O‘zbekiston Respublikasi Oliy Kengashining “Mahalliy soliqlar va yig‘imlar to‘g‘risida” O‘zbekiston Respublikasi Qonunini amalga kiritish haqida” 1993-yil 7-maydagi qaroriga muvofiq Vazirlar Mahkamasi qaror qiladi:

quyidagilar o‘z kuchini yo‘qotgan deb hisoblansin:

O‘zbekiston SSR Ministrlar Sovetining “O‘zbekiston SSR Ministrlar Soveti huzuridagi Moddiy madaniyat yodgorliklarini muhofaza qilish komitetini tuzish haqida” 1957-yil 30-avgustdagi 557-son qarorining 6-bandi;

SSSR Ministrlar Sovetining “Tomoshaxonalardan olinadigan soliqni bekor qilish haqida va kinofilmlar ko‘rsatishdan tushadigan daromadlardan olinadigan soliq to‘g‘risida” 1975-yil 10-martdagi 194-son qarori yuzasidan O‘zbekiston SSR Ministrlar Sovetining 1975-yil 15-apreldagi 207-son qarori (O‘zSSR QT, 1975-y., 4-son, 12-modda);

O‘zbekiston SSR Ministrlar Sovetining “O‘zbekiston SSR Oliy Soveti Prezidiumining “Kolxoz bozorlarida bir yo‘la olinadigan yig‘im to‘g‘risida” 1981-yil 30-iyundagi Farmonini ijro etish tartibi haqida” 1981-yil 20-iyuldagi 579-son qarori (O‘zSSR QT, 1981-y., 7-son, 22-modda).