254-сон 06.12.2006. Ўзбекистон Республикаси Устюрт минтақасининг инвестиция блоклари ер ости бойликларини геологик ўрганиш тўғрисида

Ҳужжат 06.12.2006 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

қарори

ЎЗБЕКИСТОН РЕСПУБЛИКАСИ УСТЮРТ МИНТАҚАСИНИНГ ИНВЕСТИЦИЯ БЛОКЛАРИ ЕР ОСТИ БОЙЛИКЛАРИНИ ГЕОЛОГИК ЎРГАНИШ ТЎҒРИСИДА

Ўзбекистон Республикаси Президентининг «Устюрт минтақасида геология-разведка ишларини олиб боришга «Газпром» очиқ акциядорлик жамиятининг тўғридан-тўғри инвестицияларини жалб этиш чора-тадбирлари тўғрисида» 2006 йил 23 январдаги Ф-2428-сон фармойишини бажариш юзасидан ҳамда углеводород хом ашё захираларининг олдиндан ўсишини таъминлашга йўналтирилган геология-разведка ишларини жадал ва кўламли олиб бориш учун тўғридан-тўғри хорижий инвестицияларни бундан буён ҳам жалб этиш мақсадида Вазирлар Маҳкамаси қарор қилади:

1. Қуйидагилар:

2006 йил 25 январда «Ўзбекнефтгаз» миллий холдинг компанияси билан «Газпром» очиқ акциядорлик жамияти (Россия) ўртасида Ўзбекистон Республикаси Устюрт минтақасининг инвестиция блоклари ер ости бойликларини геологик ўрганишнинг асосий принциплари тўғрисида битим (кейинги ўринларда матнда «Битим» деб юритилади) имзоланганлиги;

«Газпром» очиқ акциядорлик жамияти томонидан фақат Битим доирасида геология-разведка ишларини ташкил этиш ва олиб бориш мақсадида Адлия вазирлигида Ўзбекистон Республикасининг юридик шахси сифатида рўйхатдан ўтказилган, фойда олмаслик/зарар кўрмаслик асосида иш кўрадиган оператор — «Устюрт-Зарубежнефтегаз» масъулияти чекланган жамият ташкил этилганлиги маълумот учун қабул қилинсин.

Кейинги таҳрирга қаранг.

2. «Газпром» очиқ акциядорлик жамияти томонидан «Ўзбекнефтгаз» миллий холдинг компанияси билан биргаликда ишлаб чиқилган Ўзбекистон Республикасининг Устюрт минтақасида геология-разведка ишларини босқичма-босқич олиб бориш дастури асосий параметрлар билан биргаликда 1-иловага мувофиқ тасдиқлансин.

Кейинги таҳрирга қаранг.

3. «Ўзбекнефтгаз» миллий холдинг компанияси Ўзбекистон Республикаси Президентининг 2006 йил 23 январдаги Ф-2428-сон фармойишининг 2-банди талабларини назарда тутган ҳолда «Газпром» очиқ акциядорлик жамиятига Ўзбекистон Республикаси Устюрт минтақасининг Акчалак, Агин, Шахпахта, Насанбек, Куаниш, Актумсук ва Ғарбий-Ургин инвестиция блокларини геологик ўрганиш учун ер ости бойликлари участкаларидан фойдаланиш ҳуқуқига лицензия берсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Э.Р. Шоисматов зиммасига юклансин.

Ўзбекистон Республикаси Бош вазири Ш. МИРЗИЁЕВ

Тошкент ш.,

2006 йил 6 декабрь,

254-сон

Вазирлар Маҳкамасининг
2006 йил 6 декабрдаги
254-сон қарорига
1-ИЛОВА

Ўзбекистон Республикасининг Устюрт минтақасида геология-разведка ишларини олиб боришнинг босқичма-босқич дастури

