toggle_night_mode
Ҳужжат 05.07.2011 санаси ҳолатига
Амалдаги версияга ўтиш
Ўзбекистон Республикаси Президентининг
Қарори
ХОРИЖИЙ РАСМИЙ ҲУЖЖАТЛАРНИ ЛЕГАЛЛАШТИРИШ ТАЛАБИНИ БЕКОР ҚИЛУВЧИ КОНВЕНЦИЯ (ГААГА, 1961 ЙИЛ 5 ОКТЯБРЬ) ҚОИДАЛАРИНИ АМАЛГА ОШИРИШ ЧОРАЛАРИ ТЎҒРИСИДА
Хорижий расмий ҳужжатларни легаллаштириш талабини бекор қилувчи конвенция (Гаага, 1961 йил 5 октябрь) қоидаларини амалга ошириш мақсадида:
1. Қуйидагилар Ўзбекистон Республикасида апостиль қўйиш ваколатига эга бўлган органлар этиб белгилансин:
Ўзбекистон Республикаси Адлия вазирлиги — судлар, адлия органлари ва муассасаларидан чиқадиган расмий ҳужжатларга;
Ўзбекистон Республикаси Бош прокуратураси — прокуратура, тергов ва суриштирув органларидан чиқадиган расмий ҳужжатларга;
Кейинги таҳрирга қаранг.
Ўзбекистон Республикаси Вазирлар Маҳкамаси ҳузуридаги Давлат тест маркази — фан ва таълим соҳаси ташкилотларидан чиқадиган расмий ҳужжатларга;
Ўзбекистон Республикаси Ташқи ишлар вазирлиги — бошқа барча расмий ҳужжатларга.
Кейинги таҳрирга қаранг.
2. Ўзбекистон Республикаси Ташқи ишлар вазирлиги Конвенция депозитарийси — Нидерландия Ташқи ишлар вазирлигига апостиль қўйиш ваколатига эга бўлган органлар ҳақида билдиришнома йўлласин.
3. Ўзбекистон Республикаси Адлия вазирлиги Ташқи ишлар вазирлиги, манфаатдор вазирликлар ва идоралар билан биргаликда бир ой муддатда Вазирлар Маҳкамасига:
Апостиль қўйиш тартиби тўғрисидаги низом лойиҳасини;
қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида таклифлар киритсин.
4. Мазкур қарорнинг ижросини назорат қилиш Ўзбекистон Республикаси Бош вазири Ш.М. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2011 йил 5 июль,
ПҚ-1566-сон
(Ўзбекистон Республикаси қонун ҳужжатлари тўплами, 2011 й., 27-сон, 281-модда; Қонун ҳужжатлари маълумотлари миллий базаси, 01.12.2017 й., 06/17/5269/0340-сон; 11.01.2019 й., 06/19/5620/2501-сон; Қонунчилик маълумотлари миллий базаси, 09.11.2021 й., 06/21/3/1037-сон; 04.07.2023 й., 06/23/107/0441-сон)