Qishloq xoʻjaligi mahsulotlari ishlab chiqarishga sarflanadigan xarajatlarni kamaytirish hamda fermer va shirkat xoʻjaliklarini davlat tomonidan qoʻllab-quvvatlash maqsadida:

1. “Oʻzagromashservis” uyushmasi korxonalari va muqobil mashina-traktor parklari istisno tariqasida:

2006-2007-yillar mobaynida Hukumat qarori bilan olib kelinadigan qishloq xoʻjaligi texnikasi, butlovchi va ehtiyot qismlar, qishloq xoʻjalik shinalari va taʼmirlash materiallarini import qilishda bojxona toʻlovlarini toʻlashdan (bojxona rasmiylashtiruvi yigʻimlaridan tashqari), shuningdek, ularni qishloq xoʻjaligi ishlab chiqaruvchilari va mashina-traktor parklari, jumladan muqobil mashina-traktor parklariga sotishda qoʻshilgan qiymat soligʻidan;

qishloq xoʻjaligi korxonalari talabnomalariga koʻra bajariladigan ish va xizmatlar uchun qoʻshilgan qiymat soligʻi toʻlashdan 2007-yilning 1-yanvarigacha ozod etilsin.

2. “Oʻzagroservis” aksiyadorlik jamiyatiga va muqobil mashina-traktor parklari fermer xoʻjaliklarga qishloq xoʻjaligi texnikasi va moddiy-texnika resurslarini sotishda ular qiymatining 5 foizidan oshmaydigan (soliqlar va budjetga toʻlanadigan majburiy toʻlovlardan tashqari ) ustama narxni nazarda tutsin.

3. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.