“Davlat soliq xizmati toʻgʻrisida”gi Oʻzbekiston Respublikasi Qonuniga muvofiq Vazirlar Mahkamasi qaror qiladi:

2. Belgilansinki, soliq organlari xodimlarining majburiy davlat sugʻurtasi respublika budjeti mablagʻlari hisobiga amalga oshiriladi.

3. Belgilab qoʻyilsinki, soliq organlari xodimlarining majburiy davlat sugʻurtasi boʻyicha sugʻurta summasi toʻlov kunida qonun hujjatlarida belgilangan bazaviy hisoblash miqdorining 80 baravarini tashkil etadi.

4. Belgilansinki, sugʻurta mukofoti Davlat soliq qoʻmitasi (sugʻurta qildiruvchi) tomonidan vakil qilingan sugʻurtalovchiga sugʻurta qilinishi kerak boʻlgan sugʻurta qildiruvchining har bir xodimiga toʻlash paytida amal qilgan bazaviy hisoblash miqdorining 20 foizi miqdorida toʻlanadi.

5. “Kafolat” davlat-aksiyadorlik sugʻurta kompaniyasi (vakil qilingan sugʻurtalovchi) mazkur qarorda belgilangan tartibda majburiy davlat sugʻurtasini amalga oshirishni 2002-yil 31-dekabrgacha davom ettirsin.

“Oʻzbekinvest” eksport-import milliy sugʻurta kompaniyasi (vakolatli sugʻurtalovchi) mazkur qarorda belgilangan tartibda majburiy davlat sugʻurtasi oʻtkazishni 2003-yil 1-yanvardan boshlasin.

6. “Kafolat” davlat-aksiyadorlik sugʻurta kompaniyasi soliq organlari xodimlarining majburiy davlat sugʻurtasiga tegishli hujjatlarning nusxalari va sugʻurta zaxiralari mablagʻlari 2003-yil 1-fevralgacha “Oʻzbekinvest” eksport-import milliy sugʻurta kompaniyasiga berilishini taʼminlasin.

“Oʻzbekinvest” eksport-import milliy sugʻurta kompaniyasi hujjatlarni va sugʻurta zaxiralari vositalarini qabul qilsin hamda har bir keyingi yil boshlangunga qadar Oʻzbekiston Respublikasi Davlat soliq qoʻmitasi bilan zarur sugʻurta shartnomalari tuzilishini taʼminlasin.

7. Oʻzbekiston Respublikasi Moliya vazirligi bir oy muddatda Soliq organlari xodimlarining majburiy davlat sugʻurtasi qoidalarini tasdiqlasin.

8. Ushbu qarorning bajarilishini nazorat qilish Bosh vazir oʻrinbosari R. R. Yunusov va B. S. Hamidov zimmasiga yuklansin.