АСОСИЙ ПАРАМЕТРЛАРИ

Т/р‎‎	Ишларнинг номи	Ишлар ҳажми‎
‎‎1-босқич (2006-2007 йиллар)
1.‎	Кулбай (Актумсук, Агин блоклари) ва Аторбай (Насамбек блоки) депрессиялари тузилишини ўрганиш.‎	800 пог км ҳажмда минтақавий ихтисосликлар бўйича 2 та депрессияни сейсморазведка қилиш (Актумсук, Агин ва Насамбек блоклари).‎
2.‎	Ассакеаудан букилмасининг (Шахпахта блоки) геологик тузилишни аниқлаштириш.‎	200 пог км ҳажмда минтақавий ихтисосликлар бўйича 2 та депрессияни сейсморазведка қилиш (Шахпахта блоки).‎
3.‎	Борсакелмас букилмасида (Насамбек блоки) геологик тузилишини ўрганиш ва тузилмаларни аниқлаш.‎	3000 кв км ҳажмида гравиразведка (Насамбек блоки). Тадқиқ этишнинг масофадан туриб олиб бориладиган турлари (аэрокосмик зондлаш).‎
4.‎	Кулбай (Актумсук, Агин блоклари) Аторбай (Насамбек блоки) депрессияларида истиқболли объектларни излаш ва тайёрлаш.‎	1600 пог км ҳажмида 2 та депрессияни сейсморазведка қилиш (Актумсук, Агин ва Насамбек блоклари).‎
5.‎	Акчалак блокида иккита блокни геологик ўрганиш ва тайёрлаш.‎	400 пог км ҳажмида 2 та депрессияни сейсморазведка қилиш.‎
6.‎	Қуйидаги тайёрланган тузилмаларда газ ва конденсат конларини излаш: Шарқий Айтуз, Тлеукудук (Айгин блоки), Картпай, Насамбек (Насамбек блоки), Дали (Ғарбий-Ургин блоки Кубла Ассакеаудан (Шахпахта блоки).‎	Ковлашнинг умумий ҳажми 25000 м бўлган қидирув бурғулаши (6 та қудуқ).‎
7.‎	Дали тузилмаси (Ғарбий-Ургин блоки) ва Куаниш конини (Куаниш блоки) охиригача разведка қилиш‎	400 кв км ҳажмида 3 та депрессияни сейсморазведка қилиш, ковлашнинг умумий ҳажми 16700 м бўлган разведка бурғулаши (5 та қудуқ).‎
2-босқич (2008 йил)‎‎
1.‎	Кулбай (Актумсук ва Агин блоклари) ва Аторбай (Насамбек блоки) депрессиялари истиқболини аниқлаштириш.‎	2300 пог км ҳажмида 2 та депрессияни қидирув-деталлаштирилган сейсморазведка қилиш, 200 кв км ҳажмида 3 та депрессияни сейсморазведка қилиш, ковлашнинг умумий ҳажми 18000 м ҳажмида бўлган қидирув-разведка бурғулаши (5 қудуқ).‎
2.‎	Дали майдонида (Ғарбий-Ургин блоки) газ ва конденсат захиралари қўшимча ўсишини таъминлаш.‎	Умумий ҳажми 6600 м бўлган разведка бурғулаши (2 та қудуқ).‎
3.‎	Акчалак блокининг шимолида 1-2 та углеводород кони очиш.‎	Ковлашнинг умумий 7000 м бўлган қидирув бурғулаши (2 та қудуқ).‎
4.‎	Шахпахта блокида объектларни қидирув бурғулаши учун тайёрлаш ва углеводород уюмларини излаш.‎	800 пог км ҳажмида 2 та депрессияни қидирув-деталлаштирилган сейсморазведка қилиш, Кубла, Ассакеудан қудуғи қурилишини тугаллаш (1) ва ковлашнинг умумий ҳажми 3600 м бўлган янги қидирув бурғулаши (1 та қудуқ).‎
‎‎3-босқич (2009-2011 йиллар)
1.‎	Кулбай (Актумсук ва Агин блоклари) ва Аторбай (Насамбек блоки) депрессияларида очиқ конларни разведка қилиш.‎	‎ ‎ ‎Ишлар ҳажми 1 ва 2-босқичлар муваффаққиятли ўтказилишига боғлиқ.‎‏ ‎‏ ‎
2.‎	Шахпахта блокида қидирув ва разведка ишлари олиб бориш (конлар очилган тақдирда).‎
‎3.	Акчалак блокида разведка ишлари олиб бориш (конлар очилган тақдирда).‎

Кейинги таҳрирга қаранг.