|
Ҳужжат кучини йўқотган 01.03.2022
|
Ҳужжат 12.06.2012 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ХОРИЖИЙ КИНОКОМПАНИЯЛАР ТОМОНИДАН ЎЗБЕКИСТОН РЕСПУБЛИКАСИ ҲУДУДИДА БАДИИЙ ФИЛЬМЛАРНИ КИНО ВА ВИДЕО ТАСВИРГА ОЛИШ ТАРТИБИ ТЎҒРИСИДА
Кейинги таҳрирга қаранг.
LexUZ шарҳиМазкур қарор Ўзбекистан Республикаси Вазирлар Маҳкамасининг 2022 йил 22 февралдаги 86-сонли «Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомни тасдиқлаш ҳақида»ги қарорига асосан 2022 йил 1 мартдан ўз кучини йўқотади.
Хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олишни тартибга солиш мақсадида Вазирлар Маҳкамаси қарор қилади:
Кейинги таҳрирга қаранг.
1. Хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш тартиби тўғрисидаги Низом иловага мувофиқ тасдиқлансин.
Кейинги таҳрирга қаранг.
2. Белгилансинки, хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш фақат хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олишга рухсатномалар асосида амалга оширилади.
Кейинги таҳрирга қаранг.
3. «Ўзбеккино» миллий агентлиги хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олишга рухсатнома бериш бўйича ваколатли орган этиб белгилансин.
Кейинги таҳрирга қаранг.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н.Арипов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2012 йил 12 июнь,
169-сон
Вазирлар Маҳкамасининг 2012 йил 12 июндаги 169-сон қарорига
ИЛОВА
ИЛОВА
Хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш тартиби тўғрисида
Н И З О М
Кейинги таҳрирга қаранг.
I. Умумий қоидалар
1. Ушбу Низом хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш тартибини белгилайди.
Кейинги таҳрирга қаранг.
2. Хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш фақат хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олишга берилган рухсатномалар (кейинги ўринларда рухсатнома деб аталади) асосида амалга оширилади.
Кейинги таҳрирга қаранг.
Фильмни ишлаб чиқариш Ўзбекистон Республикаси давлат бюджети маблағлари ҳисобига Ўзбекистон кинемотографистлари жалб этилган ҳолда амалга оширилган тақдирда рухсатнома олиш талаб этилмайди.
Кейинги таҳрирга қаранг.
3. «Ўзбеккино» миллий агентлиги (кейинги ўринларда Агентлик деб аталади) рухсатнома бериш бўйича ваколатли орган ҳисобланади.
4. Ушбу Низомда қуйидаги асосий тушунчалардан фойдаланилади:
бадиий фильм (кейинги ўринларда фильм деб аталади) — оригинал сценарий ёки адабий асарни экранлаштириш асосида тасвирга олинадиган аудиовизуал асар;
Кейинги таҳрирга қаранг.
кино ва видео тасвирга олиш — ўзаро боғлиқ тасвирларни кинотасма (целлулоид асосида) ёки рақамли воситаларга овоз ёки овозсиз қайд этиш йўли билан кинематографик тасвирларни яратиш жараёни;
режиссёр сценарийси — ҳаракат содир бўладиган жой ва вақт, режанинг йириклиги, метраж, тасвирга олиш усули ва овозлаштирилиши кўрсатилган ҳолда фильм сюжети ривожланишининг монтаж изчиллигидаги ҳар бир эпизоднинг тўлиқ тавсифи мавжуд бўлган фильм олишнинг ижодий ва ишлаб чиқариш-техник лойиҳаси;
Кейинги таҳрирга қаранг.
фильм олиш тақвим режаси — фильмни олиш жараёнида ишларнинг барча турлари бажарилиши муддатларини акс эттирувчи тасвирга олиш гуруҳининг ишлаб чиқариш режаси;
Кейинги таҳрирга қаранг.
ариза берувчи — Ўзбекистон Республикаси ҳудудида фильмни кино ва видео тасвирга олиш ниятидаги хорижий кинокомпания ёхуд бошқа ташкилот;
рухсатнома — Ўзбекистон Республикаси ҳудудида кино ва видео тасвирга олиш учун ариза берувчининг ҳуқуқини тасдиқлайдиган ҳужжат;
эксперт кенгаш — ариза берувчига рухсатнома бериш масалалари бўйича хулоса чиқариш ваколатига эга бўлган манфаатдор вазирликлар ва ташкилотлар вакилларидан, шунингдек жалб этилган киношунослар, кино танқидчилари, санъатшунослардан ташкил этилган комиссия;
Кейинги таҳрирга қаранг.
