«Банклар ва банк фаолияти тўғрисида» ва «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Ўзбекистон Республикаси қонунларига мувофиқ ҳамда Голландиянинг «ABN AMRO» банки RBS, «Fortis» ва «Santander» банклар консорциуми томонидан сотиб олинганлиги муносабати билан Вазирлар Маҳкамаси қарор қилади:

1. «АБН АМРО Банк Ўзбекистон МБ, Ҳ.Ж.» ЁАЖ акциядорларининг умумий йиғилиши томонидан банкни «Royal Bank of Scotland Oʼzbekiston MB» ЁАЖ (қисқартирилган номи — RBS Oʼzbekiston MB») деб қайта номлаш тўғрисида қарор қабул қилинганлиги маълумот учун қабул қилинсин.

2. Ўзбекистон Республикаси Марказий банкига «Royal Bank of Scotland Oʼzbekiston MB» ёпиқ акциядорлик жамиятини қайта рўйхатдан ўтказиш билан боғлиқ масалаларни ҳал этишда унга ёрдам кўрсатиш тавсия қилинсин.

3. Вазирлар Маҳкамасининг «АБН АМРО Банк Ўзбекистон МБ, Ҳ.Ж.» акционерлик банкини ташкил этиш тўғрисида» 1996 йил 16 ноябрдаги 400-сон қарори ўз кучини йўқотган деб ҳисоблансин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Марказий банки раиси Ф.М. Муллажонов зиммасига юклансин.