|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
Деҳқончилик саноати комплекси корхоналарига ва ташкилотларига молиявий ёрдам кўрсатиш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
«Ўздонмаҳсулот», «Ўздавпахтасаноатсотиш», «Ўзмевасабзавотузумсаноат» тизимлари корхоналари ва ташкилотларининг нормал ишлашлари, улар моддий-техника ва хом ашё ресурсларини етказиб берувчилар билан ўз вақтида ҳисоб-китобларни амалга оширишлари учун зарур шарт-шароитлар яратиш мақсадида Вазирлар Маҳкамаси қарар қилади:
1. Ўзбекистон Республикаси Марказий банкига 2 йил муддатга йилига 5 фоиз ушлаб қолиш шарти билан Молия вазирлигига айланма маблағларни кўпайтириш учун 95,8 млрд сўм миқдорида мақсадли кредит ресурсларини бериш тавсия қилинсин.
Молия вазирлиги юқорида кўрсатиб ўтилган шартларда айланма маблағларни тўлдириш учун «Ўздонмаҳсулот» давлат концернига –– 37,4 млрд сўм, «Ўздавпахтасаноатсотиш» давлат уюшмасига –– 48,0 млрд сўм ва «Ўзмевасабзавотузумсаноат» концернига –– 10,4 млрд, сўм кредит ресурсларини берсин.
2. «Ўздонмаҳсулот» давлат концерни, «Ўздавпахтасаноатсотиш» давлат уюшмаси ва «Ўзмевасабзавотузумсаноат» концерни моддий бойликлар учун етказиб берувчилар билан ўз вақтида ҳисоб-китобларни амалга оширишни таьминласинлар, тасарруфларидаги корхоналарнинг молиявий аҳволини яхшилашга қаратилган чора-тадбирларни кўрсинлар.
Вазирлар Маҳкамасининг Раиси И. КАРИМОВ
Тошкент ш.,
1993 йил 1 октябрь,
479-сон
