|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
НАМАНГАН «КАРБОНАМ» АКЦИЯДОРЛИК ЖАМИЯТИДА НИТРОЦЕЛЛЮЛОЗА УЧУН ЦЕЛЛЮЛОЗА ИШЛАБ ЧИҚАРИШНИ ТАШКИЛ ЭТИШ ЛОЙИҲАСИНИ ҚЎЛЛАБ-ҚУВВАТЛАШГА ДОИР ҚЎШИМЧА ЧОРА-ТАДБИРЛАР ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Молиялаштирувчи институтлар ва хорижий инвесторларнинг Наманган «Карбонам» акциядорлик жамиятида нитроцеллюлоза учун целлюлоза ишлаб чиқариш лойиҳасининг амалга оширилишида манфаатдорлигини ошириш, Вазирлар Маҳкамасининг 2001 йил 11 январдаги 18-сон қарорининг бажарилишини таъминлаш мақсадида Вазирлар Маҳкамаси қарор қилади:
1. Мазкур лойиҳани маблағ билан таъминлашда иштирок этаётган «СНПЕ ИНЖИНИРИНГ Дефенс» компанияси (Франция), чет эл банклари, «Кофас» экспорт-кредит агентлиги ва чет эл суғурта компаниялари Ўзбекистон Республикасида манба олдида даромад (фойда) солиғини тўлашдан озод қилинсин.
2. Мазкур қарорнинг бажарилишини назорат қилиш Ўзбекистон Республикаси Бош вазири котибиятига юклансин.
Ўзбекистон Республикаси Бош вазири Ў. СУЛТОНОВ
Тошкент ш.,
2001 йил 18 декабрь,
475-сон