маҳаллий ташкилот — Ўзбекистон Республикаси резиденти ҳисобланган, бадиий ва хроникал-ҳужжатли, илмий-оммабоп, тасвирий, мультипликацион кино ва видеофильмларни ҳамда дастурларни ишлаб чиқаришга тегишли лицензияга эга бўлган, кино ва видео тасвирга олишда ариза берувчига шартнома асосида ташкилий ва ишлаб чиқариш-техник хизматлар кўрсатувчи юридик шахс.
Кейинги таҳрирга қаранг.
II. Рухсатнома бериш тартиби
5. Ариза берувчи рухсатнома олиш учун Ўзбекистон Республикаси ҳудудида суратга олиш ишлари бошланишидан камида икки ой олдин Агентликка қуйидаги ҳужжатларни тақдим этади:
Кейинги таҳрирга қаранг.
ушбу Низомга 1-иловага мувофиқ шакл бўйича рухсатнома бериш учун ариза;
Ўзбекистон Республикаси ҳудудида амалга ошириш режалаштирилаётган эпизодлар, кино ва видео тасвирга олиш ажратиб кўрсатилган ҳолда режиссёр сценарийсининг давлат тилида ёки рус тилида 6 (олти) нусхадаги босма варианти;
Кейинги таҳрирга қаранг.
ушбу Низомга 2-иловага мувофиқ шакл бўйича Ўзбекистон Республикаси ҳудудида кино ва видео тасвирга олинадиган жойлар кўрсатилган ҳолда ишларни ташкил этишнинг фильм олиш тақвим режаси;
Кейинги таҳрирга қаранг.
ариза берувчи томонидан кино ва видео тасвирга олиш учун жалб этиладиган маҳаллий ташкилотнинг бадиий ва хроникал-ҳужжатли, илмий-оммабоп, тасвирий, мультипликацион кино ва видеофильмларни ҳамда дастурларни ишлаб чиқаришга тегишли лицензияси нусхаси, тегишли хизматлар кўрсатиш учун ушбу ташкилот билан тузилган шартнома нусхаси;
Кейинги таҳрирга қаранг.
ариза кўриб чиқилганлиги учун ариза берувчи томонидан йиғим тўланганлигини тасдиқловчи ҳужжат.
Кейинги таҳрирга қаранг.
Ариза берувчидан ушбу Низомда назарда тутилмаган ҳужжатларни тақдим этишни талаб қилишга йўл қўйилмайди.
Ҳужжатлар ариза берувчи томонидан Агентликка бевосита ёхуд олинганлиги тўғрисидаги билдиришнома билан почта алоқаси воситаси орқали етказиб берилади.
Кейинги таҳрирга қаранг.
Ҳужжатлар масъул ходим томонидан рўйхат бўйича қабул қилинади, унинг нусхаси ҳужжатлар қабул қилинган сана тўғрисида белги қўйилган ҳолда ариза берувчига юборилади (топширилади).
Кейинги таҳрирга қаранг.
Кейинги таҳрирга қаранг.
6. Агентлик тақдим этилган ҳужжатларни кўриб чиқади ва ариза қабул қилинган кундан бошлаб бир ойдан ортиқ бўлмаган муддатда қабул қилинган қарор тўғрисида ариза берувчини ёзма равишда хабардор қилади.
Кейинги таҳрирга қаранг.
7. Агентлик ариза берувчи томонидан тақдим этилган ҳужжатлар билан ҳар томонлама танишиш мақсадида Агентлик томонидан ташкил этиладиган Эксперт кенгашнинг хулосаси асосида тегишли қарор қабул қилади.
Кейинги таҳрирга қаранг.
8. Агентлик кўриб чиқиш натижалари бўйича рухсатнома бериш ёхуд рухсатнома беришни рад этиш тўғрисида қарор қабул қилади.
Кейинги таҳрирга қаранг.
9. Қуйидаги ҳолларда:
а) агар режиссёр сценарийсида:
Кейинги таҳрирга қаранг.
миллий, ирқий, этник ёки диний душманликни тарғиб этувчи;
фуқароларнинг миллий мансублиги, диний эътиқодлари муносабати билан уларнинг қадр-қимматини камситувчи, ҳақорат қилувчи ёки ахлоқ нормаларига ва миллий менталитетга зид бўлган;
Ўзбекистон Республикаси халқларининг тарихи, маданияти, анъаналари ва урф-одатларини ноҳаққоний ёки бузиб акс эттирувчи;
бошқа халқларнинг маданий-тарихий қадриятларига, маънавий-ахлоқий асосларига ва бошқа манфаатларига дахл қилувчи;
Кейинги таҳрирга қаранг.
