|
Hujjat kuchini yo‘qotgan 22.02.2021
|
Hujjat 26.11.1999 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
2000-2001 YILLARDA XORIJIY INVESTORLARNI JALB QILGAN HOLDA KORXONALARNI DAVLAT TASARRUFIDAN ChIQARISh VA XUSUSIYLAShTIRISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Korxonalarni xususiylashtirish va aksiyalashtirishni yanada chuqurlashtirish, ushbu jarayonlarga xorijiy investorlarni keng jalb etish maqsadida Vazirlar Mahkamasi qaror qiladi:
1. Quyidagilar:
aksiyalarining bir qismi 2000-2001-yillarda yakka tartibdagi loyihalar boʻyicha xorijiy investorlarga sotiladigan korxonalar roʻyxati 1-ilovaga* muvofiq;
* 1-ilova berilmaydi.
aksiyalarining bir qismi 2000-2001-yillarda birja va birjadan tashqari bozorlarda xorijiy investorlarga sotiladigan korxonalar roʻyxati 2-ilova*ga muvofiq;
* 2-ilova berilmaydi.
2000-2001-yillarda xorijiy investorlarning mulki etib sotiladigan korxonalar roʻyxati 3-ilova*ga muvofiq tasdiqlansin.
* 3-ilova berilmaydi.
Keyingi tahrirga qarang.
2. Belgilansinki:
1-3-ilovalarda koʻrsatilgan korxonalar mol-mulki qiymatini aniqlash erkin almashtiriladigan valyutada amalga oshiriladi;
xorijiy baholash kompaniyalari, auditorlar, maslahatchilar va moliyaviy agentlarning xizmatiga haq toʻlash institutsional qayta oʻzgartirishlarni amalga oshirishga Jahon banki qarzi boʻyicha tushuvchi mablagʻlar hamda xarajatlarni keyinchalik obyektlar (aksiyalar)ni sotishdan tushgan tushum hisobida qoplagan holda davlat mulkini xususiylashtirishdan tushgan umumiy mablagʻlar hisobiga Oʻzbekiston Respublikasi Davlat mulki qoʻmitasi tomonidan amalga oshiriladi;
1 va 3-ilovalarda koʻrsatilgan korxonalar va aksiyalar paketlari ishlab chiqarishni rivojlantirish va texnika bilan qayta jihozlash boʻyicha biznes-reja albatta taqdim etilishi sharti bilan faqat tender yoki investitsiya savdolarida sotiladi.
Keyingi tahrirga qarang.
3. Davlat mulkini xorijiy investorlarga sotishda tender savdolarini oʻtkazish Davlat komissiyasiga, ayrim hollarda, iqtisodiyot uchun strategik ahamiyatga ega boʻlgan korxonalarga investitsiyalar jalb qilinganda:
Keyingi tahrirga qarang.
korxona (aksiyalar ulushi) sotilishigacha budjet va davlat korxonalari oldida toʻplanib qolgan qarzlar tarkibini oʻzgartirish, shu jumladan ular boʻyicha toʻlovlarni kechiktirish toʻgʻrisida qaror qabul qilish;
yangi ishlab chiqarish quvvatlari va mahsulotlarni oʻzlashtirish davrida xorijiy investorning soʻroviga koʻra tabiatni muhofaza qilish koʻrsatkichlari boʻyicha talablarni oshirish muddatini uzaytirish huquqi berilsin.
4. Oʻzbekiston Respublikasi Vazirlar Mahkamasining 4-ilova*ga muvofiq qarorlariga oʻzgartirish va qoʻshimchalar kiritilsin.
* 4 - ilova rus tilidagi matnda berilgan.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Chjen zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1999-yil 26-noyabr,
511-son
