|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
Наманган вилояти Поп туманининг «Оқтау» массивидаги яйловлардан Фарғона вилоятига узоқ муддат билан ер ажратиш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Фарғона вилояти томонидан кўп йиллардан бери Наманган вилоятининг Поп туманидаги «Оқтау» массивида 48 минг гектар яйловдан фойдаланиб келинганлиги ҳамда Фарғона ва Наманган вилоятларида яйлов ерлар танқислигини ҳисобга олган ҳолда Вазирлар Маҳкамаси қарор қилади:
1. Наманган вилояти Поп туманининг «Оқтау» массивидаги яйлов ерлардан 25.0 минг гектари Фарғона вилоятига 25 йил муддатга фойдаланиш учун қолдирилсин.
2. Ўзбекистон Республикаси Қишлоқ ва сув хўжалиги вазирлигига Фарғона вилоятининг чорва молларини олиб ўтиш жойларини белгилаш юклансин.
Ўзбекистон Республикасининг Бош вазири Ў. СУЛТОНОВ
Тошкент ш.,
1997 йил 9 июнь,
289-сон
