Турар жой биноларини сифатли капитал таъмирлаш, шунингдек аҳолини ижтимоий ҳимоя қилиш мақсадида Ўзбекистон Республикаси Президентининг қуйидаги фармонларига ўзгартишлар киритилсин:

1. Ўзбекистон Республикаси Президентининг «Уй-жой мулкдорлари ширкатларининг фаолиятини ривожлантириш борасидаги қўшимча чора-тадбирлар тўғрисида» 2002 йил 26 февралдаги ПФ-3038-сон Фармонининг 3-бандидаги «2006» рақами «2007» рақами билан алмаштирилсин.

2. Ўзбекистон Республикаси Президентининг «Аҳолини ижтимоий муҳофаза қилиш ва коммунал хизмат кўрсатиш корхоналарини қўллаб-қувватлаш чора-тадбирлари тўғрисида» 2005 йил 23 сентябрдаги ПФ-3662-сон Фармонининг:

1-бандидаги «2006 йилда» сўзлари «2006-2007 йилларда» сўзлари билан алмаштирилсин;

2-бандининг иккинчи хатбошидаги «2006 йилги» сўзлари «2006-2007 йиллардаги» сўзлари билан алмаштирилсин;

3-бандининг иккинчи хатбошидаги «2006 йил» ва «2007 йилдан бошлаб» сўзлари тегишли равишда «2006-2007 йиллар» ва «2008 йилдан бошлаб» сўзлари билан алмаштирилсин.