|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
«Ўзэкспомарказ» республика савдо-кўргазма марказига бериладиган солиқ имтиёзлари тўғрисида
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Ташқи иқтисодий алоқалар вазирлигининг «Ўзэкспомарказ» республика савдо-кўргазма маркази томонидан кўрсатиладиган қўшимча маданий-соғломлаштириш хизматларини аҳоли кенг қатламлари учун маъқул бўлган нархларни сақлаган ҳолда кенгайтириш учун шарт-шароитлар яратиш ва асбоб-ускуналар лизинги бўйича тўловларни ўз вақтида таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ташки иқтисодий алоқалар вазирлигининг болалар учун янги маданий-томоша тадбирлари, ўйинлар аттракциони ва клублар ташкил этиш тўғрисидаги таклифига розилик берилсин.
2. Япониянинг Ўзбекистондаги Элчихонаси таклифига кўра ва унинг кўмагида «Ўзэкспомарказ» республика савдо-кўргазма маркази ҳудудида япон манзарали боғи барпо этилиши маълумот учун қабул қилинсин.
3. «Ўзэкспомарказ» республика савдо-кўргазма маркази ер солиғи ва қўшилган қиймат солиғи тўлашдан, илгари ҳисобланган ва тўланмаган солиқлар ҳам шу жумлага киради, 3 йил муддатга озод қилинсин.
4. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 26 июль,
267-сон
