Ўзбекистон Республикасининг 1991 йил 19 ноябрда қабул қилинган «Давлат тасарруфидан чиқариш ва хусусийлаштириш тўғрисида»ги Қонунига (Ўзбекистон Республикаси Олий Кенгашининг Ахборотномаси, 1992 йил, №1, 43-модда) қуйидаги ўзгартишлар ва қўшимчалар киритилсин:

1. 1-модда:

биринчи қисмидаги «акцияли жамиятларга, масъулияти чекланган жамиятларга» деган сўзлар «хўжалик жамиятлари ва ширкатларига» деган сўзлар билан алмаштирилсин;

иккинчи қисмидаги «фуқароларнинг» деган сўз «жисмоний шахсларнинг» деган сўзлар билан алмаштирилсин.

2. 2-модда:

биринчи бандидан «мазкур ҳужжатларда кўзда тутилган ҳолларда эса Ўзбекистон Республикаси Президенти ҳузуридаги Вазирлар Маҳкамаси қарорларидан ҳам» деган сўзлар чиқариб ташлансин;

иккинчи банди «билан» деган сўздан кейин «ҳам» деган сўз билан тўлдирилсин;

учинчи банди «давлатлараро» деган сўздан кейин «ҳамда ҳукуматлараро» деган сўзлар билан тўлдирилсин.

3. 3-модда қуйидаги мазмунда бўлган иккинчи хатбоши билан тўлдирилсин:

«давлат тасарруфидан чиқариш ва хусусийлаштириш шаклларини меҳнат жамоасининг ўзи мустақил тарзда белгилаши;»

Иккинчи, учинчи, тўртинчи, бешинчи ва олтинчи хатбошилари тегишинча учинчи, тўртинчи, бешинчи, олтинчи ва еттинчи хатбошилари деб ҳисоблансин.

Олтинчи хатбоши «давлат тасарруфидан» деган сўзлардан аввал «ошкоралик» деган сўзлар билан тўлдирилсин.

4. 4-модда:

иккинчи бандидаги «ер ости бойликлари» деган сўзлардан кейин «ички» деган сўз билан, «сув» деган сўздан кейин «ҳаво ҳавзаси» деган сўзлар билан тўлдирилсин;

тўртинчи ва бешинчи бандлари чиқариб ташлансин.

5. 5-модданинг биринчи бандида:

иккинчи хатбошиси қуйидаги таҳрирда баён этилсин:

«Ўзбекистон Республикасининг, бошқа давлатларнинг фуқаролари, фуқаролиги бўлмаган шахслар»

учинчи хатбошисидаги «Ўзбекистон Республикаси фуқаролари ташкил этган» деган сўзлар чиқариб ташлансин;

тўртинчи хатбошиси қуйидаги таҳрирда баён этилсин:

«ажнабий юридик шахслар давлат мулкини сотиб олувчи субъектлар бўлиши мумкин».

6. 6-модда:

биринчи бандининг иккинчи қисмидаги «акцияли жамиятга, бошқа йўсиндаги» деган сўзлар чиқариб ташлансин;

иккинчи бандидаги иккинчи, учинчи ва бешинчи қисмлар чиқариб ташлансин;

иккинчи қисми қуйидаги таҳрирда баён этилсин:

«— бошқа давлатларнинг жисмоний ва юридик шахслари давлат тасарруфидан чиқарилган ва хусусийлаштирилаётган объектлари, уларнинг акцияларини Ўзбекистон Республикаси Вазирлар Маҳкамаси томонидан ёки у ваколат берган идора томонидан белгиланадиган тартиб бўйича сотиб оладилар»;

7. 7-модда чиқариб ташланиб, 8, 9, 10, 11, 12, 13, 14, 15, 16, 17, 18, 19, 20, 21 ва 22-моддалар тегишинча 7, 8, 9, 10, 11, 12, 13, 14, 15, 16, 17, 18, 19, 20 ва 21-моддалар деб ҳисоблансин.

8. 7-модда:

биринчи қисмининг биринчи бандидаги «вакил қилган идораларга» деган сўзлар «ваколат берган давлат бошқаруви идораларига» деган сўзлар билан алмаштирилсин;

биринчи бандининг иккинчи қисми қуйидаги таҳрирда баён этилсин:

«Коммунал объектларини давлат тасарруфидан чиқариш ва хусусийлаштириш тўғрисидаги қарор қабул қилиш ҳуқуқи маҳаллий ҳокимият ва бошқарув идораларига берилади»;

биринчи бандининг тўртинчи қисми қуйидаги таҳрирда баён этилсин:

«Ўзбекистон Республикасининг давлат мулкини давлат мулкига ва маъмурий-ҳудудий тизилмалар мулкига (коммунал мулкка) ажратишни Ўзбекистон Республикаси Вазирлар Маҳкамасининг таклифига кўра Ўзбекистон Республикаси Олий Кенгаши амалга оширади»;

иккинчи бандининг биринчи қисмидаги «юридик шахслар» деган сўзлар «Ўзбекистон Республикасининг юридик шахслари ва бошқа давлатларнинг юридик шахслари» деган сўзлар билан алмаштирилсин;

иккинчи қисмнинг учинчи бандидаги «республика мулкини» деган сўзлар «давлат мулкини» деган сўзлар билан алмаштирилсин;

иккинчи бандининг тўртинчи қисми қуйидаги таҳрирда баён этилсин:

«коммунал мулкни давлат тасарруфидан чиқариш ва хусусийлаштиришга оид бўлса, бу мулкнинг эгаси бўлган маҳаллий ҳокимият бошқарув идораларига берилади. Буюртманинг шакли ва йиғим миқдори Ўзбекистон Республикаси Вазирлар Маҳкамаси ўрнатадиган тартибда белгиланади»;

учинчи банди чиқариб ташлансин;

тўртинчи банди учинчи банд деб, бешинчи банди эса тўртинчи банд деб ҳисоблансин;

тўртинчи бандининг тўртинчи қисми чиқариб ташлансин.

9. 8-модда:

иккинчи бандининг биринчи қисмидаги «унинг касаба уюшмаси ташкилотининг ёки ўзга жамоа» деган сўзлар «жамоат» деган сўз билан алмаштирилсин.

10. 9-модда:

иккинчи банди қуйидаги таҳрирда баён этилсин:

«2. Давлат мулки объекти қийматининг дастлабки баҳоси Ўзбекистон Республикаси Вазирлар Маҳкамаси белгилайдиган тартибда аниқланади;

учинчи банди чиқариб ташлансин.

11. 10-модда қуйидаги таҳрирда баён этилсин:

Ижарачи давлат мулки объектларини тасарруф этувчининг розилиги билан ўзи ижарага олган мол-мулкини (тўлиқ ёки қисман) сотиб олиши мумкин».

12. 11-модда қуйидаги таҳрирда баён этилсин:

1. Давлат корхонасини жамоа корхонасига айлантириш меҳнат жамоаси аъзолари томонидан давлат мулкининг (ҳақини бир йўла ёки бўлиб-бўлиб ҳақ тўлаш орқали) сотиб олиши ёки бу мулкининг уларга текин бўлиши йўли билан амалга оширилади.

2. Мол-мулк жамоа эгаларига сотиб олиниши чоғида жамоа корхонасининг уставида ҳар бир ходимнинг мол-мулкдаги ҳамда фойдадаги улуши белгилаб қўйилади, бунда уларнинг иш стажи, маошнинг миқдори ва бошқа омиллар эътиборга олинади».

13. 12-модда қуйидаги таҳрирда баён этилсин:

1. Давлат корхонасини хўжалик жамият ёки ширкатига айлантириш тартиби Ўзбекистон Республикасининг қонунлари билан белгиланади.

2. Қуйидагилар хўжалик жамиятлари ёки ширкатларининг муассислари ёки акциялар (улуш пай) бўлишлари мумкин:

меҳнат жамоасининг аъзолари, Ўзбекистон Республикасининг бошқа фуқаролари, ажнабий фуқаролар ва фуқаролиги бўлмаган шахслар;

Ўзбекистон Республикаси ва бошқа давлатларнинг юридик шахслари;

давлат бошқарувининг республика ва маҳаллий идоралари».

14. 14-модда:

учинчи бандидаги «республика (коммунал) мулки» деган сўзлар «давлат ёки коммунал мулк» деган сўзлар билан алмаштирилсин; «давлат мулки объектларини» деган сўзлар «мулк объектларини» деган сўзлар билан алмаштирилсин.

15. 16-модда:

иккинчи бандининг тўртинчи қисми чиқариб ташлансин.

16. 19-модда:

биринчи бандидаги «шу ердан пенсияга кетган меҳнат фахрийларига» деган сўзлар «меҳнат фахрийларига, шу корхонадан пенсияга чиққан шахсларга» деган сўзлар билан алмаштирилсин;

иккинчи банди қуйидаги мазмунда бўлган иккинчи қисм билан тўлдирилсин:

«Давлат корхонасининг мол-мулки шу корхона меҳнат жамоаси томонидан сотиб олинаётганида корхона балансида турган ижтимоий инфраструктура ҳамда атроф-муҳитни муҳофаза қилиш объектларининг қиймати сотилаётган объект нархига қўшилмайди»