экстремизм ва терроризм ғояларини, зўравонлик ва шафқатсизликни тарғиб қилувчи;
Ўзбекистон Республикаси қонун ҳужжатларига мувофиқ жиноий ёки бошқа жавобгарликка олиб келувчи порнографик ва бошқа хусусиятга эга бўлган саҳналар мавжуд бўлса;
б) ариза берувчи томонидан тақдим этилган ҳужжатларда ишончсиз ёки бузилган маълумотлар мавжуд бўлса;
Кейинги таҳрирга қаранг.
в) рухсатнома берилганлиги учун йиғим тўлаш шартларига риоя этилмаса рухсатнома бериш рад этилиши мумкин.
Кейинги таҳрирга қаранг.
10. Ижобий қарор қабул қилинган тақдирда ариза берувчига ушбу Низомга 3-иловага мувофиқ шакл бўйича рухсатнома берилади.
Кейинги таҳрирга қаранг.
Рухсатнома ариза берувчи томонидан рухсатнома берилганлиги учун белгиланган тўлов тўланганлигини тасдиқловчи ҳужжат тақдим этилгандан кейин уч кун муддатда берилади.
Кейинги таҳрирга қаранг.
11. Рухсатнома бериш рад этилиши тўғрисида қарор қабул қилинган тақдирда рад этиш тўғрисидаги билдиришнома Агентлик томонидан рад этишнинг аниқ сабаблари ва рухсатнома талабгори кўрсатиб ўтилган сабабларни бартараф этиб такроран кўриб чиқиш учун ҳужжатларни тақдим этиши учун етарли бўлган муддат кўрсатилган ҳолда ёзма шаклда ариза берувчига юборилади (топширилади).
Кейинги таҳрирга қаранг.
12. Ариза берувчи томонидан рухсатнома бериш рад этилиши учун асос бўлиб хизмат қилган сабаблар бартараф этилган тақдирда, ҳужжатларни такроран кўриб чиқиш барча зарур ҳужжатлар билан биргаликда ариза олинган кундан бошлаб ўн кундан ортиқ бўлмаган муддатда амалга оширилади.
Кейинги таҳрирга қаранг.
Бунда Эксперт кенгаш ҳужжатлар такроран кўриб чиқилгандан кейин беш кун мобайнида улар бўйича эксперт хулосасини тайёрлайди.
Кейинги таҳрирга қаранг.
Агентлик Эксперт кенгашнинг хулосаси олингандан кейин тўрт кундан ортиқ бўлмаган муддатда рухсатнома бериш ёки рухсатнома беришни рад этиш тўғрисида қарор қабул қилади.
Кейинги таҳрирга қаранг.
Рухсатнома бериш рад этилганлиги тўғрисидаги билдиришномада кўрсатилган муддат тамом бўлгандан кейин берилган ариза янгидан берилган ариза деб ҳисобланади.
13. Рухсатнома фильм олиш тақвим режасида қайд этилган муддатга берилади. Агентлик билан келишилган фильм олиш тақвим режаси рухсатноманинг ажралмас қисми ҳисобланади.
Кейинги таҳрирга қаранг.
14. Агар суратга олиш жараёни давомида ариза берувчида фильм олиш тақвим режасига ёки кино ва видео тасвирга олиш жойларига ўзгартиришлар киритиш зарурияти юзага келса (келишилган режиссёр сценарийси мазмунига ўзгартириш киритмасдан), у ҳолда, хорижий кинокомпаниянинг аризаси бўйича Агентлик икки ҳафтадан ортиқ бўлмаган муддатда аризани кўриб чиқади ва мўлжалланаётган ўзгартиришлар бўйича қарор чиқаради. Ижобий қарор қабул қилинган тақдирда киритилган ўзгартиришлар кўрсатилган ҳолда қўшимча рухсатнома берилади.
Кейинги таҳрирга қаранг.
III. Рухсатноманинг амал қилишини тўхтатиб туриш, тўхтатиш ва уни бекор қилиш
15. Рухсатноманинг амал қилиши, агар:
кино ва видео тасвирга олиш жараёнида тасвирга олинаётган материалнинг ҳақиқий мазмуни билан Агентлик билан келишилган режиссёр сценарийси ўртасида тафовутлар аниқланган;
Кейинги таҳрирга қаранг.
