|
Ҳужжат кучини йўқотган 20.05.1998
|
Ўзбекистон Республикаси Олий Кенгашининг
Қарори
«ЧЕТ ЭЛ ИНВЕСТИЦИЯЛАРИ ВА ЧЕТ ЭЛЛИК ИНВЕСТОРЛАР ФАОЛИЯТИНИНГ КАФОЛАТЛАРИ ТЎҒРИСИДА»ГИ ЎЗБЕКИСТОН РЕСПУБЛИКАСИ ҚОНУНИНИ АМАЛГА КИРИТИШ ҲАҚИДА
LexUZ шарҳиЎзбекистон Республикаси Олий Мажлисининг 1998 йил 30 апрелдаги 610-I-сонли «Чет эл инвестициялари тўғрисида»ги Ўзбекистон Республикаси Қонунини амалга киритиш ҳақида»ги қарорининг 3-бандига мувофиқ, Ўзбекистон Республикасининг 1994 йил 5 майдаги 1052-XII-сон «Чет эл инвестициялари ва чет эллик инвесторлар фаолиятининг кафолатлари тўғрисида»ги Қонуни ўз кучини йўқотганлиги муносабати билан ушбу қарор ҳам амалда ўз аҳамиятини йўқотди.
Ўзбекистон Республикаси Олий Кенгаши қарор қилади:
1. «Чет эл инвестициялари ва чет эллик инвесторлар фаолиятининг кафолатлари тўғрисида»ги Ўзбекистон Республикаси Қонуни матбуотда эълон қилинган кундан эътиборан амалга киритилсин.
LexUZ шарҳиЎзбекистон Республикаси «Чет эл инвестициялари ва чет эллик инвесторлар фаолиятининг кафолатлари тўғрисида»ги Қонун «Халқ сўзи» газетасининг 1994 йил 25 майдаги 101 (849)-сонида эълон қилинган.
2. Ўзбекистон Республикаси Вазирлар Маҳкамаси:
қонунларни «Чет эл инвестициялари ва чет эллик инвесторлар фаолиятининг кафолатлари тўғрисида»ги Қонунга мувофиқлаштириш ҳақидаги таклифларни Ўзбекистон Республикаси Олий Кенгашига киритсин;
Ҳукуматнинг қарорларини «Чет эл инвестициялари ва чет эллик инвесторлар фаолиятининг кафолатлари тўғрисида»ги Ўзбекистон Республикаси Қонунига мувофиқлаштирсин, республика вазирликлари, давлат қўмиталари ва идоралари ўзларининг мазкур Қонунга зид бўлган норматив ҳужжатларини қайта қараб чиқишларини ва бекор қилишларини таъминласин.
3. 1991 йил 14 июнда қабул қилинган «Ўзбекистон Республикасида чет эл инвестициялари тўғрисида»ги ҳамда 1992 йил 2 июлда қабул қилинган «Ўзбекистон Республикасида чет эл инвестициялари тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги Ўзбекистон Республикасининг қонунлари ўз кучини йўқотган деб ҳисоблансин.
Ўзбекистон Республикаси Олий Кенгаши Раиси вазифасини бажарувчи Э. ХАЛИЛОВ
Тошкент ш.,
1994 йил 5 май,
1053-XII-сон
(Ўзбекистон Республикаси Олий Кенгашининг Ахборотномаси, 1994 й., 5-сон, 129-модда)
