|
Ҳужжат кучини йўқотган 01.07.1998
|
Ўзбекистон Республикаси Олий Кенгашининг
Қарори
«ДЕҲҚОН ХЎЖАЛИГИ ТЎҒРИСИДА»ГИ ЎЗБЕКИСТОН РЕСПУБЛИКАСИ ҚОНУНИНИ АМАЛГА КИРИТИШ ТАРТИБИ ҲАҚИДА
LexUZ шарҳиУшбу қарор Ўзбекистон Республикаси Олий Мажлисининг 1998 йил 30 апрелдаги 605-I-сонли «Деҳқон хўжалиги тўғрисида»ги Ўзбекистон Республикасининг Қонунини амалга киритиш тартиби ҳақида»ги қарорига асосан ўз кучини йўқотган.
Ўзбекистон Республикасининг Олий Кенгаши қарор қилади:
1. «Деҳқон хўжалиги тўғрисида»ги Ўзбекистон Республикаси Қонуни эълон қилинган пайтдан эътиборан амалга киритилсин.
LexUZ шарҳи«Деҳқон хўжалиги тўғрисида»ги Қонун «Халқ сўзи» газетасининг 1992 йил 13 августдаги 156 (407)-сонида эълон қилинган.
2. Белгилаб қўйилсинки, Ўзбекистон Республикасининг қонунлари «Деҳқон хўжалиги тўғрисида»ги Ўзбекистон Республикаси Қонунига мувофиқлаштирилиб олингунга қадар ушбу Қонунга зид бўлмагани учун Ўзбекистон Республикасининг амалдаги ҳужжатлари қўлланаверади.
3. Ўзбекистон Республикаси Президенти ҳузуридаги Вазирлар Маҳкамасми уч ойлик муддат ичида:
Ўзбекистон Республикаси Ҳукуматининг қарорларини «Деҳқон хўжалиги тўғрисида»ги Қонунига мувофиқлаштириш;
Ўзбекистон Республикасининг қонун ҳужжатларини «Деҳқон хўжалиги тўғрисида»ги Ўзбекистон Республикаси Қонунига мувофиқлаштириш хусусида Ўзбекистон Республикаси Олий Кенгашига таклифлар тақдим этиш вазифаси топширилсин.
4. «Ер тўғрисида»ги Ўзбекистон Республикаси Қонунининг (Ўзбекистон Республикаси Олий Кенгашининг Ахборотномаси, 1990 йил № 16 — 18, 294-модда) 11-моддасига ўзгартириш киритилиб, модданинг биринчи қисмидаги «5 йилга» деган сўзлар «10 йилга» деган сўзлар билан алмаштирилсин.
Ўзбекистон Республикаси Олий Кенгашининг Раиси Ш. ЙЎЛДОШЕВ
Тошкент ш.,
1992 йил 3 июль,
655-XII-сон
(Ўзбекистон Республикаси Олий Кенгашининг Ахборотномаси, 1992 й., 10-сон, 404-модда)
