«Ўзбекистон ҳаво йўллари» миллий авиакомпаниясининг Ғарбда ишлаб чиқарилган самолётларнинг кенгайиб бораётган паркига техник хизмат кўрсатувчи ўз базасини ривожлантириш мақсадида Вазирлар Маҳкамаси қарор қилади:

1. Қуйидагилар:

Ғарбда ишлаб чиқарилган самолётларга техник хизмат кўрсатиш марказини ташкил этиш бўйича лойиҳа буюртмачиси этиб «Ўзбекистон ҳаво йўллари» миллий авиакомпанияси «Uzbekistan Airways Technics» авиакорхонаси белгиланганлиги;

лойиҳанинг умумий суммаси 18,80 млн АҚШ доллари бўлган ҳукумат кафолати остидаги хорижий кредитларни уч босқичда, шу жумладан:

1-босқич — 2000—2002 йиллар — 5,00 млн АҚШ доллари;

2-босқич — 2003-2004 йиллар — 6,50 млн АҚШ доллари;

3-босқич — 2004-2005 йиллар — 7,30 млн АҚШ доллари миқдорида жалб қилган ҳолда амалга оширилиши;

лойиҳанинг биринчи босқичини амалга ошириш учун буюртмачи томонидан «Uzbekistan Airways Technics» авиакорхонаси базасида ташкил этилаётган Ғарбда ишлаб чиқарилган самолётларга техник хизмат кўрсатиш марказини жиҳозлаш ва техник қўллаб-қувватлаш учун «Люфтганза Техник» ва «Гидро-Гератебау» компаниялари (Германия) билан умумий суммаси 5,00 млн АҚШ доллари бўлган контрактлар тузилганлиги маълумот учун қабул қилинсин.

2. Белгилансинки, тузилган контрактларни биринчи босқичда маблағ билан таъминлаш қуйидагича амалга оширилади:

контрактлар қийматининг 0,75 млн АҚШ долларини ташкил этадиган 15 фоизи «KFW» (Германия) банки маблағларини қайта молиялаштириш йўли билан Ўзбекистон Республикаси Ташқи иқтисодий фаолият миллий банки кредити ҳисобига, шу жумладан:

«Люфтганза Техник» компанияси билан тузилган контракт бўйича — 0,56 млн АҚШ доллари;

«Гидро-Гератебау» компанияси билан тузилган контракт бўйича — 0,19 млн АҚШ доллари;

контрактлар қийматининг 4,25 млн АҚШ долларини ташкил этадиган 85 фоизи «Гермес» (Германия) жамияти суғурта қопламаси остида «KFW» банки маблағларини қайта молиялаштириш йўли билан Ўзбекистон Республикаси Ташқи иқтисодий фаолият миллий банки кредити ҳисобига, шу жумладан:

«Люфтганза Техник» компанияси билан тузилган контракт бўйича — 3,17 млн АҚШ доллари;

«Гидро-Гератебау» компанияси билан тузилган контракт бўйича — 1,08 млн АҚШ доллари.

3. Ўзбекистон Республикаси Ташқи иқтисодий фаолият миллий банки:

«Uzbekistan Airways Technics» авиакорхонаси билан биргаликда лойиҳанинг иккинчи ва учинчи босқичларини маблағ билан таъминлаш схемасини лойиҳадаги қувватларни ишга туширишга мувофиқ муддатларда ишлаб чиқсин;

бир ой муддатда кредит битимларини тузсин ва биринчи босқич бўйича «Uzbekistan Airways Technics» авиакорхонасига «KFW» банки маблағларини қайта молиялаштиришни таъминласин.

4. Ўзбекистон Республикаси Молия вазири мазкур лойиҳа учун жалб қилинадиган кредитлар бўйича: хорижий банкка — Ўзбекистон Республикаси Ташқи иқтисодий фаолият миллий банки мажбуриятлари бўйича ва Ўзбекистон Республикаси Ташқи иқтисодий фаолият миллий банкига — «Uzbekistan Airways Technics» авиакорхонаси мажбуриятлари бўйича Ўзбекистон Республикаси Ҳукумати номидан кафолатлар беришга вакил қилинсин.

5. Ўзбекистон Республикаси Адлия вазирлиги Ўзбекистон Республикаси Ҳукумати кафолатлари юзасидан хорижий банк учун мақбул бўлган шакл бўйича юридик хулосани белгиланган тартибда расмийлаштирсин.

6. Белгилансинки, асосий қарз, фоизлар, воситачилик ҳақлари ва кредитга хизмат кўрсатиш бўйича бошқа харажатларни тўлаш кредит битимлари шартларига мувофиқ «Uzbekistan Airways Technics» авиакорхонаси хўжалик фаолияти ҳисобига 1 ва 2-иловаларга мувофиқ амалга оширилади.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Л.А. Ахметов ва Б.С. Ҳамидов зиммасига юклансин.