|
Hujjat kuchini yo‘qotgan 16.12.2025
|
Hujjat 19.10.2017 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI FANLAR AKADEMIYALARI AʼZOLARINING GONORARLARI, DOKTORANTLAR VA ASPIRANTLARNING STIPENDIYALARI MIQDORINI OSHIRISH TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2025-yil 15-dekabrdagi 791-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.
Respublikaning ilmiy salohiyatini saqlash va mustahkamlash, ilmiy faoliyatni ragʻbatlantirish, yuqori malakali ilmiy xodimlar tayyorlash sifatini oshirish hamda olimlar, doktorantlar va aspirantlarni ijtimoiy himoya qilishni taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Fanlar akademiyasi va Oʻzbekiston Qishloq xoʻjaligi fanlari akademiyasining haqiqiy aʼzosi va muxbir aʼzosi unvoni uchun oylik gonorarlar, doktorantlar va aspirantlarning stipendiyalari miqdori shu yilning 1-dekabridan boshlab ilovaga muvofiq belgilansin.
Belgilab qoʻyilsinki, unvonlar uchun gonorarlar va stipendiyalar toʻlash bilan bogʻliq xarajatlar budjet mablagʻlari hisobidan amalga oshiriladi.
2. Oʻzbekiston Respublikasi Moliya vazirligi koʻrsatib oʻtilgan maqsadlar uchun zarur mablagʻlar ajratsin.
Vazirlar Mahkamasining Raisi I. KARIMOV
Toshkent sh.,
1994-yil 1-dekabr,
578-son
Oldingi tahrirga qarang.
Oʻzbekiston Respublikasi Fanlar akademiyasining haqiqiy aʼzolari, sobiq Oʻzbekiston Qishloq xoʻjaligi fanlari akademiyasi haqiqiy aʼzolari va muxbir aʼzolarining gonorarlari
miqdori
|
Bir oylik gonorar miqdori | ||
|
1. Fanlar akademiyasining haqiqiy aʼzosi (akademik) |
Respublikada belgilangan eng kam ish haqining 10 baravari miqdorida | |
|
2. Sobiq Oʻzbekiston Qishloq xoʻjaligi fanlari akademiyasining haqiqiy aʼzosi |
Respublikada belgilangan eng kam ish haqining 10 baravari miqdorida | |
|
3. Sobiq Oʻzbekiston Qishloq xoʻjaligi fanlari akademiyasining muxbir aʼzosi |
Respublikada belgilangan eng kam ish haqining 7 baravari miqdorida |
(ilova Oʻzbekiston Respublikasi Vazirlar Mahkamasining 2017-yil 18-oktabrdagi 846-sonli qarori tahririda — Qonun hujjatlari maʼlumotlari milliy bazasi, 19.10.2017-y., 09/17/846/0141-son)
Keyingi tahrirga qarang.
