1-modda. Oʻzbekiston Respublikasining 1992-yil 14-yanvarda qabul qilingan “Jismoniy tarbiya va sport toʻgʻrisida”gi Qonunining 2000-yil 26-maydagi 76-II-sonli Oʻzbekiston Respublikasi Qonuni bilan tasdiqlangan yangi tahririga (Oʻzbekiston Respublikasi Oliy Majlisining Axborotnomasi, 2000-yil, № 5-6, 147-modda) quyidagi oʻzgartishlar kiritilsin:

1) 5-moddaning birinchi qismidagi va ikkinchi qismi birinchi xatboshisidagi “Davlat jismoniy tarbiya va sport qoʻmitasi” degan soʻzlar “Madaniyat va sport ishlari vazirligi” degan soʻzlar bilan almashtirilsin;

2) ruscha matnning 22-moddasi ikkinchi qismidagi “Gosudarstvennim komitetom Respubliki Uzbekistan po fizicheskoy kulture i sportu” degan soʻzlar “upolnomochennim organom gosudarstvennogo upravleniya fizicheskoy kulturoy i sportom” degan soʻzlar bilan almashtirilsin.

2-modda. Oʻzbekiston Respublikasining 1998-yil 29-avgustda qabul qilingan “Madaniy boyliklarning olib chiqilishi va olib kirilishi toʻgʻrisida”gi 678–I-sonli Qonuni (Uzbekiston Respublikasi Oliy Majlisining Axborotnomasi, 1998-yil, № 9, 178-modda) 5-moddasining birinchi qismidagi va ikkinchi qismi birinchi xatboshisidagi, 7-moddasining birinchi qismidagi, 10-moddasining birinchi qismidagi va 17-moddasining ikkinchi qismidagi “Madaniyat ishlari vazirligi”, “Madaniyat ishlari vazirligining” degan soʻzlar tegishincha “Madaniyat va sport ishlari vazirligi”, “Madaniyat va sport ishlari vazirligining” degan soʻzlar bilan almashtirilsin.

3-modda. Oʻzbekiston Respublikasining 2001-yil 30-avgustda qabul qilingan “Madaniy meros obyektlarini muhofaza qilish va ulardan foydalanish toʻgʻrisida”gi 269–II-sonli Qonuni (Oʻzbekiston Respublikasi Oliy Majlisining Axborotnomasi, 2001-yil, № 9-10, 180-modda; 2004-yil, № 5, 90-modda) 5-moddasi matnidagi, 7-moddasining nomi va birinchi xatboshisidagi, 12-moddasining birinchi va beshinchi qismlaridagi, 14-moddasining birinchi qismidagi, 15-moddasining ikkinchi qismidagi, 18-moddasi matnidagi, 20-moddasining oltinchi qismidagi, 21-moddasining ikkinchi qismidagi, 22-moddasining birinchi va uchinchi qismlaridagi, 24-moddasining uchinchi xatboshisidagi, 25-moddasining birinchi qismidagi va 31-moddasining birinchi qismidagi “Madaniyat ishlari vazirligi”, “Madaniyat ishlari vazirligining”, “Madaniyat ishlari vazirligiga” degan soʻzlar tegishincha “Madaniyat va sport ishlari vazirligi”, “Madaniyat va sport ishlari vazirligining”, “Madaniyat va sport ishlari vazirligiga” degan soʻzlar bilan almashtirilsin.

4-modda. Oʻzbekiston Respublikasining 2001-yil 7-dekabrda qabul qilingan “Qimmatbaho metallardan yasalgan buyumlarning asillik darajasi va tamgʻalanishi toʻgʻrisida”gi 317-II-sonli Qonuni (Oʻzbekiston Respublikasi Oliy Majlisining Axborotnomasi, 2002-yil, № 1, 17-modda; 2004-yil, № 5, 90-modda) 14-moddasi birinchi qismining uchinchi xatboshisidagi “Madaniyat ishlari vazirligining” degan soʻzlar “Madaniyat va sport ishlari vazirligining” degan soʻzlar bilan almashtirilsin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.