|
Ҳужжат кучини йўқотган 17.06.2019
|
Ҳужжат 18.02.2000 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ТОЖИКИСТОН РЕСПУБЛИКАСИ ВА ҚИРҒИЗИСТОН РЕСПУБЛИКАСИ АВТОТРАНСПОРТ ВОСИТАЛАРИ ҲАЙДОВЧИЛАРИНИНГ УЧИНЧИ ШАХСЛАР ОЛДИДА ЎЗБЕКИСТОН РЕСПУБЛИКАСИДА ФУҚАРОЛИК ЖАВОБГАРЛИГИ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2019 йил 16 мартдаги 222-сонли «Транспорт воситалари эгаларининг фуқаролик жавобгарлигини мажбурий суғурта қилишни янада такомиллаштириш чора-тадбирлари тўғрисида»ги қарорига асосан 2019 йил 17 июндан ўз кучини йўқотади.
Қўшни давлатларнинг Ўзбекистон Республикаси божхона чегарасидан ўтувчи автотранспорт воситалари кириб келишининг ягона шартларини белгилаш мақсадида Вазирлар Маҳкамаси қарор қилади:
1. Белгилансинки, Тожикистон Республикаси ва Қирғизистон Республикаси транспорт воситалари, бошқа ўзиюрар машина ва механизмларининг Ўзбекистон Республикаси божхона ҳудудига кириб келишига «Ўзагросуғурта» давлат-акциядорлик суғурта компанияси ва Ўзбекистон Республикасининг бошқа суғурта ташкилотларининг Қозоғистон Республикаси ва Туркманистоннинг транспорт воситаларига, бошқа ўзиюрар машиналари ва механизмларига нисбатан қўлланиладиган шартларда ҳайдовчиларнинг учинчи шахслар олдидаги фуқаролик жавобгарлиги суғурта қилинганлиги тўғрисидаги полис мавжуд бўлган тақдирда йўл қўйилади.
Кейинги таҳрирга қаранг.
2. Тожикистон Республикаси ва Қирғизистон Республикаси автотранспорт воситалари учун суғурта тўловлари ставкалари иловага мувофиқ тасдиқлансин.
Кейинги таҳрирга қаранг.
3. Белгилаб қўйилсинки, суғурта тўловлари божхона органлари томонидан бевосита божхона постларида эркин алмаштириладиган валютада ундирилади, кейинчалик маблағлар шартнома асосида суғурта ташкилотлари ҳисоб рақамига ўтказилади.
Кейинги таҳрирга қаранг.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В.Й. Отаев зиммасига юклансин.
Ўзбекистон Республикаси Бош вазири Ў. СУЛТОНОВ
Тошкент ш.,
2000 йил 18 февраль,
59-сон
Вазирлар Маҳкамасининг 2000 йил 18 февралдаги 59-сон қарорига
ИЛОВА
ИЛОВА
Транспорт воситалари эгаларининг учинчи шахслар олдидаги фуқаролик жавобгарлигини суғурта қилиш шартномалари бўйича Ўзбекистон Республикаси ҳудудига 1 ойгача муддатга кириб келаётган бир автотранспорт воситасидан ундириладиган суғурта тўловлари
Кейинги таҳрирга қаранг.
СТАВКАЛАРИ
|
Т/р |
Транспорт турлари |
Суғурта жавобгарлиги ҳажмига нисбатан суғурта тўловлари ставкалари (фоизлари) |
|
3000 АҚШ доллари (Тожикистон Республикаси ва Қирғизистон Республикаси) | ||
| 1. | Юк автомобили | 2,5 |
| 2. | Автобуслар | 2,0 |
| 3. | Микроавтобуслар | 1,8 |
| 4. | Енгил автомобиллар | 1,5 |
| 5. | Тракторлар, комбайнлар ва бошқа ўзиюрар машиналар ва механизмлар | 1,0 |
| 6. | Мототранспорт | 0,7 |
Кейинги таҳрирга қаранг.
Тожикистон Республикаси ва Қирғизистон Республикаси автотранспорти учун суғурта суммалари миқдорлари:
1000 АҚШ доллари — мол-мулкка етказилган зарарни қоплаш учун;
2000 АҚШ доллари — ўлимга олиб келган зарарни қоплаш учун.
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2002 й., 22-сон, 180-модда; Қонун ҳужжатлари маълумотлари миллий базаси, 12.10.2017 й., 09/17/810/0095-сон, 16.03.2018 й., 09/18/202/0904-сон)
