|
Hujjat kuchini yo‘qotgan 22.02.2021
|
Hujjat 02.09.1994 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
1995 YILDA QORAQALPOGʻISTON RESPUBLIKASI VA XORAZM VILOYATI XOʻJALIKLARIDA ShOLI YETIShTIRIShNI KOʻPAYTIRISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Qoraqalpogʻiston Respublikasi va Xorazm viloyati tabiiy-iqtisodiy imkoniyatlaridan samarali foydalanish, bu mintaqani sholi yetishtirishga ixtisoslashuvini chuqurlashtirish maqsadida Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashi, Xorazm viloyati hokimligi va Oʻzbekiston Respublikasi Qishloq xoʻjaligi vazirligining 1995-yilda sholipoyalarni kengaytirish va don ekinlari maydonini qisqartirish, shuningdek, boshoqli ekinlar doni va sholi yetishtirish hamda xarid qilish hajmlari toʻgʻrisidagi takliflari ilovaga* muvofiq qabul qilinsin.
* Ilova berilmaydi.
2. Qoraqalpogʻiston Respublikasi Vazirlar Kengashi, Xorazm viloyati hokimligi, Qishloq xoʻjaligi vazirligi sholipoyalarni joylashtirishni qabul qilingan almashlab ekish sxemalariga muvofiq va hosildorlikni koʻpaytirishni nazarda tutib amalga oshirsinlar.
Ajratiladigan maydonlarga ekilishini taʼminlaydigan hajmlardagi urugʻlikni 1994-yil hosilining eng hosildor sholi navlaridan toʻplasinlar.
3. Vazirlar Mahkamasining 1994-yil 5-avgustdagi 400-son qarori 1, 2, 3-ilovalarga mazkur qarordan kelib chiquvchi oʻzgartirishlar kiritilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H.Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1994-yil 2-sentabr,
446-son
