|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
АЛ ҲАКИМ АТ-ТЕРМИЗИЙ ХОТИРАСИГА БАҒИШЛАНГАН МИЛЛИЙ КУРАШ БЎЙИЧА II ХАЛҚАРО ТУРНИРНИ ТАШКИЛ ЭТИШ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ёш авлодни миллий анъаналар ва қадриятларимиз асосида ҳар томонлама баркамол тарбиялаш ҳамда миллий курашнинг турларини ривожлантириш мақсадида Вазирлар Маҳкамаси қарор қилади:
1. Ўзбекистон Республикаси Давлат жисмоний тарбия ва спорт қўмитаси ҳамда Сурхондарё вилояти ҳокимлигининг Ал Ҳаким Ат-Термизий хотирасига бағишлаб ҳар икки йилда бир маротаба миллий кураш бўйича Халқаро турнир ўтказиш тўғрисидаги таклифи қабул қилинсин.
2. Халқаро турнирнинг мутлақ ғолибига Ўзбекистон Республикаси Президентининг махсус соврини таъсис этилсин.
3. Халқаро турнирни ўтказиш билан боғлиқ сарф - харажатлар Сурхондарё вилояти маҳаллий бюджетидан қопланиши маълумот учун қабул қилинсин.
4. Оммавий ахборот воситалари миллий курашни аҳоли, айниқса, ёшлар ўртасида кенг тарғиб этишга эътиборни кучайтирсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари С. Саидқосимов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1995 йил 3 апрель,
112-сон