кино ва видео тасвирга олиш Агентлик билан келишилган фильм олиш тақвим режасида назарда тутилмаган жойларда амалга оширилган;
Кейинги таҳрирга қаранг.
хорижий кинокомпания бадиий ва хроникал-ҳужжатли, илмий-оммабоп, тасвирий, мультипликацион кино ва видеофильмлар ҳамда дастурларни ишлаб чиқаришга тегишли лицензияга эга бўлмаган маҳаллий ташкилот хизматларидан фойдаланган;
Кейинги таҳрирга қаранг.
Агентликнинг ариза берувчига аниқланган бузилишларни бартараф этиш мажбуриятини юкловчи қарори хорижий кинокомпания томонидан бажарилмаган ҳолларда тўхтатиб турилиши мумкин.
Кейинги таҳрирга қаранг.
Хорижий кинокомпания томонидан рухсатноманинг амал қилишини тўхтатиб туришга олиб келган ҳолатлар бартараф этилган тақдирда, Агентлик кўрсатиб ўтилган ҳолатлар бартараф этилганлиги тўғрисида тасдиқнома олинган кундан бошлаб уч кун муддатда рухсатноманинг амал қилишини тиклаш тўғрисида қарор қабул қилишга мажбурдир.
Кейинги таҳрирга қаранг.
Кейинги таҳрирга қаранг.
16. Рухсатноманинг амал қилиши:
хорижий кинокомпания рухсатноманинг амал қилишини тўхтатиш тўғрисидаги ариза билан мурожаат қилган;
хорижий кинокомпания тугатилган;
рухсатноманинг амал қилишини тўхтатиб туришга олиб келган ҳолатлар Агентлик томонидан белгиланган муддатда хорижий кинокомпания томонидан бартараф этилмаган;
Агентликнинг рухсатнома бериш тўғрисидаги қарори ноқонунийлиги аниқланган;
Кейинги таҳрирга қаранг.
рухсатноманинг амал қилиш муддати тўхтатилган ҳолларда Агентлик томонидан тўхтатилади.
Кейинги таҳрирга қаранг.
Агентликнинг рухсатноманинг амал қилишини тўхтатиш тўғрисидаги қарори хорижий кинокомпанияга қарор қабул қилинган кундан бошлаб уч кундан кечикмай ёзма шаклда етказилади.
Кейинги таҳрирга қаранг.
17. Рухсатномани бекор қилиш, агар:
қалбаки ҳужжатлардан фойдаланган ҳолда рухсатнома олиш ҳолати аниқланган;
ариза берувчи рухсатнома бериш учун қарор қабул қилиш тўғрисидаги билдиришнома юборилган (топширилган) пайтдан бошлаб бир ой мобайнида Агентликка рухсатнома берилганлиги учун белгиланган тўлов тўланганлигини тасдиқловчи ҳужжат тақдим этмаган;
Кейинги таҳрирга қаранг.
ариза берувчи рухсатномани бекор қилиш тўғрисидаги ариза билан мурожаат қилган ҳолларда Агентлик томонидан тўхтатилади.
Кейинги таҳрирга қаранг.
18. Агентликнинг рухсатнома амал қилишини тўхтатиб туриш, тўхтатиш ёки уни бекор қилиш тўғрисидаги қарори устидан Ўзбекистон Республикаси судларига шикоят қилиш мумкин. Рухсатноманинг амал қилишини тўхтатиб туриш, тўхтатиш ёки уни бекор қилиш суд томонидан асоссиз деб эътироф этилган тақдирда Агентлик хорижий кинокомпания олдида етказилган зарар миқдорида жавоб беради.
IV. Ариза кўриб чиқилганлиги учун тўлов ва рухсатнома бериш
19. Рухсатнома олишга ариза кўриб чиқилганлиги учун ариза берувчидан Ўзбекистон Республикасида белгиланган энг кам ойлик иш ҳақининг бир баравари миқдорида йиғим ундирилади.
Ариза кўриб чиқилганлиги учун йиғим суммаси Агентликнинг ҳисоб рақамига ўтказилади.
Ариза берувчи берилган аризани рад этган ёки рухсатнома бериш рад этилган тақдирда тўланган йиғим суммаси қайтарилмайди.
Кейинги таҳрирга қаранг.
