1-modda. Oʻzbekiston Respublikasining 1991-yil 14-iyunda qabul qilingan “Tashqi iqtisodiy faoliyat toʻgʻrisida”gi Qonunining (2000-yil 26-mayda qabul qilingan 77–II-sonli Oʻzbekiston Respublikasi Qonuni bilan tasdiqlangan tahririda) (Oʻzbekiston Respublikasi Oliy Majlisining Axborotnomasi, 2000-yil, № 5-6, 148-modda; 2003-yil, № 5, 67-modda; 2004-yil, № 5, 90-modda; 2005-yil, № 1, 18-modda) 19-moddasining birinchi qismidagi va ikkinchi qismining birinchi xatboshisidagi “Tashqi iqtisodiy aloqalar agentligi” degan soʻzlar “Tashqi iqtisodiy aloqalar, investitsiyalar va savdo vazirligi” degan soʻzlar bilan almashtirilsin.

2-modda. Oʻzbekiston Respublikasining 1995-yil 22-dekabrda qabul qilingan “Oʻzbekiston Respublikasining xalqaro shartnomalari toʻgʻrisida”gi 172–I-sonli Qonuniga (Oʻzbekiston Respublikasi Oliy Majlisining Axborotnomasi, 1995-yil, № 12, 262-modda; 2003-yil, № 5, 67-modda; 2004-yil, № 1-2, 18-modda) quyidagi oʻzgartishlar kiritilsin:

1) 9-moddasining birinchi va ikkinchi qismlaridagi “Tashqi iqtisodiy aloqalar agentligi” degan soʻzlar “Tashqi iqtisodiy aloqalar, investitsiyalar va savdo vazirligi” degan soʻzlar bilan almashtirilsin;

2) 38-moddasidagi “Tashqi iqtisodiy aloqalar agentligi” degan soʻzlar “Tashqi iqtisodiy aloqalar, investitsiyalar va savdo vazirligi” degan soʻzlar bilan almashtirilsin.

3-modda. Oʻzbekiston Respublikasining 1996-yil 25-aprelda qabul qilingan “Erkin iqtisodiy zonalar toʻgʻrisida”gi 220–I-sonli Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 58-modda; 2003-yil, № 5, 67-modda) 25-moddasining uchinchi qismidagi “Tashqi iqtisodiy aloqalar agentligi” degan soʻzlar “Tashqi iqtisodiy aloqalar, investitsiyalar va savdo vazirligi” degan soʻzlar bilan almashtirilsin.

4-modda. Oʻzbekiston Respublikasining 2004-yil 26-avgustda qabul qilingan “Eksport nazorati toʻgʻrisida”gi 658–II-sonli Qonuni (Oʻzbekiston Respublikasi Oliy Majlisining Axborotnomasi, 2004-yil, № 9, 158-modda) 8-moddasining birinchi qismidagi “Tashqi iqtisodiy aloqalar agentligi” degan soʻzlar “Tashqi iqtisodiy aloqalar, investitsiyalar va savdo vazirligi” degan soʻzlar bilan almashtirilsin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.