|
Ҳужжат кучини йўқотган 01.01.2008
|
Ўзбекистон Республикаси Олий Кенгашининг
Қарори
«ДАВЛАТ БОЖИ ТЎҒРИСИДА»ГИ ЎЗБЕКИСТОН РЕСПУБЛИКАСИ ҚОНУНИНИ АМАЛГА КИРИТИШ ТЎҒРИСИДА
LexUZ шарҳиМазкур қарор Ўзбекистон Республикасининг 2007 йил 28 декабрдаги ЎРҚ-138-сонли «Ўзбекистон Республикасининг Солиқ кодекси қабул қилиниши муносабати билан Ўзбекистон Республикасининг айрим Қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида»ги Қонуни билан ўз кучини йўқотган.
Ўзбекистон Республикаси Олий Кенгаши қарор қилади:
1. «Давлат божи тўғрисида»ги Ўзбекистон Республикаси Қонуни 1993 йил 1 январдан эътиборан амалга киритилсин.
2. Белгилаб қўйилсинки, Ўзбекистон Республикасининг қонунлари «Давлат божи тўғрисида»ги Қонунга мувофиқ ҳолга келтирилгунга қадар амалдаги меъёрий ҳужжатларнинг ушбу Қонунга зид бўлмаган қисмлари қўлланилаверади.
3. Ўзбекистон Республикаси Вазирлар Маҳкамаси икки ойлик муддат ичида:
давлат божи ставкаларини белгиласин;
LexUZ шарҳиЎзбекистон Республикаси Вазирлар Маҳкамасининг 1994 йил 3 ноябрдаги 533-сонли қарори билан давлат божи ставкалари тасдиқланган.
Ҳукуматнинг, вазирликлар ва идораларнинг меъёрий ҳужжатларини ушбу Қонунга мувофиқлаштирсин;
ушбу Қонуннинг қўлланилишини таъминловчи бошқа зарур меъёрий ҳужжатлар қабул қилсин.
Ўзбекистон Республикаси Олий Кенгашининг Раиси Ш. ЙЎЛДОШЕВ
Тошкент ш.,
1992 йил 9 декабрь,
740а-XII-сон
(Ўзбекистон Республикаси Олий Кенгашининг Ахборотномаси, 1993 й., 1-сон, 23-модда)
