ЎЗБЕКИСТОН РЕСПУБЛИКАСИ АДВОКАТЛАР ПАЛАТАСИНИНГ МОДДИЙ-ТЕХНИКА БАЗАСИНИ МУСТАҲКАМЛАШГА ДОИР ҚЎШИМЧА ЧОРА-ТАДБИРЛАР ТЎҒРИСИДА
Вазирлар Маҳкамасининг «Ўзбекистон Республикаси Адвокатлар палатаси фаолиятини ташкил этиш тўғрисида» 2008 йил 27 майдаги 112-сон қарорини бажариш юзасидан, Ўзбекистон Республикаси Адвокатлар палатаси самарали ташкил этилишини таъминлаш, унинг фаолияти учун зарур шарт-шароитлар яратиш мақсадида Вазирлар Маҳкамаси қарор қилади:
1. Вазирлар Маҳкамасининг 2009 йил 16 апрелдаги 166-ф-сон фармойишига мувофиқ Тошкент шаҳар, Мирзо Улуғбек тумани, Буюк ипак йўли кўчаси, 471-уйда жойлашган бино (2-ётоқхона) Ўзбекистон Республикаси Адвокатлар палатаси балансига тасарруф этиш ҳуқуқисиз бепул берилганлиги маълумот учун қабул қилинсин.
2. Ўзбекистон Республикаси Адлия вазирлигининг 2010 йилда Судлар ва адлия органларини ривожлантириш жамғармасидан ушбу қарорнинг 1-бандида кўрсатилган бинони мукаммал таъмирлаш учун Ўзбекистон Республикаси Адвокатлар палатасига 820 млн сўм ажратиш тўғрисидаги таклифига розилик берилсин.
3. Вазирлар Маҳкамасининг 2003 йил 18 мартдаги 147-сон қарори (Ўзбекистон Республикаси ҚТ, 2003 й., 3-сон, 26-модда) билан тасдиқланган Судлар ва адлия органларини ривожлантириш жамғармаси тўғрисидаги Низомнинг 4-бандига қуйидаги мазмундаги ўн учинчи хатбоши қўшилсин:
«Истисно ҳолларда Жамғарма маблағлари Ўзбекистон Республикаси Вазирлар Маҳкамасининг қарорига кўра Ўзбекистон Республикаси Адвокатлар палатаси ва унинг ҳудудий бошқармалари фаолияти учун зарур шарт-шароитлар яратиш чора-тадбирларини молиялаштиришга йўналтирилиши мумкин»;
