Судлар ва адлия органларини ривожлантириш жамғармасининг адлия органлари ва муассасалари фаолиятини молиялаштириш учун йўналтириладиган маблағларидан фойдаланишда қонун ҳужжатларини бир хилда қўллаш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг 1-иловага мувофиқ айрим қарорларига ўзгартиришлар киритилсин.

2. Ўзбекистон Республикаси Ҳукуматининг 2-иловага мувофиқ баъзи қарорлари ўз кучини йўқотган деб ҳисоблансин.

1. Вазирлар Маҳкамасининг «Судлар ва адлия органларини ривожлантириш жамғармасини ташкил этиш тўғрисида» 2003 йил 18 мартдаги 147-сон қарорида (Ўзбекистон Республикаси ҚТ, 2003 й., 3-сон, 26-модда):

а) муқаддимадаги «ва адлия органларининг» сўзлари «адлия органлари ва муассасаларининг (кейинги ўринларда адлия органлари деб юритилади)» сўзлари билан алмаштирилсин;

б) 1-илованинг 1-бандидаги «судлар ва адлия органларининг» сўзлари «судлар, адлия органлари ва муассасалари (кейинги ўринларда адлия органлари деб юритилади)» сўзлари билан алмаштирилсин.

2. Вазирлар Маҳкамасининг 2003 йил 27 августдаги 370-сон қарори (Ўзбекистон Республикаси ҚТ, 2003 й., 8-сон, 79-модда) билан тасдиқланган Ўзбекистон Республикаси Адлия вазирлиги тўғрисидаги низомнинг 4-бандидаги «ҳамда Судлар ва адлия органларини ривожлантириш жамғармаси маблағлари» сўзлари «Судлар, адлия органлари ва муассасаларини ривожлантириш жамғармаси маблағлари, шунингдек қонун ҳужжатларида тақиқланмаган бошқа маблағлар» сўзлари билан алмаштирилсин.

1. Вазирлар Маҳкамасининг «Туғилганлик, никоҳ қайд этилганлиги ва ўлим ҳақидаги гербли гувоҳномалар шаклини тасдиқлаш, герб йиғимини жорий қилиш тўғрисида» 1997 йил 30 июндаги 330-сон қарорининг 2-банди.

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2003 йил 30 апрелдаги 197-сон қарорига илованинг 9-банди (Ўзбекистон Республикаси ҚТ, 2003 й., 4-сон, 34-модда).