toggle_night_mode
Ўзбекистон Республикаси Вазирлар Маҳкамасининг
қарори
БМТ ХАВФСИЗЛИК КЕНГАШИ 1540-СОН (2004) РЕЗОЛЮЦИЯСИНИНГ БАЖАРИЛИШИНИ ТАШКИЛ ЭТИШ ЧОРА-ТАДБИРЛАРИ ТЎҒРИСИДА
БМТ Хавфсизлик Кенгашининг давлатга қарашли бўлмаган субъектларнинг оммавий қирғин қуроллари ва уларни етказиб бериш воситаларини олишининг олдини олиш, шунингдек уларнинг ноқонуний айланишига барҳам бериш тўғрисидаги 1540-сон (2004) резолюциясини (кейинги ўринларда Резолюция деб аталади) бажариш мақсадида Вазирлар Маҳкамаси қарор қилади:
Олдинги таҳрирга қаранг.
1. Ўзбекистон Республикаси Адлия вазирлиги, Бош прокуратураси Ташқи ишлар вазирлиги, Ички ишлар вазирлиги, Мудофаа вазирлиги, Фавқулодда вазиятлар вазирлиги, Соғлиқни сақлаш вазирлиги, Давлат божхона қўмитаси, Миллий хавфсизлик хизмати, Ташқи иқтисодий алоқалар, инвестициялар ва савдо вазирлиги, Ўзбекистон Республикаси Саноат хавфсизлиги давлат қўмитаси ҳамда бошқа манфаатдор вазирликлар ва идоралар билан биргаликда:
(1-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 6 мартдаги 195-сонли қарори таҳририда — Қонун ҳужжатлари маълумотлари миллий базаси, 07.03.2019 й., 09/19/195/2712-сон)
оммавий қирғин қуроллари тарқалишининг олдини олиш масалаларига тааллуқли барча норматив-ҳуқуқий ҳужжатларни пухта хатловдан ўтказсинлар;
зарурат бўлганда миллий қонун ҳужжатларига Резолюциядан келиб чиқувчи ўзгартиришлар ва қўшимчалар юзасидан Ўзбекистон Республикаси Вазирлар Маҳкамасига таклифлар киритсинлар.
2. Ўзбекистон Республикаси Ички ишлар вазирлиги, Миллий хавфсизлик хизмати, Адлия вазирлиги, Бош прокуратура:
давлатга қарашли бўлмаган субъектларнинг оммавий қирғин қуроллари ва уларнинг компонентларини, шунингдек уларни етказиб бериш воситаларини олиши имкониятининг ҳар қандай йўлларини истисно этиш мақсадида Ўзбекистон Республикасида оммавий қирғин қуролларини тарқатмаслик режимини таъминлашга доир ишларнинг аҳволини чуқур таҳлил қилсинлар. Зарурат бўлганда Ўзбекистон Республикаси Вазирлар Маҳкамасига оммавий қирғин қуролларини тарқатмаслик режимини кучайтириш юзасидан тегишли таклифлар киритсинлар;
ядро қуроли, кимёвий қуроллар ва биологик қуроллар ҳамда уларни етказиб бериш воситалари ишлаб чиқариш учун фойдаланилиши мумкин бўлган моддалар, материаллар ва буюмларнинг сақланиши, ташилиши устидан назоратни кучайтириш юзасидан қўшма чора-тадбирлар комплексини халқаро қоидалар ва талабларни ҳисобга олган ҳолда икки ой муддатда ишлаб чиқсинлар ва амалга оширилишини таъминласинлар.
Олдинги таҳрирга қаранг.
3. Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитасига:
(3-банднинг биринчи хатбошиси Ўзбекистон Республикаси Вазирлар Маҳкамасининг 2025 йил 2 майдаги 289-сонли қарори таҳририда — Қонунчилик маълумотлари миллий базаси, 05.05.2025 й., 09/25/289/0406-сон)
Ўзбекистон Республикаси тегишли вазирликлари ва идораларининг Резолюцияни бажариш, шу жумладан оммавий қирғин қуроллари компонентлари ва уларни етказиб бериш воситалари мавжуд бўлган объектларни табиий муҳофаза қилиш режимини ҳамда хавфсизлик тизимини кучайтиришни ташкил этиш, шунингдек оммавий қирғин қуролларининг ҳар қандай турлари ноқонуний айланишининг олдини олиш масалалари бўйича фаолиятини мувофиқлаштириш;
тегишли вазирликлар ва идоралар билан биргаликда Резолюция қоидаларининг бажарилиши бўйича Ўзбекистон Республикаси миллий маърузаларни Бирлашган Миллатлар Ташкилотининг Хавфсизлик Кенгашига тақдим этиш учун ўз вақтида тайёрлаш юклансин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2004 йил 10 сентябрь,
424-сон