Ўзбекистон Республикаси Президентининг «Аҳолини ижтимоий ҳимоя қилиш тизимини янада такомиллаштириш ва мустаҳкамлашга оид чора-тадбирлар тўғрисида» 2007 йил 19 мартдаги ПФ-3864-сон Фармонига мувофиқ Вазирлар Маҳкамаси қарор қилади:

Ўзбекистон Республикаси Ҳукуматининг иловага мувофиқ айрим қарорларига ўзгартиришлар киритилсин.

1. Вазирлар Маҳкамасининг 1994 йил 24 августдаги 434-сон қарори (Ўзбекистон Республикаси ҚТ, 1994 й., 8-сон, 40-модда) билан тасдиқланган Кам таъминланган оилаларни ҳисобга олиш, уларга моддий ёрдам тайинлаш ва тўлаш тартиби тўғрисидаги низомда:

а) 4-банддаги «3 (уч) ой» сўзлари «6 (олти) ой» сўзлари билан алмаштирилсин;

б) Низомга 2-илованинг «а» бандидаги «уч ой муддат билан» сўзлари «олти ой муддат билан» сўзлари билан алмаштирилсин.

Вазирлар Маҳкамасининг 2005 йил 21 декабрдаги 276-сон қарори (Ўзбекистон Республикаси ҚТ, 2005 й., 12-сон, 64-модда) билан тасдиқланган Ўзбекистон Республикаси давлат муассасалари тиббиёт ва фармацевтика ходимлари меҳнатига ҳақ тўлаш тартиби ва шартлари тўғрисидаги низомга 2-илова I бўлими 1.11-бандининг биринчи хатбошидаги «уруш ва меҳнат фахрийлари пансионатлари» сўзлари «уруш ва меҳнат фахрийлари учун пансионатлар ва санаторийлар» сўзлари билан алмаштирилсин.