Ўзбекистон Республикасининг Оила кодексига мувофиқ Вазирлар Маҳкамаси қарор қилади:

2. Белгилансинки:

гербли гувоҳномалар бланкалари қатъий ҳисобда турувчи ҳужжатлар ҳисобланади ва Ўзбекистон Республикаси Адлия вазирлиги томонидан ягона намунада тасдиқланадиган тегишли ҳимояланганлик даражасига эга бўлган махсус қоғозда тайёрланади;

гербли гувоҳномалар бланкаларини тайёрлаш Ўзбекистон Республикаси Адлия вазирлигининг буюртманомалари асосида Ўзбекистон Республикаси Марказий банки ҳузуридаги «Давлат белгиси» давлат ишлаб чиқариш бирлашмаси томонидан амалга оширилади.

3.Ўзбекистон Республикаси Адлия вазирлиги:

икки ой муддатда фуқаролик ҳолати далолатномаларини ёзиш органларини ҳамда Ўзбекистон Республикасининг чет элдаги консуллик муассасаларини янги гербли гувоҳномалар бланкалари билан;

гербли гувоҳномалар бланкаларини тайёрлаш, ҳисобга олиш, сақлаш, топшириш ҳамда улардан фойдаланиш тартибига қатъий риоя этилишини таъминласин.

4. Гербли гувоҳномаларни улар тўлиқ ишлатиб бўлингунгача амалдаги бланкаларда расмийлаштириш ва беришга рухсат этилсин.

5. Ушбу қарор билан тасдиқланган янги гербли гувоҳномалар берганлик учун (ўлим ҳақидаги гербли гувоҳнома бундан мустасно) герб йиғимининг миқдори энг кам ойлик иш ҳақининг 15 фоизи миқдорида белгилансин.

Ўзбекистон Республикасининг чет элдаги консуллик муассасалари томонидан гербли гувоҳномалар берилганлиги учун Вазирлар Маҳкамасининг 1993 йил 19 августдаги 423-сон қарори билан тасдиқланган тарифлар асосида консуллик йиғимлари ундирилиши маълумот учун қабул қилинсин.

6. Белгилансинки, герб йиғимидан тушадиган маблағлар қуйидаги тартибда тақсимланади:

15 фоизи — туманлар ва шаҳарлар бюджетлари даромадига;

51 фоизи — Ўзбекистон Республикаси Адлия вазирлигининг ғазначилик ҳисоб рақамларига ўтказилади ва гербли гувоҳномалар ва фуқаролик ҳолати ёзувлари бланкаларини тайёрлаш билан боғлиқ харажатларни қоплашга, адлия органлари ва муассасаларининг моддий-техника базасини мустаҳкамлаш ва ходимларини моддий рағбатлантириш, шунингдек, ФҲДЁ архивларининг қўшимча штат бирликларини сақлаб туриш тадбирларига;

34 фоизи — Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг махсус ташкил қилинадиган ғазначилик шахсий ҳисобварағига йўналтирилади ва фақат ФҲДЁ бўлимларининг моддий-техник базасини мустаҳкамлаш бўйича тадбирлар, уларнинг ходимларини узоқ муддат хизмат қилгани учун иш ҳақига устама ҳақ тўлаш ва мартаба даражалари учун қўшимчаларига, шунингдек, уларни моддий рағбатлантириш (лавозим маошининг ва мукофотларнинг 100 фоизи миқдоригача шахсий устамалар) тадбирларига сарфланади.

7. Ўзбекистон Республикаси Ҳукуматининг 5-иловага мувофиқ айрим қарорлари 2012 йил 1 июлдан бошлаб ўз кучини йўқотган деб ҳисоблансин.

8. Мазкур қарорнинг бажарилишини назорат қилиш Ўзбекистон Республикаси Адлия вазири Н.Т.Йўлдошевга ва Ўзбекистон Республикаси Вазирлар Маҳкамасининг Ҳуқуқий экспертиза ва халқаро шартномалар бошқармасига юклансин.

1. Вазирлар Маҳкамасининг «Туғилганлик, никоҳ қайд этилганлиги ва ўлим ҳақидаги гербли гувоҳномалар шаклини тасдиқлаш, герб йиғимини жорий қилиш тўғрисида» 1997 йил 30 июндаги 330-сон қарори.

2. Вазирлар Маҳкамасининг «Гербли гувоҳномалар шакли ва герб йиғими миқдори тўғрисида» 2003 йил 5 июндаги 249-сон қарори.