ва шахсларининг қисматларини енгиллаштириш тўғрисида» 1949 йил 12 августда қабул қилинган Женева конвенциясига;
«Ҳарбий асирлар билан қилинадиган муомала тўғрисида» 1949 йил 12 августда қабул қилинган Женева конвенциясига;
«Уруш вақтида фуқаро аҳолини ҳимоя қилиш тўғрисида» 1949 йил 12 августда қабул қилинган Женева конвенциясига;
Халқаро қуролли можаролар қурбонларини ҳимоя қилишга тааллуқли, 1949 йил 12 августда қабул қилинган Женева конвенциясига доир 1977 йил 26 сентябрдаги қўшимча протоколга (1 протокол);
Халқаро бўлмаган тусдаги қуролли можаролар қурбонларини ҳимоя қилишга тааллуқли, 1949 йил 12 августда қабул қилинган Женева конвенциясига доир 1977 йил 26 сентябрдаги қўшимча протоколга (II протокол) қўшилинсин.
Ўзбекистон Республикаси Олий Кенгашининг Раиси Ш. ЙЎЛДОШЕВ
Тошкент ш.,
1993 йил 3 сентябрь,
946-XII-сон
(Ўзбекистон Республикаси Олий Кенгашининг Ахборотномаси, 1993 й., 9-сон, 346-модда)
