Oʻzbekiston Respublikasi Oliy Kengashi qaror qiladi:

1. “Davlat uy-joy fondini xususiylashtirish toʻgʻrisida”gi Oʻzbekiston Respublikasi Qonuni eʼlon qilingan paytdan eʼtiboran amalga kiritilsin.

2. Oʻzbekiston Respublikasi Vazirlar Mahkamasi:

uch oylik muddat ichida:

Oʻzbekiston Respublikasining qonun hujjatlarini “Davlat uy-joy fondini xususiylashtirish toʻgʻrisida”gi Qonunga muvofiqlashtirishga oid takliflarni Oʻzbekiston Respublikasi Oliy Kengashiga taqdim etsin;

Oʻzbekiston Respublikasi Hukumatining qarorlarini “Davlat uy-joy fondini xususiylashtirish toʻgʻrisida”gi Oʻzbekiston Respublikasi Qonuniga muvofiqlashtirsin;

respublika vazirliklari, davlat qoʻmitalari va idoralari ushbu Qonunga zid keladigan oʻz meʼyoriy hujjatlarini qayta koʻrib chiqishini hamda bu hujjatlarning bekor qilishini taʼminlasin;

ushbu Qonun 4-moddasining 2-bandidagi, 11-moddasidagi, 17-moddasining 1-xatboshisidagi, 23-moddasidagi qoidalar bajarilishini taʼminlovchi meʼyoriy hujjatlarni ishlab chiqsin va tasdiqlasin;

1994-yil 1-yanvarga qadar Oʻzbekiston Respublikasi Oliy Kengashi muhokamasiga Oʻzbekiston Respublikasining Uy-joy kodeksiga qoʻshimchalar va oʻzgartishlar kiritish toʻgʻrisida takliflar kiritsin.