|
Ҳужжат кучини йўқотган 22.02.2021
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ТАШҚИ ИҚТИСОДИЙ АЛОҚАЛАР ВАЗИРЛИГИНИНГ «ЎЗЭКСПОМАРКАЗ» РЕСПУБЛИКА САВДО-КЎРГАЗМА МАРКАЗИНИНГ САМАРАЛИ ФАОЛИЯТ КЎРСАТИШИНИ ТАЪМИНЛАШ ЧОРА-ТАДБИРЛАРИ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Маданий-соғломлаштириш комплекси асбоб-ускуналари лизинги бўйича тўловларни ўз вақтида таъминлаш, кўрсатиладиган хизматларнинг аҳоли кенг қатламлари учун мақбул бўлган нархларини сақлаш ҳамда Ўзбекистон Республикаси Ташқи иқтисодий алоқалар вазирлигининг «Ўзэкспомарказ» республика савдо-кўргазма марказининг кўргазма-ярмаркалар ташкил этиш бўйича фаолиятини янада фаоллаштириш учун шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Ташқи иқтисодий алоқалар вазирлигининг «Ўзэкспомарказ» республика савдо-кўргазма маркази ҳудудида доимий равишда ишлайдиган «Ўзбекистоннинг экспорт салоҳияти» экспозициясини нотижорат асосда ташкил этиш тўғрисидаги таклифига розилик берилсин.
2. Вазирлар Маҳкамасининг «Ўзэкспомарказ» республика савдо-кўргазма марказига бериладиган солиқ имтиёзлари тўғрисида» 1996 йил 26 июлдаги 267-сон қарори билан берилган солиқ имтиёзларининг амал қилиш муддати 2003 йил 31 декабргача узайтирилсин.
3. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2000 йил 8 апрель,
134-сон
