«Ласетти» автомобилининг янги моделини Ўзбекистон Республикаси бозорига олиб чиқиш, «ЎзДЭУавто» АЖ ва маҳсулотлар маҳаллийлаштириладиган заводларда технология ишларини янада такомиллаштириш мақсадида:

1. Қуйидагилар:

2003-2004 йилларда «ЎзДЭУавто» акциядорлик жамияти томонидан 820 та «Ласетти» автомобили ишлаб чиқарилгани ва республиканинг ички бозорида сотилгани;

Маҳсулот сертификатлангани, «Ласетти» автомобилларининг иссиқ иқлим шароитларидаги ва ёнилғи тежаш синовлари ниҳоясига етказилгани;

«Ўзавтосаноат» акциядорлик жамияти томонидан «Женерал Моторс ДЭУ Авто ва Технологиялар» компанияси билан келишилган ҳолда «Ласетти» моделини йирик блокли йиғишдан тўлиқ ишлаб чиқариш циклига ўтиш технологияси бўйича ишлаб чиқаришни ўзлаштириш режаси ишлаб чиқилаётгани;

«ЎзДЭУавто» АЖ билан «Женерал Моторс ДЭУ Авто ва Технологиялар» компанияси ўртасида тузилган конрактларга мувофиқ 2005 йил январидан бошлаб 3008 та автомобилга бутловчи деталларнинг йирик блокли узеллари етказиб берилаётгани маълумот учун қабул қилинсин.

2. «Ўзавтосаноат» акциядорлик компанияси бир ой муддатда «Ласетти» моделини ички ва ташқи бозорларда сотиш истиқболларини ўрганиш мақсадида маркетинг тадқиқотларини ўтказсин ҳамда «Ласетти» моделини ишлаб чиқаришни ўзлаштириш режасига мувофиқ, сотиш ҳажмларини таъминлайдиган тадбирларни тайёрласин.

3. 3008 та «Ласетти» автомобилини йиғиш учун «ЎзДЭУавто» АЖ билан «Женерал Моторс ДЭУ Авто ва Технологиялар» компанияси ўртасидаги контрактлар бўйича олиб келинадиган бутловчи деталлар ва узеллар 2005 йилда, истисно тариқасида, божхона тўловлар тўлашдан (божхона расмийлаштируви учун йиғимлардан ташқари) озод қилинсин.

4. Ушбу Қарорнинг ижросини назорат қилиш Ўзбекистон Республикаси Бош вазирининг ўринбосари Ў.Т. Султонов зиммасига юклатилсин.