20. Рухсатнома берилганлиги учун ариза берувчидан республика бюджети даромадига Агентлик билан келишилган фильм олиш тақвим режасининг тасвирга олиш кунлари сонидан келиб чиқиб ҳар бир тасвирга олиш куни учун 200 АҚШ долларига тенг суммада (тўлов кунида Ўзбекистон Республикаси Марказий банкининг курси бўйича) миллий валютада тўлов ундирилади.
Кейинги таҳрирга қаранг.
21. Фильм олиш тақвим режасига ўзгартиришлар киритилиши муносабати билан Агентлик томонидан қўшимча рухсатнома берилган тақдирда киритилган ўзгартиришлар ҳисобга олинган ҳолда қўшилган тасвирга олиш кунларидан келиб чиқиб қўшимча тўлов ундирилади.
Агентлик томонидан рухсатноманинг амал қилишини тўхтатиш ёки уни бекор қилиш тўғрисида қарор қабул қилинган тақдирда тўланган тўлов суммаси қайтарилмайди.
Кейинги таҳрирга қаранг.
V. Рухсатномалар бланкаларини рўйхатдан ўтказиш ва ҳисобга олиш
22. Агентлик томонидан ариза берувчиларга бериладиган рухсатномалар бланкалари қатъий ҳисобот бериладиган бланкалар ҳисобланади.
23. Рухсатномаларнинг бериладиган бланкаларини рўйхатдан ўтказиш ва ҳисобга олиш Агентлик томонидан махсус журналда юритилади. Журналга тартиб рақами қўйилган ва у ип ўтказиб тикилган бўлиши керак. Журналнинг охирги саҳифасида варақларнинг ип ўтказиб тикилган жойига Агентлик муҳрининг изи акс эттирилади ва Агентлик раҳбарининг тасдиқловчи имзоси қўйилади.
Режиссёр сценарийсининг Эксперт кенгаш томонидан қабул қилинган узил-кесил варианти нусхаси Агентликда сақланиши керак.
Кейинги таҳрирга қаранг.
VI. Ушбу Низом талаблари ва шартларига риоя этилиши учун жавобгарлик ва назорат қилиш
24. Хорижий компания ва у томонидан жалб этилган маҳаллий ташкилот Ўзбекистон Республикаси қонун ҳужжатларига мувофиқ ушбу Низом талабларига риоя этилиши учун жавоб беради.
Кейинги таҳрирга қаранг.
25. Ушбу Низом талабларига риоя этиш устидан назорат қилиш Агентлик томонидан белгиланган тартибда амалга оширилади.
26. Ушбу Низом талаблари бузилишида айбдор бўлган шахслар Ўзбекистон Республикаси қонун ҳужжатларига мувофиқ жавоб берадилар.
Хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш тартиби тўғрисидаги Низомга
1-ИЛОВА
1-ИЛОВА
|
Хорижий компания томонидан Ўзбекистон Республикаси ҳудудида бадиий фильмларни кино ва видео тасвирга олишга рухсатнома олиш учун | ||
|
ариза | ||
| | ||
|
«Ўзбеккино» миллий агентлигига | ||
| ___________________________________________________ мамлакатининг | ||
| ______________________________________________________компанияси | ||
|
(юридик шахснинг тўлиқ номи) | ||
| компания реквизитлари ____________________________________________ | ||
|
(почта манзили, телефон, факс, электрон почта, банк реквизитлари) | ||
| _______________________________________________ фильми учун (номи) | ||
| (асл нусха тилида ва рус ёки ўзбек тилига таржима қилинган ҳолда) | ||
|
Ўзбекистон Республикаси ҳудудида хорижий компания томонидан бадиий фильмларни кино ва видео тасвирга олиш учун рухсатнома беришни илтимос қилади | ||
| фильм тури ______________________________________________________ | ||
|
(кўп серияли, бир серияли, қисқа метражли) | ||
| саҳналаштирувчи режиссёр _________________________________________ | ||
| продюсер________________________________________________________ | ||
|
Тасвирга олиш режалаштирилаётган Ўзбекистон Республикаси вилоятлари (Қорақалпоғистон Республикаси) ва туманлари (шаҳарлари) _______________ | ||
| ________________________________________________________ | ||
| Фильм олишнинг тақвим режасига мувофиқ: | ||
| — фильмни тасвирга олишни ташкил этиш бўйича ишларнинг бошланиши | ||
| 20___й. «___»________________ | ||
| — фильмни тасвирга олишни ташкил этиш бўйича ишларнинг тамом бўлиши | ||
| 20___й. «___»________________ | ||
| Тасвирга олиш кунлари сони ______________________________ (ёзув билан) | ||
| Ўзбекистонда тасвирга олишни ташкил этиш бўйича хизматлар кўрсатувчи маҳаллий ташкилот: | ||
| ________________________________________________________ | ||
|
(Маҳаллий ташкилотнинг номи, почта манзили, лицензия рақами ва санаси) | ||
| Аризага илова қилинадиган ҳужжатлар: | ||
|
1. Фильм олиш тақвим режаси. |
| |
|
2. 6 нусхада режиссёр сценарийси. |
| |
|
Ўзбекистон Республикаси ҳудудида хорижий компания томонидан бадиий фильмларни кино ва видео тасвирга олишга рухсатнома олиш шартлари билан танишдик. | ||
| | ||
| Компания раҳбари____________________________ | ||
| | (Ф.И.О.) | |
| | ||
| Муҳр ўрни | | ________________ |
| | |
имзо |
| | ||
| 20___ й. «______»_________________ | ||
Кейинги таҳрирга қаранг.
Хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш тартиби тўғрисидаги Низомга
2-ИЛОВА
2-ИЛОВА
| «Келишилди» | ||||||||||||
| «Ўзбеккино» МА Бош директори | ||||||||||||
| __________________________________ | ||||||||||||
| М.Ў. | ||||||||||||
| 20…..йил «….» ……………………. | ||||||||||||
| | ||||||||||||
|
Фильм ишларини ташкил этишнинг фильм олиш тақвим режаси | ||||||||||||
|
…………………………………………………………. | ||||||||||||
|
Сана |
Тасвирга олишни ташкил этиш жойи ва тасвирга олиш |
Объектнинг номи |
Кадрлар рақами |
метраж |
Кунлар сони | |||||||
|
бошланиши |
охири |
тайёргарлик кўриш |
ўзлаш-тириш |
репетиция |
кўчиш |
дам олиш кунлари |
тасвирга олиш |
ҳаммаси | ||||
| | | | | | | | | | | | | |
| | | | | | | | | | | | | |
| | | | | | | | | | | | | |
| | | | | | | | | | | | | |
| | ||||||||||||
| Фильм директори (продюсери)____________________________ | ___________________ | |||||||||||
| | | |
(Ф.И.О) |
| | | | (имзо) | | | | |
| | ||||||||||||
| Фильмни олувчи режиссёр ______________________________ | ___________________ | |||||||||||
| | | |
(Ф.И.О.) |
| | | | (имзо) | | | | |
| | ||||||||||||
| | | | М.Ў. | | | | | | | | | |
Кейинги таҳрирга қаранг.
Хорижий кинокомпаниялар томонидан Ўзбекистон Республикаси ҳудудида бадиий фильмларни кино ва видео тасвирга олиш тартиби тўғрисидаги Низомга
3-ИЛОВА
3-ИЛОВА
|
«ЎЗБЕККИНО» МИЛЛИЙ АГЕНТЛИГИ | ||
| | ||
|
Хорижий кинокомпания томонидан Ўзбекистон Республикаси ҳудудида бадиий фильмни кино ва видео тасвирга олишга | ||
|
рухсатнома | ||
|
№ 00000 | ||
| | ||
| 20___ йил «_____» ______________ |
Тошкент шаҳри | |
| | ||
| 1. Кинокомпания номи _____________________________________________ | ||
| 2. Мамлакат ______________________________________________________ | ||
| 3. Фильмнинг номи ________________________________________________ | ||
| 4. Кинокомпания реквизитлари _______________________________________ | ||
| 5. Тасвирга олиш режалаштирилаётган Ўзбекистон минтақалари ____________ | ||
| 6. Ўзбекистонда ишларни бажариш муддатлари 20__йил « ___» __________дан | ||
| |
20__ йил « ___» __________гача | |
| 7. Тасвирга олиш кунлари сони ______________________________________ | ||
|
8. Ўзбекистон Республикаси ҳудудида ташкилий ва кино,-видео хизматлар кўрсатиш учун масъул бўлган маҳаллий ташкилотнинг номи, почта манзили ва лицензияси рақами: | ||
| ________________________________________________________ | ||
| | ||
|
Илова: Ўзбекистон Республикаси ҳудудида ишларнинг фильм олиш тақвим режаси. | ||
| | ||
| «Ўзбеккино» миллий агентлиги | ||
|
Бош директори |
|
Ф. И. О. (имзо) |
| Муҳр ўрни | | |
Кейинги таҳрирга қаранг.
